رومانسية أنتي ...ممكن تساعدني...!!

[همسة ذوق]

اخواتي انا ماطرحت موضوعي هنا الا واثقة بمساعدتكم لي بعد الله انا ذكرى ميلاد زوجي الشهر الجاي ابي افكاااااااااار حلوة كان نفسي اوصل له باقة ورد وهو في العمل بس سألت المحلات اسعارهم غالية انا من جدة فلي تعرف تفيدني بها الشي ...بلللللللليز كل وحدة تعطيني ولو فكرة وحدة سوتها هي ...لاني بجد محتاجة اغير حياتي سايرة مملة فياليت تعتبروني اختكم وكما اسلفت ولو بفكرة وحدة ولاتنسوووووني اذا احد يعرفلي محل اسعاره معقولة تبع ورد ....وياريت ماتخدلوني

[همسة ذوق]

والله زعلتوني ليش دائماً ماتردوا عليا.....

[انثى من زجاج]

محل اسعاره مناسبة والله مااعرف بس افكار ممكن افيدك ممكن تعملي المفرش المضيئ على السرير تملي غرفتك شموع وورد جوري احمر ممكن تشتري فراولة من محل ايدبل تبع الفواكه او لو تبغي شي سعره حلو ممكن انتي تشتري فراولة وتغطي نصها شوكلاتة ممكن تستخدمي صوص الشوكلاتة او التوفي او الكريمة الرغوية كنكهة للجسم ممكن كمان توزعي صور الفرح عالممرات والسرير وممكن كمان تكبري عقد الزواج وتبروزيه وممكن تشتري اضاءة حمرا والاضاءت تبع البانيو وتوحدي اللون في كلا من الحمام والغرفة ممكن تملي البيت بلالين الهليوم اللي زي حقت الاطفال اللي تنباع في الاسواق،،،،،انتظريني ليا عودة

[سحآبة فجر]

ماشاء الله انثى من الزجاج ماقصرت
ويا قلبي لما البنات مايردون عليك مو معناته مطنشينك أو متعمدين علشان تزعلين
يمكن ماعندهم شيء يفيدك فلما تدخل ما ترد
وان شاء الله اللي تعرف محل ورد اسعاره زينه او افكار ثانيه بتقول لك وماراح يقصرون معك
بالتوفيق

[همسة ذوق]

أسفة أنثى من زجاج بس ايش هوا المفرش المضئي ورين ألقاه مشكورة أفكارك تدل على ذوقك الرومانسي .....وتسلميلي سحابة فجر على التجاوب...

[انثى من زجاج]

المفرش المضيئ يتباع في الاماكن اللي تبيع الاشياء حق الرومانسيين وهذي تلاقيها في البازارات والمهرجانات كثيرة الحقي مهرجان الربيع اللي جنب ايكيا اكيد رح تلاقي احد يبيعها وهوه عبارة عن شرشف سرير مكتوب عليه كتابات رومانسية تشحنيه في الضوء ويصير يضوي في الظلام عندك مكان الفاكهه اللي قلت لك عليه يوصلك باقات لمكان شغله بس ابغى اعرف سعر الباقة كم ممكن تدفعي او كم ميزانيتك عشان اقدر افيدك

[انثى من زجاج]

اشتري التاتو اللي يتلصق بالمويه او اللي شكل فصوص صغيرة وانثريها على جسمك اشتري صبغة مؤقتة ولوني شعرك اعملي العشاء بطريقة رومانسية والأفضل الاكل البحري ممكن تشغلي شريط ياكثر الاماكن اللي تسحب الموسيقى اوشغلي زفتك والبسي فستان فرحك لو عندك فيديو للفرح شغليه لو عندك دي في دي اعملي طرحة على فستان ابيض لو ماجاك فستانك اي قطعة قماش ومسكة بسيطة ممكن تهديه باقة ورد طبيعي وفيها وردة وحدة صناعي وتكتبي عليها احبك لين تذبل اخر وردة اذا تبغي رح اكمل

[انثى من زجاج]

لوتبغي اي توضيح اكتبي عادي لاني قاعدة اكتب بسرعة

[همسة ذوق]

تسلميلي انثى بس غريبة !!!كيف محل فواكه ويوصل باقات ورد...ميزانية الورد 100 ريال

[انثى من زجاج]

ياقلبي هوه محل فواكه يعمل باقة فواكه على شكل باقة ورد بالضبط يعني يقصصو الفواكه على شكل وروووود ومرة رح يتفاجئ زوجك فيه بس اقل سعر يقدرو يوصلو فيه باقة ب300ريال ممكن بس توصليها وتجهزي نفسك انتي في البت عادي يعني بس تلبسي فستان سهرة وتوضي شموع وتسوي عشاء غير عن كل مرة وتعملي لنفسك تسريحة بسيطة ومكياج غير عن اللي تعمليه دايما ولو عجبتك فكرة الفواكه اسم المحل ايدبل اريجمنتس انا مرة جبت لهم قاعدة من عندي حسبولي الفواكه لحالهاب200ريال وجيت استلمتها بنفسي اما لو هما يوصلوها قلت لك اقل شي300واذا تبغي افكار اكثر اقرئي موضوعي ليالي زوجية للنفوسات ان شاء الله تستفيدي