عتب على الجميع ارجو تقبله بصدر رحب

[صيته]

السلام عليكم ورحمة الله وبركاته


انا والعياذ بلله من هذه الكلمه متابعه للمنتدى من خلال مواقع البحث وبعد كسل وتاجيل في التسجيل سجلت واقول لنفسي اخيرا ياكسوله سجلتي ههههههه

اخش دغري بالموضوع

من خلال قراءتي للمواضيع خصوصا في هالقسم لاحظت نقطتين على الاغلب .

الاولى :

لما تطرح الوحده مشكله عشان تاخذ راي الاعضاء فيها نلقى كم هائل من الردود .. طيب بعدين ليه ماتقولنا ايش صار وايش نفع معاها ؟ عشان تعم الفائده على الجميع

تلقى الوحده عندها مشكله مع زوجها وانحلت ماتخبرنا بهالشيء خلاااص تنسانا ( مالومها من الوناسه الله لايغير على الجميع )

نقطه ثانيه :

مافي وحده اعترفت ان الخطأ كان منها مو من زوجها .. يعني نشوف الوحده تطرح مشكله وتتشكى وماني عارفه ايش اخرتها يطلع الخطأ منها ولا تعترف بهالشيء للاسف !


ملاحظه : انتقادي من خلال المواضيع اللي قريتها فقط يمكن كلامي ماينطبق على جميع المواضيع


اختكم / صيته >> لحد يقول طقاقه والله ازعل

[●•• ShąhǿǾǿĎ ••●]

هههههههههههههههههه نفسي قعدت سنه اتابع المنتدى بدون تسجيل واخر شي استسلمت وسويتها بالنسبه للعتب معاااااااج حق انا معاج في هالنقطه بالنسبة لي ودي كل وحده ترد تقولنا شنو صار معاها بالنسبة لاسمج عسسسسسسسسسسسسل

[صيته]

ايه لان لو تلاحظين بحكم عواطفنا كنساء ( اثناء ) طرح المشكله ( عقولنا ) ماتكون حاضره ( بنسبه جيده ) يغلب على كلامنا العاطفه ونشرشح بالزوج ونغسل شراعه وفي النهايه نكتشف ان احنا الغلطانين هههههههه

انتي طرحتي مشكله قولي اش اللي نفع معاك عشان الكل يستفيد ولا تجي وحده بكره تتأثر بردود سلبيه ( التحريض بالذات هههههه )

مشكوره اسمك العسل ياكلاسيك

[فوضت امري لله]

هلا حبيبتي صيته فعلا معاك حق

بالنسبه للثاني مافيه طرف بيقول انه غلطان واحنا الحريم كفارات العشير فعلا لما تزعلين من زوجك تنسين حسناته---الله يهدينا ويصلح احوالناااااااا

[اية وجدي]

اختي اولا عندك حق من ناحية ومن ناحية اعتقد ان معظم المواضيع التكتبها العضوات تكون لحظتها محتاجة لاراء الباقي مهما كان القسم واكثر الاحيان ننسى نعقب عالموضوع السابق

[صيته]

المشاركة الأصلية كتبت بواسطة اية وجدي

اختي اولا عندك حق من ناحية ومن ناحية اعتقد ان معظم المواضيع التكتبها العضوات تكون لحظتها محتاجة لاراء الباقي مهما كان القسم واكثر الاحيان ننسى نعقب عالموضوع السابق

اي محتاجه لاراء لكن احيانا طرحها خاطئ من الاسااااس ومو في محله .. هذا قصدي

وتلقينها ( اثناء الطرح ) عشان تاخذ رأي الاعضاء حسيت في بعض المواضيع نوع من المبالغه والقسوه في الوصف !

واحيانا يكون هالشيء نابع من حبنا لازواجنا واكيد الكل فاهم قصدي

شكرا لكل اللي ردو وان شاء الله نرتقي في الطرح بحيث يكون بطريقه :

المشكله و حلها = النتيجه

احنا نطرح مشكله وحلها لكن ماخلينا الحلو يكمل ماستعرضنا النتيجه

الله يعطيكم العافيه

[احلى من العسل]

هلافيك اخت صيته والله جبتيها على الجرح والله اني كنت ابطرح مثل هذا الموضوع لانه فعلااحيانا تطرح مشاكل ونتفاعل معاها ونطرح حلول ونتابع ونبغى النتيجه وبالاخرتروح بدون ماتقولنا ايش الي صار وايش الحل الي كان مناسب مهماكان نحن عشنامعهاقصتهاوناقشناها ونبغى نعرف النتيجه اتمنى من كل صاحبه مشكله انها ماتبخل علينا بالنتيجه

[Fuoonkh]

هلا وآللللللللللللله بـ ( طقآقتنـآ ) << بتتصفق
ههههههههههه يالبى قلبك انتي واسمك ,

شوفي بصصصرآحه يختي والله انك صادققققه ,
لا انا اللي يضيق صدررري انها تجيك مرره معصبه وتكتب كلششششششش ثم انواع الردود ثم تتراضى هي وياه , وتسحب على الاوادم اللي هنا ,
ليييه طيب ماتفقنـآ يختي

لا يختي ذي تهون بس انا انقهر لما تجيك الوحده ,
تلقينها معصبه من زوجها وهي اللي منرفزته وغلطانه عليه , ثم تكتب مشكلتها ثم يجيها رد من وحده سوا تحريض او اي شي ههههههههه
ثم تروح تشطح على راس زوجها بالحل اللي قرته بالمنتدى
وهو اصلا مو اسلوبها ولا من حركاتها فـ تلقينه يتنرفز اكثر من قبل

فـ حلو تنزلين مشكله لك ثم تقرين الردود واللي يناسسسبك ومو بعيد عن اسلوبك سسسويه , بس شطحه على راس ابو الشباب ليه يا اخـتآه ,
تحمسست وطلعت برا الموضوع ,
عآدي عآدي ,~
:) تقبلي مروري طقاقتي الجميله ,~ < النحشه

[صيته]

ملاحظه انكم مأيدين كلامي

طيب ليه مايكون من قوانين القسم ؟

ان اي وحده تطرح مشكله لازم تعلمنا بالنتيجه واش اللي نفع معها ولا موضوعها راح يحذف !


انا اشوف هالشيء ضروري جدا جدا جدا وراح يطورنا اكثر واكثر واكثر

اتمنى من المشرفات يفرضون هالنقطه على الاعضاء اذا امكن

[3miao]

صح عندك حق
لازم كل وحدة تستفاد من اي وصفة او نصيحة تخبرنا بالنتيجة
مشكورة على التذكير ربي يسعدك يا رب