رموز في الحلم بشرتكي بحملك

[درة غالية]

السلام عليكم..
الاخت جوري الجنوب الله يجزاك خير يارب على مساعدة غيرك وجعلها الله في موازين حسناتك..

حبيبتي ياليت تفسرين لي حلم حلمت فيه وانا حامل..
حلمت كاني في بيت اهلي وكنا جالسين في الحوش في الليل وكان اخوي الكبير يلاعب ولده تقريبا عمرة عشرة اشهر وفي الحقيقة ماعنده ولد في هذا العمر وكان يرفعه فوق وبعدين يشيله وكان قلبي مع الولد لا يوقع في الارض واخر مرة رفعة اخوي فوق وتشنج الطفل وخاف اخوي ونادى زوجته عشان تاخذ الولد وناديت زوجة اخوي وجلست اقرا على الولد بسم الله ارقيك من كل شي يؤذيك ومن شر كل نفس وعين حاسدة بسم الله ارقيك..بعدين قلبت الطفل لاسفل وبعدها تنفس وصار طيب وجلست امي تناظر فيني باعجاب وعطت بنوتة صغيرة مسبحة الاستغفار قالت عطيها تقصدني وتأشر علي واخذت المسبحة وكان لونها بني فاتح وانا كنت فرحااااانة وخلاص انتهى الحلم..


وبعدها بيومين حلمت كأني في بيت اهلي وكنت أنا وزوجة اخوي اللي في الحلم السابق كنا في المخزن وشفنا اقفاص كثيررررة كانها هدايا وجلسنا نفتحها وتطلع لنا فلوس كثيررررر وذهب وكنا فرحانين مررررررة وقلت لها خلاص باخرج انادي امي واخواتي يشوفونها المهم خرجت اناديهم ورجعنا لها وشفتها سرقت فلوسي مابقى منها ومن الذهب الا قليل وقلت لها انتي سراقة وين الباقي قالت مأخذت شي وقالت امي خلاص يابنتي لا تزعلين هذي بتكفيك قلت لااااا كانت اكثر من كذا وصحيت من النوم وانا متضايقة وحاقدة على زوجة أخوي هههههههه

الله يجزاك خير ياااارب ودعواتك لي ربي يثبت حملي ويحفظه من كل شر وافرح اهلي لاني ماحملت الا بعد معاناة ست سنوات وعلى فكرة انا في غربة وباقي ماقلت لاهلي عن حملي لحتى اتطمن عليه
والحمد لله مستمرة على التحصين وقراءة سورة البقرة والاستغفار وادعية تثبيت الحمل والله كريم

[اسماء ف]

اين انت يا جوري

[شهد السعوديه]

انا سجلت في هذا المنتدى عشان اشارك بهذا الموضوع الله يجزاك خير يااختي الجوري

حلمي الاول :حلمت اني جبت ولد
حلمي الثاني : انو زوجي تزوج علي وكنت مقهوره ومتضايقه بالحلم يمكن كنت ابكي مش ذاكره بس هو جا عندي وبعدين راح عند زوجته الجديده ....
للعلم اني زوجته الثانيه وانا حامل

[حبيبي الوفي انا]

السلام عليكم ورحمة الله وبركاته
سلام عليكم الجوري الجنوب
انا سجلة بالمنتدئ عشان الموضوع هاذا
وابيك تفسرين حلمي اذا ماعليك امر
تحلمت اني جايه انا واخوي الي من امي وابي والله مادري من فين جايه
وانا داخله فكية النقاب ودخلت رايحه الئ باب الحريم والا ولد عمي
يناديني وانا اجي وجلس بالمجلس وكان جالس بالمجلس ابوه واخواني الي من ابوي الثنين الصغار وانا جالسه يقول اخوي من ابوي والله ناسيه من هو الكبير والا الصغير يقول ان شاء الله تتزوج فلانه هي انا قال واحد من اخواي ايه الثانيه قال هو ولد عمي لا الثالثه وانتها
ملاحضه انا لم اتزوج ممكن تفسرين الحلم وهاذا من اهم الحلام اذا ماعليك امر

[دلع الأحساء]

اختي بقولك حلم زوجي احلمة يوم الجمعه الصباح



زوجي حلم ان رز مكبوب عند الزباله وماهان علية نعمت ربه عند الزباله فا جمعه في كيسه

[بنت مكه20]

اختي بقولك حلم زوجي البارح حلمه



حلم اني انا واختى الوحيده وزوجة اخوي كنا متزاعلين وفي المدينه وقمنا انا وزوجي غيرنا الفندق علشان مانسكن معهم وفجاة واحنا رايحين لاحدى الصلوات قابلناهم في الطريق واخذنا ولدهم منهم لاننا اشتقنا له وجلسنا نلعبه وهو طنشونا وطنشناهم



اسفه اختى جوري تعبناكي معنا

[جوري الجنوب]

المشاركة الأصلية كتبت بواسطة نزف الندى

امي تحلم دائما بأنها توضى

زوال هموم عندها
والله اعلم

[جوري الجنوب]

المشاركة الأصلية كتبت بواسطة ashreya

حلمت اليوم انه فيه ولاد صغار يضربون كلاب حتى يموتهم

حتى ولد منهم استمر في ضرب كلب ويجري وراءه الى ان طلع بيتنا وامامي يضربه وانا اصرخ فيه ليه تعمل كده حراااام بصراحة حلم ازعجني جدا

تعوذي بالله من شر هذا الرؤيا
حصني نفسك قبل النوم
والله اعلم

[جوري الجنوب]

المشاركة الأصلية كتبت بواسطة غلا ابراهيم

عزيزتي

امي حلمت ان بيدها نونو ومتلبس وحليو وكان الكل يبي يشيله

علمآ بأنهآ دايم تدعي لي وتبيني احمل

ولما قالت لي بلحلم قالت ياعساك ماتجيك الدوره هلشهر ):

يارب ارزقني

بشارة حمل لكي والله اعلم

[جوري الجنوب]

المشاركة الأصلية كتبت بواسطة أورجه البنفسج

مرحبا جوري الجنوب لك وحشه ...
عندي حلمين ..تكررت ثلاث مرات ..
الاول\\حلمت ان شعري طويل واسود ويلمع واني فرحانه فيه مررره واقول لزوجي بفرحه اش رايك فيه او شف شعري حلو..
الثاني \\احلم ان صراصير معي في كل مكان واحيانا تكون على جسمي وانا خايفه وقرفانه منها وسلامتك يالغاليه ...
الله يجزاك كل خير..

الحلم الاول بشارة حمل لكي والله اعلم
الحلم الثاني فيه احد من معارفك او صديقاتك يغار منكي او حاقد عليك ؟