اللهم لك الحمد ربنا رزقنى انس بعد 8 سنوات بالحقن المجهرى

[ام انس المصريه]

السلام عليكم ورحمة الله وبركاته

اللهم لك الحمد كما ينبغى لجلال وجهك ولعظيم سلطانك

انا الحمد لله ربنا رزقنى انس بالحقن المجهرى بعد تعب ومشقه وعمليات ومنشطات كتيييييييييييره لمدة 8 سنوات

اول ماتزوجت كان عندى تكيسات على المبايض وكانت طبعا الدوره غير منتظمه بقت تتاخر كل شهر واعمل تحليل ويطلع مفيش حمل طبعاى مش هقولكم حياتنا انا وزوجى كانت وحشه اوى وكانت كلها مشاكل
المهم
اخدت منشطات كتير بقى المبيض يستجيب ولكن مكنش بيحصل حمل برضو الدكتور قال نعمل منظار البطن ونعمل كى للمبايض قلت ماشى وماله اعمل اى حاجه بس احمل الدكتور قال لو العمليه نجحت هتحملى خلال 8 شهور برضو محصلش حمل بس الحق يتقال الدوره انتظمت بعد العمليه وبقى يحصل تبويض بمنشطات بسيطه قبل مااعمل العمليه كنت باخد منشطات كتير بتوصل ل20 حقنه مريونال علشان المبيض يستجيب بعد العمليه بتاع المنظار بقى يحصل تبويض بدون منشطات او منشطات قليله

المهم عدى بعد عملية المنظار 4 سنين اخد فى منشطات وبرضو ميحصلش حمل
طبعا بيقولو اهم حاجه النفسيه تبقى كويسه انا كانت نفسيتى وحشه جدا طبعا بسبب جوزى ومعاملته الجافه ومعايرته ليه واللى زاد وغطى انه تزوج عليا المهم علشان مطولش جوزاته اتفركشت

انا هكمل بعدين علشان جوزى جه

[لن أيئس]

ياقلبي الف الف الف مبروك
اللهم لك الحمد كما ينبغي لجلال وجهك الكريم وعظيم سلطانك
اسأل الله ان يحفظ لك أنس ويجعله من الصالحين المصلحين وربي يرزقه باأخوان وأخوات صالحين
اللهم آآآآآآآآمين يارب العالمين

[سماء المحبه]

ماشاء الله تبارك الله
ألف الف الف مبررروك الله يحفظه لك ويجعله من الصالحين

[الوازعيه..]

ماشاء الله الله يرزقك بره ويقر به عينكم ويصلح عطاه



وان شاء الله السنه الجايه يجي له اخ او اخت

[ام انس المصريه]

ياااااااااااااااارب

جزاكمالله خيرا يااخواتى الكريمات

.............

المهم بعد 4 سنين من المظار والمنشطات الكتييييييييييييير قررت اعمل الحقن المجهرى

اول حاجه عملت منظار رحمى الدكتور اللى عملى الحقن لازم يعمل المنظار الاول وبفضل الله ثم المنظار نسب النجاح للحقن عند الدكتور عاليه ماشاء الله

المهم اخدت المنشطات وعملنا سحب البويضات والبويضات الملقحه اتحطو فى المعمل 3 ايام

وبقى عندى 12 بيضه ملقحه الدكتور عملهم على 3 مرات حقنت 4 وخزنت 8 كل 4 فى انبوبه

المهم رجعت الاجنه وبعد 15 يوم من الرعب والخوف والتعب والقلققققققققققققققققققققق

عملت التحليل طلعت

حاااااااااااااااااااااااااااااااااامل

فرحت جداااااااااااااااااااااا اا وزوجى واهلى واهل زوجى ولكن قدر الله واراد الله ان الحمل ينزل بعد شهر ونص طبعا زعلت واتقهرت بس والله ربنا يعلم انى مقلتش حاجه تغضبه

قلت اول ما الجنين نزل وشوفته سبحان الله اد عقلتين
.........
قلت انا لله وانا اليه راجعون اللهم لك الحمد ان كنت اخذت فقد اعطيت وان كنت ابتليت فقد عافيت

...........

المهم روحت للدكتور علشان ارجع اجنه مجمده لقى عندى 3 اكياس ميه ع المبيض بسبب كتر المنشطات

اتعالجت منهم وبعدين رجع لى الاجنه والحمد لله ربنا كمل حملى على خير ورزقنى انس

..............

انا بحكى لكم تجربتى علشان تخلو عندكم امل فى الله سبحانه وتعالى ومحدش يياس ابدااااااااااا لان اليأس وحش وابوابه مغلقه لكن الامل فى الله تبارك وتعالى تحسى ان الابواب كلها مفتوحه

والحمد لله لينا رب كريم سميع مجيب للدعاء

فحافظو على الدعاء والله والله انا كنت بدعى ربنا فى كل سجده

حتى دلوقتى بعد مربنا رزقنى انس من كتر منا بدعى ربنا دايماانه يرزقنى الذريه الصالحه ويعوض عليا وميحررمنيش لسسسسسسسسسه برضو بدعى ربنا

حتى بعد ماحملت كنت اقول يارب اكمل حملى على خير سعات بنسى وادعى الدعوه دى من كتر منا كنت بدعى ربنا

انتو كمان ياللى تاخر عنكم الحمل ربنا اخره عنكم لحكمه لا يعلمها الا هو سبحانه وتعالى لان الله حكيم عليم يعطى بحكمه ويمنع بحكمه

وعليم يعلم الخير للعباد اكثر ما يعلمه العباد لانفسهم

ربنا يعوض عليكم جميعااااااااااااااااا ويرزقكم الذريه الصالحه

ياااااااااااااااارب

[غزالة]

ماشاء الله تبارك الرحمن
والف مبروك يالغلا
الله يحفظ لك انس ويصلحة
ويرزقك بالذرية الصالحة يارب ياكريم

[بوكاهنتس]

السلام عليكم ورحمة الله وبركاته
مبارك وجعله الله بار فيكي وفابوه وزرزقكم بره

[سموة الشوق]

مبروووووووك حبيبتي

والله يرزقنا وايك الذرية الطيبة من عنده

ولايحرمنا ياااااااااااااااااااااااااااااااااااااااارب

[ام انس المصريه]

ربنا يرزقكم يا حبايبى من فضله ويعوض عليكم بالذريه الصالحه السليمه المعافاه وكل محروم يارب


يارب بحق مارزقتنى بعد حرمان ارزق اخواتى الككريمات بالحمل عاجل غير اجل ياارحم الراحمين

[demoshka]

الحمدلله على السلامة حبيبتي
ومبااارك البيبي عليك