الذكيه ال تساعدنى بافكار ترجع لى حبه وثقلي عنده كعرووس(الله يوفقهاا)

[ليالي حب]

مرحبا اختى
انا تغير زوجى بعد زواج بسته اشهر لمن رحت زياره لاهلى صارت لى مشكله مع زوجه ابي واهانه وووهى وبناتها
صارت نفسيتى بالحضيض وهنا كانه حس تغير كبير بشخصيه ولاحظ شوى عصبيت(وكانى مهزوزه من الداخل وفاقده حنان).
وبعد كانه مل لان زوجه ابي تضيقنى وماتخلينى ىاجى بيت ابي وديرتنا تبينى اروح معه بديره غرب 24 اعه وهو اله اهل بس امه عجوز بديرتنا وانا وزوجى بديره لحالنا واحس مل ذيك فتره
عموما هنا حسيته لاحظ عدم وجود عزوه ى وهو منطو ى وو حيد امه يعنى مل منى
ومره طلب شئ بالحاح وكنت طفشانه وطولتها قام اهانن واهنته ومديده وبعدين انصدمت زبكيت وراح يتعذر ((هذ كلام لمن كنا عرسان يعنى ستته اشهر

ولمن يتعذر كنت ابكى وستغرب تغيرت هنااا شخصيت شهر العسل ورزه الى كنت اسوبها لا وقلت ناابكى مو منك (غبيه صح )لا في احد مضايقنى قال منهو . قلت واحد وبس عموما غيرت موضوع واستغرب حسيته عااااااافن من نظراته وقال يالله نطلع كنه بلش بي وكنه تو يكتشف شخصيتى الحقيقه .. وبطلع شوى زعلانه وشوى الا اضحك معه

ومن بعدها راحت الجاذبيه والاحترام الى بيننا من شهر العسل صار مايرد ع مكالمات الى ع كيييفه
واحيان يتلفظ عطول وازعل بسرعه وبكل غبااء ارضى بسرعه لان من كثر مايتلفظ هذى الالفاظ الشينه كانى تعودت وهذا قلل قيمتى خاصه انه راعى الفاظ مبين يتكلم بها مع زملاااءه
صراحه شهور العسل مستحيل يتكلم كلمه وحده شينه والحين بساعه ودقيقه ونص كلام قله ادب؟!

مادرى وشدبره نفسي ارجع ذاك الاحترام والهيبه والجاذبيه ودى اعرف من سالفه زياره اهلى ومره ابوى ؟!
شاف نفسيتى وهو انقلب مايشوفن شئ لا وبعده بكم شهر عصبي من ناحيه ماليه صح كان مديون بس يعصب على وماعنده مانع يمد يه ومد يده مره وصالحنى زعلت بس قلت ادخل مين والله لاتكبر وهو يهرب ويخلينى وماهمه احد لاجا الصدق ورضيت احس انى سخيفه بس ان عانيت من بيت ابي رغم طيبته بس زوجته اتعبتنى


ملاحظه شخصيته
منطوي وحيد امه يتيم من صغر قوى لنفسه مادي بدا يتحسن يعطينى ما قليل وبصعوبه ويتحجج بسفر العمل بس عشان يقعدنى عند الاهل ويروح مع ان العممل ممكن ياخذن بس مكن مايبي يصرف ويبلش بي قال لا اذا خلص دورتى اجيك اخذك (هذى شخيته )
فسرووووولى يالخبيرات حالته (واذكيه )تقولى كيف اتعاامل مع مثل هذه الاحاله ليرجع مثل العرسان

[أم أصيـــل]

حبيبتي بكل بساطة إرجعي لشخصيتك الأولى أفضل وخلاص عاد كفاية إهانات منك لزوجك وحسسية إنك تغيرتي ورجعتي زوجتة اللي يحبها ويبغاها ,,
صدقيني من يشوفك محترمة مع نفسك ومحترمته وربي ليحترم نفسه غصب عنه مو بكيفة لأنه خلاص عرف إنك مستحيل تتقبلين منه الكلام القذر ,,
السواليف والهروج الوسخه إللي بين الرجال رجاء لايدخلها بيته,,
وإشغلي نفسك بالقوة وإذا مافي روحي صلحي قصة حلوة بدكير وحركات حلوة
وملابس جديدة وفرفشي وإذا عصب بعدي فورآ الله يخليك لاتنزلين لمستوى عيال الشوارع وتجلسي تتراددي معاه الكلمة بعشرة,,,
لأنك بكل بساطة بنت ناس ومحترمة وخليك راقيه بكل شي
من ناحية الأدب والرزانة وزيني ملافظك بالكلام الحلو وخليك جريئة لكن بأدب
وأهم حاجة الثقة بالنفس بس تشوفينه بيغلط وإلا يطول لسانة لا هنا ستوب
قوليلية إذا أنت مفرط فيني مع السلامة الباب يفوت جمل وإجلسي ببيتك لأنة مملكتك
مو كل كلمة والثانية بروح لأهلي,,
وحكاية إنه يمد يدة عليك هنا إنت لاتوقفين خليك سريعه وشديدة وإمسكي يدة
بلاش تتضيعفي وتصيري خوافة حتى أنتي عندك يدك وبإمكانك تردي الصفعة
لكنك مؤدبة مو مثلة>>السموحة لكن هذا الواقع,,
والمصروف إذا بيبخل عليك قولي والله مالقيتني بالشارع يوم تتصدق علي بكم ريال وتسكتني فيهم,,,,
وكل ماعطاك خذي أكثر خلي شعارك (هل من مزيد)
الرجال يحبون المرة إللي تتعبهم وتطلب منهم ,,,
وعليك مع كل هالنصايح بالصلاة والدعاء والقرآن والإستغفار وعمل الخير
وخلي صدرك شرح ووناسة وفليها ياقمر والله الرجال بسيطين وضعوف بس إحنا نعقدها
ونكبر المواضيع يعني حتى الأن ماأظن قلك إنو طفش منك أو مايبغاك والله إنهم يتحملونا أكثر مما نتحملهم,,
ولاتنسينا من دعواتك ياحلوة....

[ليالي حب]

ام اصيل الله يسخرلك زوجك. ويجزاك كل خير ويوفقك لمايحبه ويرضاه
الا والله حتى قال طفشت منك ومره اطرى الطلاق بالكلام يعنى ..بس استغربت تغيرنا عن بدايه زواج ومحد بيتحمل اهانات الكلام وهبال الشباب (طايح ميانه
عموماا كلامك في الصميم وجبتيها وانتى بنت رجااال..كفو

[أم أصيـــل]

لا ياعمري أصحك يطري الطلاق فبالكم,,
وسعوا صدوركم والله تندمون
الزواج ميثاق غليظ مو كلمة تنعطى وخلاص,,
والله من أول شهر وأنا وزوجي مهاوشات وقلة حياء
والحمد لك يارب لنا ألحين 3 سنوات وربي تغيرنا عن قبل
حتى زوجي الله يسعده صار مثلي
نداري على بعض هو يشد أنا أرخي والعكس صحيح
سوي كذا وإتعلمي فن الإسترخاء وخليك وسيعة صدر وإذا رمالك كلام
ماله داعي إرمي بوسة وإمشي ترى هذا عديل الروح ويمون ,,,وإلا كلامي غلط؟؟
الله يسعدك لاتفرطي بزوجك خليه يحبك غصب عن خشته,,
إتفقنا ياقمر...؟؟؟

[ليالي حب]

الله يسسسسسسسسعدك ويرحم والديك..
بس احس زى الى اخترق مهابتى وبدا يتمادا ولاهمه ودى اعرف كيف ارجعه ذاك جاذبيه والغلا والاحترام
وين الذكياااااات ؟!!

[ليالي حب]

وينككم بنات ..محتاجه نصح
الله يجعله بموازين اعمالكم

[نـ ' ب ' ـرة]

امممم مادري شقول لك !!

الله يعينك

بس إذا كنتي جالسة معه وحسيتي انه بيختلق مشكلة وبيسب .. وبيتلفظ بألفظ مو حلوة .. قومي واتركي المكان .. وإذا قال لك خير !! شقصدك ؟؟ قولي له لا حبيبي موب قصدي شي .. بس أخاف الشيطان يدخل بينا ويسبب مشاكل .. وانا احبك وما ابغى يصير بينا الا كل خير .. لا تتركين له مجال يتلفظ عليك ..

وكل ما قال كلمة ما عجبتك سوي نفسك ما سمعتيها .. وردي عليه بأحسن منها .. كذا هو بيحس بالإحراج ..

طبعا كل هذا وانتي تظهرين قوة في شخصيتك .. وثبات .. وحاولي دايم تكلمينه وعينك في عينه .. ولا تبينين اي تردد .. خليك دايم وااااااثقة قدامه حتى لو كنتي في الحقيقة غير كذا .. ترا الرجال يتأثرون كثير لما تطالعين في عيونهم ..

ولما تطلبينه شي لا تطلبينه بضعف او كأنه متفضل عليك .. اطلبيه كأنه حق من حقوقك .. بقوة وثقة ومن غير تردد ..

بالمختصر دايم عطيه في الوجه .. وخلي شخصيتك قوية .. ( ياجبل ما يهزك ريح ) .. وابداااااا لا تسمحين له يمد يده عليك .. مثل ما قالت لك اختنا امسكي يده .. ولا بكين قدامه عشان ما تبينين ضعفك ..

حالتك هذي يبي لك تعامل بقوة وذوق بنفس الوقت .. يعني باحترام وحزم .. لا تسمحين له يتساهل ..

واهم شي طبعا عليك بالدعااااااء له بالهداية .. والله يهديه ان شالله

[أم عبدالرحمن السلفية]

انا رأيي

من عندك الاصلاح ,,,, لازم تثبتي له إنك انسانه عاقلة ولك قدرك .. حتى لو عمرك 16 سنه
خليه يحترمك بعدين يجي الحب .

الموضوع ح يآخذ وقت مش من مرة ولا مرتين عشان يتأكد إنك تغيرت .
* غيري مظهرك أول شيء زي ما قالو لك بالصبغ و القص و أي شيء .
* اعملي لك نشاط إما تدخلي جامعة أو تحفيظ قران أو ......أي شيء يشوفك مهتمه بتطوير نفسك ,
* لازم تعطي زوجك قدره, قولي له أنت رجال البيت وعليك العمد بعد الله ومن هذا الكلام , اش يحب يآكل الباشا أو الملك ووووو اخترعي كلام نفخ فيه . " مع مراعاة إظهار الحب له و عزتك بنفسك .
* لا تتكلمي ع مشاكل عيلتك قدامه و حتى لو صارت مشكلة اكتفي بالدعاء لهم والهداية.
والصبر والدعاء فوق كل هذا .
بشرينا لو حسيتي بتغيير منه وربنا يصلح الاحوال

[جريحة المحبه]

شوفي ياحلوه بما انكم بديره هو بعيد عن اهله وانتي نفس الشيء يعني وجيهكم قبال بعض

وهو واضح انه من النوع البيتوتي لاتمنعيه من الطلعه لاانك اذا منعتيه رح تكونون قبال بعض طول اليوم ورح تملون من بعض وهو بيمل فااذا طلع لخوياه مثلا فالشوق بينكم يتجدد

اكثر المشاكل بين الزوجين لاصار الزوج بيتوتي قياسا ع اخوي مايطلع من البيت ودايما زوجته متضايقه من هالشي ء

بعدين لاتصيرين خفيفه خليك ثقل لاطرح عليك موضوع ناقشيه برد حلو ورح يعجب بك

ولاتضحكين وهو متحمس بموضوع يناقشه عليك عشان ماتطيحين من عينه

لاتقاطعينه وهو يتكلم ابدن واحسني الاستماع ليمن يخلص من كلامه وبعدين اطرحي رايك

واذا جاب راي وافقيه وخلي سواليفك معقوله مو كثيره عشان مايتملل منك

وبكذا ان شاء الله بيزيد احترامه لك

والله يسخره لك يارب

[ليالي حب]

جريحه المحبه
الله يسعدك بالدارين
ويين ذكيه الى ترجع مهابتى كعروس عنده احسه طايح ميانه لدرجه يعيب ع اقل شئ مادرى مزح ولا متعود ع الفاظ مرره شينه
بس شوى احس يتكلم معى بطريقه كنها عاديه يعنى احس الالفاظ القويه من من قلبه
بس بعد صعبه تنقال لك الفاظ شينه وعلى اد نى سبب !! ويزعل ويفرح بشر(ومره تفل !!