تجمع كيف تقضين وقتك في المطبخ بشهر رمضان

العاااالي مستواها · 07-13-2011, 02:16 AM

جبت ورقه من مذكراتي في رمضان السنه الماضيه

بعد الفطورصليت المغرب وجلست شوي ارتاح لاني حامل في الشهرالخامس

بعدها حضرت الفطورالثاني وجلسنا نسولف قال هباش>اسم الزوج في المنتدى

بكره بعزم العائله يقصد اخواته وازواجهم واخوانه وعيالهم

طبعا انا ماتفاجئت لاني عارفه انه في اي يوم بيعزمهم

المهم انا مسويه في الفريزرسمبوسه واقماع ومسويه حشوات مشكله في علب بلاستيك

بديت بتجهيز الكاسات والجيكات للعصير وفناجيل القهوه وترامس القهوه

وحضرت التمرفي صحون وغلفت عليه

بديت في تنظيف البيت مع الشغاله وترتيبه

وفرشت السفره حقت الفطورالثاني طبعا على الارض وحضرت عليها الصحون والملاعق والشوك والسكاكين والمناديل وكاسات العصير

حطيت طاوله صغيره في زاوية الصاله حقة الطعام لصواني الحلا وحطيت عليها الملاعق والمناديل والملاسات والصحون الصغار

خلصت اكثرالتحضيرات في الليل وسويت السحور

وبعد الفجروالصلاة

تاكدت من الكل نايم دخلت المطبخ وسويت حلا الصواني للفطورالثاني سويت اربع صواني مشكله وزينتها

قطعت السلطه الخضراء وحطيتها في الثلاجه

قطعت اللحم للشوربه وكسرت السباقتي وحضرت قدورالطبخ وعجنت الفطاير واللقيمات

فرشت سفرالفطورالاول سفرتين عند الحريم والرجال وحطيت الكاسات للعصير والتمروالفاكهه والفناجيل للقهوه

اذن الظهربديت اقلي اللقيمات لين سويت كميه كبيره مررره لانهم يحبونها وبعدها اصابع التمرومثلثات الجبن وكلها حطيت الشيره عليها وخليتها على طاولت المطبخ

الفطورالاول تمرولقيمات وفطايرجبن وقشطه وزبادي واصابع التمرومثلثات الجبن
وطبعا القهوه ثلاثه ترامس للرجال وثنين للحريم

الفطور الثاني سويت شوربه ومكرونه ومصقعه ومطازيز وبروست دجاج مع السلطه والسمبوسه والحلا وخبزالتنور

وحضرت السفره نفس طريقة البوفيه والصحون نفس ترتيب الطاوله بس على الارض

بعد ماخلصو من الفطور وكلهم راحو يشربون الشاهي

اخذت الباقي من الفطور وخليت واحدمن العيال يوديه للعمال احسن اذا جلس بيرجعون ياكلونه ويخلون السحور مايتسحرون

وانا بطبخ رزولحم وسلطه ويدام ابيهم يخلصون السحور قد تعبت وانا لي يومين في المطبخ

المهم بعد السحور خلاص مت تعب ماعاد اقدر امشي وطلع في رجلي مسمارالرجل ذبحني من الالم صليت وعلى طول للفراش نوم

الله يرحمنا برحمته ويتقبل منا صالح الاعمال

الله لايحرمنا الاجر يارب العباد

ااامممميييين

المتألقه · 07-13-2011, 02:23 AM

يعطيك الف عاافيه
موضوع رائع ومهم جدا
سلمت اناملك على هذا الابداع الرائع
لا عدمنا طلتك الراقيه
تقبل مروري المتواضع

العاااالي مستواها · 07-13-2011, 02:48 AM

ارحبي المتالقه يالله اسردي لنا بعض شغلك في رمضان

~قموووره~ · 07-13-2011, 03:14 AM

ماشاءالله عليكي ياالعاليه سنعه البنيه منتي سهله ماشاءالله عليكي الحين فهمت سالفة السفرتين الاول زي المقبلات والتاني الفطور الي عليه الكلام خخخ
الله يكتبلك الاجر انشاءالله

سموة الشوق · 07-13-2011, 03:40 AM

ماشاء الله عليك يالعالي

حياهم الله الضيوف وبرمضان الخير الأبواب مفتوحة والسفرة دائما عامرة

يارب لك الحمد والشكر

إلين 12 الليل

لأني بعدها أجهز السحور أو أنام شوي مع هباشي وطلباته
ههههههه

فهمتوني ياحريم أكيد

العاااالي مستواها · 07-13-2011, 03:44 AM

هههههههههههههههههههههههههههههههههههههه

اكيد مفهومه ياسموة الشوق

ــــــــــــــــــــــــــــــــــــــــــــــــــ ـــــــــــــــــــــ

قمووووره000 ياقمووووره

رد وتطلعين ما فيه جيبي بعض طبخاتك او تجهيز سفرتك ياعسل برمضان

التفاحه الحلووه · 07-13-2011, 04:16 AM

سلام ياعسولات
مشاء الله عليك يالعالي
سنعه بس انا مره كسوله برمضان العام
كنت توي عرووس وبعيد عن اهلي فكل يوم
من ادخل المطبخ اقعد ابكى ع جمعت اهلي مع بعض
وانا لحالي من كثر مابكي واعصب يجني حرقه ببطني تخليني زي الجنونه بس
ابغي البرد اروح اقعد بل بلاط
فمكنت اطبخ كثير اكثرشي سويته رمضان صينة البطاطس
زوجي يحبه بس اسوي صنف واحد مره بس حطيت سنبوسه

بس هذا السنه انشاء راح اجتهد وانشاء ماتعب من بطني

العاااالي مستواها · 07-13-2011, 04:18 AM

بنات ابيكم تكونون مبسوطين بشغلكم وطبخكم وراح تحسون بسعاده في المطبخ وانتوا تتاكدون انه كل شغلكم لكم اجر من رب العباد

العاااالي مستواها · 07-13-2011, 04:22 AM

السنه هذي يا التفاحه عندك بيبي حلو وراح تسوين اكل منشان ابوه وانتي بعد منشان الحليب اذا ترضعين

خليك كول على طول كلنا مرينا في نفس الغربه الي حسيتي فيها وقت العرس بس مع العيال نسينا اهلنا ولياليهم بعد هههههههههههههههه

التفاحه الحلووه · 07-13-2011, 05:17 AM

يعطيك العافيه ياقلبي
من يوم دخلت المنتدى تعيرت نفسيتي صارت
مره ررروعه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور لتنظيم المطبخ لكل جزء في المطبخ	عزيزة النفس	المـنـتـدى الـعـام	12	05-29-2012 01:08 PM
تجمع الحمل لشهر رمضان	ابتسامتي سر سعادتي	منتدى علاج العقم و تأخر الحمل	563	08-31-2011 06:41 AM
@@كل ماتحتاجه السيدهـ الحامل في رمضان أسئله وأجوبه وفتاوي وأحكام للحوامل في رمضان@@	Mقمة البرااااائهM	المنتدى الاسلامي العام	8	08-03-2011 05:43 AM
مراتك......ولا.. ....شغلك	اقصوصه	المـنـتـدى الـعـام	8	11-20-2010 07:10 PM
@@ الى صاحبة المطبخ في رمضان @@	Mقمة البرااااائهM	قسم التغذية	2	08-01-2010 08:38 PM