من فيكم صارلها هلشي...في الحلم مثلي؟؟

[وردة غلا]

السلام عليكم ورحمة الله وبركاته
أولا ياحوامل أشكر كل وحدة تكرمت ودشت موضوعي...
ماراح أطول ...
السالفه ومافيها...أنا حامل في شهري الاول مدري الثاني لحد الآن متبين بأي شهر أنا لأني على قولة الدكتورة بأن حملي جاء متأخر...(ياكثر حكيي))
المهم موهذي المشكله (أجل وشنهي))
المشكله إني حلمت مرة إني ولدت وجبت بنوته حلوه...ومرة ثانيه حلمت إن معاي بنت إختي الصغنونه...
ويام فسرتها عند الشيخ قالي سترزقين ببنت...
وأنا مو مسألة ماأبي بنات لا والله إني أموت فيهم وماعندي فرق بينهم..
لكن زوجي وأهل زوجي معقدين بمعنى الكلمه...حتى إن كل ماشافوني قالو يالله جيبي أخو لبنتك...مانبي بنت...
أما زوجي حاله خاصه من يوم مادرى عن حملي إلا وقام يناديني بأم ((باسم))وإذا قلت له وش عرفك إنه ولد يمكن تكون بنت..يرد علي يقول الله يدق فمك.. يعني زاد المرض زياد
بإختصاااار
فمن فيكم ياحواملنا حصل معها نفس الشي وجابت نفس الجنس إلي حلمت فيه أو إلي فسرته...
تكفوووووووووووووون خبروني بأسرع وقت ,,,,,,,,,,,,,

[سموة الشوق]

وعليكم السلام ورحمة الله وبركاته

أهم شئ يالغالية الذرية الصالحة المعافاة من كل مرض

بنت ولد كلها نعمة من رب العالمين

ماعليك بالعقلية المتخلفة

عليك بالدعاء لرب العالمين أن يحقق مناك ويرزقك الولد الصالح يااارب

وعلى الحلم

لاتعلقين قلبك بهالأحلام عزيزتي

يمكن تكون هواجيس لترقبك وترقب الكل من حولك بالولد فجاء الحلم من هالهواجيس

وكلي أمرك لربك

[شمايل بنت الدمام]

حبيبتي اللي شايفته انا شخصيا في العائله
الحامل اذا احلمت انها بتجيب بنت تجيب ولد
يعني يكون الحلم بالعكس والله اعلم ..


وبنت او ولد مايفرق اهم شي العافيه والصحه

[كل الحلى]

يمكن أنك تفكري كثير في هالموضوع

أو تبي تجيبي ولد عشان زوجك فجت أحلامك

كلها بنت

بس بالنسبة لي أنا يمكن حلمت عشرين مره

مرات أجيب بنت ومرات أجيب ولد وجبت ولد

عشان كذا ماأعتقد له دخل والله أعلم

[العاااالي مستواها]

ياقلبي الاحلام ما لها علاقه بالواقع ويمكن تحلمين لان عقلك الباطن يفكر في هذا الشي

وبعدين البنت او الولد جينات من الرجال المراءه مالها دخل

وترى فيه تحليل للحيوانات المنويه هل هي ذكور او اناث خليه يحلل يمكنه يجيب بنات ما يجيب اولاد

ربي الي يرزق ياعسل فيه ناس يتمنون الطفل مو يتخيرون بنت او ولد


اسكتي لاتقولين له بنت او ولد لين تولدين وادعي ربي يرزقك الصالح المتعافي السليم

[وردة غلا]

سموة الشوق و شمايل بنت الدمام وكل الحلى...
من جد ألف شكر لكم الله يرفع قدركم ويحقق مناكم أينما كنتم ياااارب....
ورجيتكم لاتنسون إختكم من الدعاء بأن يرزقني بالذكر الصالح المعافى ياااارب....
يمكن فيكم لو أقسم على الله لأبرة....

[اميرة علاوي]

حبيبتي لا تعلقي قلبك بالاحلام وتصدقينها
انا حلمت اني جبت ولد حلو كثييييير
وهذا انا سقطت قبل 5 ايام الحمدلله
يعني ماله علاقه بالاحلام
والله يرزقك بالي تتمنيه يارب ^^

[وردة غلا]

العالي مستوااااها...
يمكن ياحياتي علشان في حملي الأول حلمت إن موجود معي بنت وفعلا جاتني بنوته يااااجعلي ماأنحرم منها يااارب...فصرت أخاف من ها الأحلام في حملي هذا...

قولي آآآمين جعل مستواااك عالي وين ماتروحين...

[وردة غلا]

أميرة علاوي....
الله يعوضك بلي أحسن ياروحي....
أنا كنت مسقطه قبل 5أشهر وهذا أنا الله أكرمني بهلحمل....
ويارب يتحقق حلمي وأجيب ولد....

[زهرة البنفسج]

انا حلمت اني اشتري فستان واقول للبنت اللي ببطني
واختي حلمت اني جبت بنت
وجبت ولد
الله يرزقك باللي تتمنيه يااارب