هنا تجمع حوامل الشهر (الرابع والخامس والسادس)

[شموخ الكون]

اختي طال الصبر ترى انا نفس الشي عندي مغص كانه مغص دوره
والم في الظهر ويوم رحت عند الدكتوره اعطتني تحاميل بس الحمدالله ارتحت عليها
وقالت لي عادي وحتى البنات الي هني في المنتدى الله يجزاهم خير قالو لي نفس الشي عادي الكل يحس بهالشي علشان كذا لاتشغلين بالك ولا تخافين وبنسبه للابره لو كانت مضره او لها اعراض جانبيه ماكان كتبتها لك الدكتوره والله يثبت لك حملك ومبروك على الحمل

[شموخ الكون]

اختي ميساء طيب يمكن صدق مومبين لاتستعجلين حبيبتي خليها على الله
ولي من الله حياهالله واهم شي كمال الخلقه والصحه الله يختار لك الي فيه الخير

[يارب عفوك]

ميساء.. اذا مستعجله روحي بقسم انواع الحوامل

وتشوفي موضوع الجدول الصيني يطلع لك شنو راح تجيبي..

[شموخ الكون]

يابنات ابي اسئل الوحده متى المفروض تبدا تشتري الاغراض انا بصراحه اخاف اشتري من الحين ويصير شي لاسمح الله واخاف اجلها واصير ثقيله او تصير عندي ولاده مبكره لاسمح الله
موب عارفه وش الحل بذات اني سمعت ان مذركير بيسوي تخفيضات هاليومين
على فكره نسيت اقول لكم انا باقي لي اسبوع واخلص الخامس

[يارب عفوك]

يااااي شموخ مثلي انتي

انتي متى قالو ولادتك.. انا7 رمضان..

وعلى المشتريات والله انا قلت بالثامن

وخواتي بيروحو يشترو لي لإني بكريه ولااعرف حق المواليد والحركات

وتفائلي بالخير اختي ابعدي عنك الوسواس

[شموخ الكون]

تقريبا نفس الموعد بس حبيبتي يارب عفوك انتي عندك اخواتك انا بعيده عن اهلي
حتى اذا جو بيجوني في الولاده علشان كذا افكر اخاف اولد وانا بالحالي اتفشل اولد
وانا مسويت ولا شي بذات ان انا من بداية الحمل وانا بس استخدم المثبتت ولي يمنع التقلصات والله يتمم لك على خير حبيبتي ويخلي لك اهلك

[يارب عفوك]

يالله الله يكون بعونك ياقلبي..

والله اجل روحي من تدخلي السادس

لإنه الوحده مثل مااقلتي مااتدري متى تولد يمكن تولد بالشهر السابع الله اعلم

روحي السادس بعد عشانك توك خفيفه..

والله يكون بعونك وتقر عينك بشوفة اهلك

[شموخ الكون]

يابنات تتوقعون المناكير مضر بالحامل ؟

[دنيتى غريبه]

سلام عليكم اشدعوه ماحد سئل عنى

[يارب عفوك]

اي سمعت إنه مضر

حتى الكحل.. انا شايفه موضوع بمنتدى والميك اب وكثرة العطور..

.
.