((دردشه فترة النفاس))

[نبض قلب حمني]

بالنسبه لتبيض المنطقه
انا من اليوم رحت الصيدليه بشتري اسكينول قال لي منقطع مافيه

وقال لي خذي من ماركه غارنيه اسمه غارنيه الطبيعه للبشره

خذته وغامرت جربت مسحت فيه المنطقه الحساسه بقطنه وشفت طلع سواد بالقطن وربي
طبعا ماكثرت ولاغرقت المنطقه من الاسكينول لا لاني سمعت من بنات قالو مو زين تكثرين

وبعدها على طول غسلته بمويه عشان مايسبب جفاف

ومن بكره بسوي خلطه نقلتها من منتدى ثاني


اللي هي

((السلام عليكم

الموضوع غير منقول يابنات حبيت انقل لكم تجربتي ان شاء الله تستفيدون وما ابي الا الاجر من رب العالمين يمكن طريقتي هذي تفرج على مكروبه وقد قال الرسول صالى الله عليه وسلم فيما معناه انه من فرج على مسلم كربه من كرب الدنيا فرج الله عنه كربه من كرب الاخره

في اثناء الحمل اصبحت المنطقه الحساسه عندي فحمه مو سواد عادي قسم بالله
المهم رحت بتعالج قالت الدكتوره ما انصحك في الحمل

وبعد ماولدت جلست اجرب في الخلطات اللي في المنتديات كل شهر اجرب خلطه وما شفت اي مفعول الا بسيط جدا ومرت سنتين ونص من ولدت وطوال هالفتره اجرب ولا استفدت النتيجه اللي ترضيني

المهم قررت اني اسوي خلطه من تأليفي واجمع المواد اللي تبيض !!!
الكلام هذا قبل شهرين بالضبط وظليت اقرا واقرأ المهم استنتجت التالي

1___اغلب خلطات التبيييض تحتوي على الليمون والجليسوليد الاحمر الدائري

2___الحليب البودره (النيدو) يحتوي على حوامض تعمل على تقشير لطيف للبشره وتجديدها

3___ماء الورد يفتح البشره ويشد الجلد

4___زيت الزيتون شجره مباركه وينعم البشره ومن الافضل عدم استخدامه في الاماكن اللي تتعرض للشمس

5__ النشا يفتح لون البشره وانا سمعت من بعض الامهات انهم يخلطونه مع زيت الزيتون ويدهنون فيه الطفح اللي يجي الاطفال ودايم استخدمه لولدي ولاحضت انه منطقته تبيض واثار الطفح اللي تكون سودا تروح مع الاستعمال لهذا الخليط

وقرات مره انه الخلطات اللي فيها ليمون تنحفظ بالثلاجه لمفعول افضل وكمان خلطتنا هذه تحتوي على النيدو يعني لازم ثلاجه

نجي للخلطه

هي على مرحلتين الاسبوع الاول

تعملي هالخلطه وبعد اسبوع راح تضيفين لها زياده من بعض المواد الي فيها وراح اذكر لك السبب

فنجان كبير مليان نشا
فنجان كبير مليان ماء ورد
فنجان كبير مليان زيت زيتون
3 ملاعق كبيره جليسوليد
فنجان كبير مليان حليب بودره
عصير ليمونتين فقط

تخلط حتى تتجانس وتحفظ في الثلاجه ضروري
وكل ما دخلتي الحمام وغسلتي لازم تنشفين المنطقه كويس بمناديل
بعدين حطي الخلطه ودلكي شوي والبشي شورت قطني

انا ما خذه راحتي في بيتي اطلع من الحمام على المطبخ على طول وادهن

بعد اسبوع قسم بالله فتحت عندي المنطقه حييييل وصارت رقيقه جدا والليمون اللي في الخلطه صار يحرقني فقررت اني ازيد بعض المكونات حتى اخفف من حراره الليمون

بعد اسبوع
زدت على الخلطه
2 كبيره ملعقه جليسوليد
نص فنجان زيت لوز مر الخاص بالجسم
وفنجان نشا و نص فنجان ماء ورد

وترى الريحه حلوه واذا كان زوجك يرغب فيك غسليها وبعدين ارجعي حطي اسفه على الاطاله بس حبيت اكتب لكم تجربتي بالتفصيل علشان كل شي يكون واضح

ووالله اسبوع عن اسبوع المنطقه فتحت بعد شهر واااااااااو الحين صارت ورديه وناعمه والحمدلله انفرجت كربتي وصرت احس بالثقه قدام زوجي والحين الحمدلله صار لي شهر ما استخدمها الاقبل النوم وقبل اتسبح

باقي الاوقات استعمل دوف كريم الجسم بدي سلك علشان احافظ على النتيجه ))



طبعا كل يوم بالليل بحطها
والصباح بمسحها بالاسكينول غارنيه

وان شاء الله ينفع

[™ روحــي فــــدٱٱٱهـ« ||]

بناااات متى المفروض تطيح الخياطه..؟؟|||~

[~ درر ~]

عمري لزوجي حبيبتي شيلي المنطقه بالموس عادي الموس النسائي
لاكن حول العمليه ليش تشيليه ماله داعي لاتسوي فيه موس عشان مايكثر

[~ درر ~]

اه ياذي المنطقه الحساسه كلنا نعاني منها
كيف الاجانب مايجيهم سواد > ليه قد شفتيهع هع هع
والله قهر نبغاه يلق

[أمـ غرام]

ههههههههههههههههههههه يلق فديت
وانا لين الحيين اعاني من هالسواد الي فيها
وش السوات ؟

[نبض قلب حمني]

اي والله يابنات كلنا نعاني
انا مشكله من اول اعاني والحين زاد اكثر الله يعين بس

[نبض قلب حمني]

بالنسبه للخياطه متى تطيح انا مدري لاني والد قيصريه
ان شاء الله يفيدونك البنات


الا جد بنات وش سويتو مع التشققات الحمرا والورديه اللي قاهرتني

؟؟؟؟

[شيري]

انا ولدت قيصري لي 21يوم الحمدلله استخدمت لجسمي خلطة صابون دوف في الليل احطها وفي الصباح اتروش ووجهي استخدمت كريم كريستال لتقشير الكلف مرره رهيب من العطار وبديت اشرب رجل الاسد عشان تطلع المويات وتنحف وطول اليوم اشرب قشر قهوةمع شمر وزنجبيل واذا خلص الترمس اسوي ترمس قرفةمع زنجبيل اخضر وكمون ونانخة وفي الصباح حليب بالعسل مع الزنجبيل والتمر مخلوط معه شمر وحبة سوداء وشمر ولااكثر اكل حلويات ونشويات الامجاملة مع الضيوف واشرب حديد وفيتامين ولبست مشد البطن بعد اسبوعين من الولادة واستخدم غسول المر يوميا وعساكم تستفيد من تجربتي

[لحن الجروح]

يعطيكم الف عافيه على الموضع مره خطير ومفيد الله يسعدك حبيبه ويسعد كل وحده ردت ارجوكم لاتقفلوا الموضوع

[شموسه]

مبرووووووووك على الدردشه الجديده
حبيت اباركلكم
وغير الموضوع لا تنسون الدردشه