بنتي والنطق

[ام ريتان]

السلام عليكم ورحمه الله وبركاته
بنتي عمرها سنتين وخمس شهور
تقول كلام غير مفهوم والمشكله لما احد يسمعها ماتسلم من التعليقات البايخه
اللي يقول باكستانيه واللي يقول بلمه ...الخ
واحس انها تفهم لما احد يضحك عليها .اشوفها منكسره...
مع العلم انها تردد معي كلمات فصيحه زي السلام عليكم مع السلامه تنادي اخوها ..تفهم انا وش اقول لها مثلا افتحي الباب جيبي الغرض الفلاني ..الخ
وتعد من 1 الى 5 .وربي يشهد مو مقصره معها اسولف والعب معاها
لكن المشكله لما تجي تسولف تقول كلام غير مفهوم ...ابوها رافض اوديها للدكتوره
انا خايفه على نفسيتها ودايما ادافع عنها لما احد يرمي تعليقات بايخه
شايله همها الصراحه ساعدوني ربي يجزاكم الجنه ...

[بحــ العيون ــــــــر]

الله يحفظهااااااااااااااااا لكي يارب
وان شاء الله البنات ماااااااااايقصرون معك يا الغلا
وان شاء الله ماااااافي شئ تخاااااااافين منه

[υм вtℓαα]

وعليكم السلاام
خيتي الاطفال بالسنتين الاولى تلاحظين كلامهم مكسر وماينفهم ومرات تغير نطق مخرج الحروف

عادي طبيعي دامها تتكلم وتفهم وش اللي ينقال مافيها الاالعافيه بس ضلي انتي تكلمي كلمات قدامها وكرريها حتى تحفظها

وراح تشوفين كيف تتكلم بطلاقه ان شاء الله

الله يحفظهاا لك يارب ويخليهاا

[الحلم المنتظر]

طيب هي البكر ولا ان كانت بنتك الاولى الوضع عادي ماعليك من احد ولاتحتاج لدكتور مدامها تفهم المطلوب منها
يكون تأخر بالنطق عادي انا ولدي سنتين و٨شهور وكلامه مكسر ومومفهوم كله لانه بكري
لو بتطاوعين الناس ماحد سلم منهم

والله اخوي ولده كذا الحين روحي شوفيه ماشاء الله كل شي يقوله
والله يخليها لك
وان مومطمنه روحي عادي دكتور تخاطب وشوفي شقولك

[ام ريتان]

هي طفلتي البكر ..

الله يجزاكم الجنه ...ماقصرتوا

[jojo 123456]

عااادي ياا غلااا في اطفال يتأخرون بالنطق وفي اطفال بالمشي او التسنين
من وجهة نظري الشغلة عاادية جدااا بس اذا بدك تطمني استشيري طبيب اطفال

بالنسبة للناس لي تعلق على طفلة صغيرة خااصة انها ذكية وتفهم وقفيهن عند حدهن واختاري الاسلوب المناسب

بكرة تصير تحكي وتصيري تطلبي منها تسكت هه

[ام ريتان]

الله يعطيكم العافيه

[نوت "̮]

وعليكم السّلآم ورحمة الله وبركآته ..


اول حاجة لا تقلقي بخصوص الكلام الغير مفهوم .. هي لسا طفله وبتتعلم .. عندي ولد اختي وصل ٣ سنوات وما تكلم بس ماشاءالله عليه كان يفهم وذكي اللهم صلي على النبي .. اما بخصوص حساسيه بنتك وانها تتاثر من كلام اللي حواليها وتنكسر منه ف دا الشي غير صحيح لانها طفله وما تستوعب الكلام اللي ينقال لها يعني ممكن هي تنكسر وتخجل لمن تشوفك تخاصميهم قدامها ودا الشي غلط وهو اللي ياثر على نفسيتها لانها تحس نفسها مسويه شي غلط والناس يضحكو عليها وانتي توقفي الناس عن حدهم قدامها وعنجد دا الشي غلط حاولي تضحكي تتداركي الموقف ولمن بنتك تروح بعيد تلعب تكلمي معاهم انو لا تقولو كدا لبنتي وفهميهم انه ممكن تاثر على نفسيتها لمن تكبر .. والله يحميها لكي ويبارك لك فيها ي رب

[جالكسي و الدنيا عكسي]

السلام عليكم ورحمة الله وبركاته
ياقلبي طبيعي جدا ... وان شاء الله بتتكلم وتصير بإذن الله تعالى فصيحه بالكلام ..
وبالنسبه لتعليقات الناس وقفيهم عند حدهم وحسيسها انها طبيعيه ..وامدحيها كثير اذ احد زعلها قولي بنتي القمورة بتعرف تتكلم احسن منكم وخليها تسمع حتى تصير واثقه من نفسها .. وحاولي ان محد يتكلم قدامها ..ويتمسخر عليها عشان لا تتعقد ..
والله يخليها لك يا رب العالمين

[ام ريتان]

بالعكس بنتي فاهمه وعارفه انهم يضحكون عليها
بدليل انها تجلس جنبي وعلى وشك انها تبكي ..
ولما قلت لها روحي ياماما العبي رفضت
وتفاجأت من بعض اطفال العيله ماسكينها ضحك ويتكلمون نفس كلامها ويضحكووون ..ومايصدقون انهم يشوفونها ..يطقطقون عليها


مشكورين اخواتي العزيزات على الردود الرائعة...الله يجزاكم الجنة..