اهلا باهل الجود والكرم **اهلا بسيدات ليبيا**

[أمل ليبيا]

ودرت عجينة الباف بالدجاج والجبن والسبانخ ع شكل مثلتات غير ماصورتهاش وحتي هي تساعدك هلبا لانها جاهزة انتي جهزي الحشوة بس وتجي خفييييفه تهبل








والنخلات يافروسه درتهم في اللمة التانيه لانه في الاولى معاش سدني الوقت وللاسف ماصورتهمش بس دارو جو حلووو تسلمييي


وبالنسبة للحلويات ياخوله ننصحك ماديرهمش من توا لانه لو زينا الشقه سخونه من التدفئه لذلك لو حاجت شكلاته تسيل ولو في الثلاجه نحسها لما اطول تبدا مش حلوة وعموما مش لازم اديري لمتك ع طول بعد الولادة ان شاء الله اني درتها بعد شهرين يعني استريحي قبل وبعدين ساهل وانتي وقناعتك

المهم اني ماكثرتش درت سلة بالكراميل والمكسرات ومعمول بالحلقوم ونوع زي الوردة ملبسه بالشكلاته وكلهم درتهم في نفس اسبوع اللمة وعندي صديقتين بااارك الله فيهم وحدة جابتلي بكلاوة ووحدة جابتلي كب كيك قدمتهم مع الكابتشينو




والفاكهة درتها ع شكل اسياخ



وفي النهاية المكسرات والملبس وطبعا كانو بسيطاااات جدا لاني ماشريتش من النت

[أمل ليبيا]

مش عارفه خير الصور مقلوبات
اقلبو الابتوب وخلاص ههههههه
المهم هذه لمتي المتواضعه جدا ومن قال بيا هههه وللاسف كنت عابيه ع جاراتي والعبا ع الله ربي يسامحهم في الي جت مع الضيوف في الليل وفي الي ماجتش بكل لكن الحمد لله ربي عانني ودرت الي نقدر عليه غير نوضي بكري وابدي اشتغلي
وان شاء الله ياخوخه استفدتي مني في حاجه ولو تبي اي استفسار تفضلي اني جاهزة وان شاء الله تنوضي بالسلامه يااارب

[جوهرة ليبيا]

السلام عليكم ورحمة الله وبركاته

[dr.loly]

ام فروسه اليوم عجنت البيتزا بالنشا زي ماقلتي وبنشوفها واني واااااثقه ح تجي حلووووه لاني بصراحه وااااثقه من ذوووقك ربي يحفظك وسبحان الله كل مانستعمل عطر ايلي نتذكرك طوووول لاني جازفت وشريته وقلت في خاطري حاجه قالت عليها ام فروسي اكيد حلو وحتي 212 طلع يهبل وعجب زوجي هلبا
ربي يحفظك ياذووووق

تسلمي حبيبتي.. الذوق منك وفيك والاهم طيبة القلب
ويشهد الله ع معزتك عندي.. المهم انه عجبك

سبحان الله حتي العروس السبهاويه امس تلاقينا ف مركز
وقالتي مش عادي بكل عطر ايلي صعب لان نصحته به




....

وماشاء الله اللهم باااارك .. ربي يحفظك
تبــارك الرحمن ع اللمة والترتيب والتنسيق
واضح ان حاجة منسقه وراااقيه ..
واجمل شئ في الموضوع ان انتي لي مدايره كل شئ بيديك
وحبيت نقولك انك ست بيت ومطبخ بامتياز مع مرتبة الشرف
ربي يحفظك..
وكان مافيهش تعب نبي طريقة طاجين الجبن متاعك حسيته يسهف
نعرف نديره وف طرق مختلفه له بس شكله يشهي
هههه اتقول نتوحم راااايحه خخخ

[dr.loly]

المشاركة الأصلية كتبت بواسطة أمل ليبيا

مش عارفه خير الصور مقلوبات
اقلبو الابتوب وخلاص ههههههه
المهم هذه لمتي المتواضعه جدا ومن قال بيا هههه وللاسف كنت عابيه ع جاراتي والعبا ع الله ربي يسامحهم في الي جت مع الضيوف في الليل وفي الي ماجتش بكل لكن الحمد لله ربي عانني ودرت الي نقدر عليه غير نوضي بكري وابدي اشتغلي

ماشاء الله درتي حاجتك بروحك وما استحقيتي لحد
حتي بروحك تحسي بالثقه والفخر..حتي في عيون زوجكـ اهم شئ
والحمدلله جاتك ع قد نيتك الطيبه

[dr.loly]

وعليكم السلام ورجمة الله وبركاته

يامرحبا بجيجي شخبارك اليووووم

[dr.loly]

جيجي هذه صورة من فندق المناره
من مشيتنا له بالشتااااء نص شهر 12
ايام كنت حامل بفراااس

الهوا يرد الروح اقل وصف فيه
وهذا كان جناح هذه الغرفه لي تطل م خلف
مش مواجه للبحر




من فندق المنااااره (سوسه)

[dr.loly]

اوشتي قريبتك لي قلتي تأجر في شاليه بالك تحصلينا حجز وقت الاعياد ههههه

لان بكل ماتحصلي مكاااان ومشكله الليبين مافش مصداقيه ف الحجز نجو نحجزوا بتلفون مايصير شئ


تذكرت العائله لي جايه من طرابلس وحاجزين حتي هم بتلفووون ف المناره لقوا ولا غرفه فاضيه تخيلي من احرااااج
رقدوهم ليلتها ف غرف موظفين



وقالو لزوجي ف مكاتب الحجز من بعد اول يوم عيد ب ليلي وثاني يوم ف عائلات باتن ف سيارات


نحن جينا ثالت يوووم ايام عندي فروسي عمره 6 اشهر

ومشي اليوم ف تدوير
ردينا للبيضاااء حصلنا في فندق مرحبـــا نفس المنااااره بالضبط


بسش موقعه شتااااان ف وسط مباني مش حلووو
لكن راقي واكله في السعر مباااالغ فيه واااجد..

عموما به لي حصلنا وين نباتوا هههههه

وثاني يوم انطلقنا للمناره

عارفه المسافه بيناتهن عندنا قريبات كلهن
واللي يسكن ف المدن الكبيره متعود ع مسافات خخخخ

خصيصا بين شحات وسوسه خطوتين تنزلي من شيلوني شحات متاع الاثار لوطا تلقي سوسه
ومنها مسافه ربع سااااعه لراس الهلال...


ومنها ننطلقوا دهوره لعند شلال درنه

[جوهرة ليبيا]

سامحيني فروسه سلمت واختفيت

ومشكوره حبوبه عالتوضيح المفصل وبارك الله فيك كفيتي ووفيتي وزاد الحماس عندي وربي يسخر الحال


وبالله لومافيهاش تعب اكتبلي مقادير البتزا درت نفسي حفظتهم ونسيت ههههه

[جوهرة ليبيا]