حبيباتى سيدات ليبيا تفضلو لأعرف ما حالكم

اوشي · 10-26-2013, 05:00 PM

ام فراس وينك يالغلا ...

وشن حال السنافر وبوهم ...

قاعدة في ياغما وتكري في مشريات ربي يسعدك ويهنيك ويبعد كل سو عليك

اوشي · 10-26-2013, 05:05 PM

بالنسبة لي انا

ماشية الثلاثاء لطبرق وهو يصادف يوم التطريفة

بنديروها العشية حلويات وعصائر ونسكافيه وفي الليل كســـــــــــكســــــــــــــــــــــــو أعــــــراس

والاربعاء راحة والخميس نرمو عالعروس ونحنوها

والجمعة الفرح عندنا نحنا اهل العريس يعني 3 ايام بس ويوم راحة بس مش راحة بنديرو فيه سلاطات

اوشي · 10-26-2013, 05:06 PM

وعلي ذكر الســـــــــــلاطــــــات

من عندها نوع سلاطة او مقبــــــــــلات جديدة

وحلوة تسغفني بيها

dr.loly · 10-26-2013, 05:13 PM

اقتباس:

المشاركة الأصلية كتبت بواسطة أثري في مدادي

أم فرووووووووووووووسي

الحمد لله أن كانت رحلتك موفقـــــــــــــــــــــــــــــــة
وأخيرا ،،،،،،،،،،
تحقق حلمك بزيارة بلد الرومانسية والأحلام الوردية
وإن كنت قد اطلعت مؤخرا
أن الشيخ العثيمين يقول بعدم جواز السفر لبلاد الكفر من أجل السياحــــــــــــــــــــــــــة
وإن شاء الله سفريتك القادمـــــــــــــــــــــة تكون
لبلد الله الحرام
وبالنسبـــــــــــــــة
لجارتك أني واثقة من ترمومترك في العلاقات الاجتماعية
ومن حسن تصرفك وتقديرك للأمور
وأعجبتني ،،،،،،،،،،،،،،،،،،،،
لقطة العصبان الأخيرة
بالرغم من كل شـــــــــــــــــــــــــــيء
فأنا ضد
أن أكون لينـــــــــــــــــــــــــــة حتى أعصر
أو قاسية حتى أكســــــــــــــــــــــــر

حفظ الله ،،،،،،،،،،،،،،، أم فروسي

وحفظ الله لنا اثــــري ,, ودامت لنا فراشة الليل المضيئة التي تحولت اليوم فجأه .. الي فراشة الصباح خخخخخخخخخخ

والحمدلله ربي وفقنا وتمت الرحله ..

وعندي العلمـ بالفتـــوي عزيزتي ...

بس النية معروفه من سبب الرحله .. انها قضاء فترة نقاهه وتغيير جو لعيد الاضحـــى..

خصيصا ان في ليبيا هالعيد عندي له طقوس خاصه كل يوم ونختموها برحله للجبل الاخضر ..
دائمآ اياام كنت مع هلي وكذلك مع زوجــي ,,

يمكن لو ان نوينا السفر مخصوص ليها من ليبيا .. الى اسكتلندا وهكذا

لكن هي تعتبر جارتنا بم ان نيوكاســـل في الشمال الانجليزي يعني الرحله خدت ساعه ونصف بالقطــار ,, والحق سواء زوجي او انا نحبوا تغيـــر الجــووو وتجديد النشاط بالسفر ..

ايامات ليبيا ديما ندعموا ف السياحه المحليه خخخخخخ

نقولوا المبلغ نحطوه ف جبلنا بمختلف فروعه وحتي لو نقصت امكانيتهم من ناحية المطاعم و دعم السياحه والبنيه التحيته لكننا افضل عندنا مثلآ من وضع هذا المبلغ المخصص بالسنه مرتين في مصر مثلآ رغم انها مرات ارخــص ,,.,, يعني لما كنا في ارض الوطن الحبيب كنا انقدموا في السياحه الداخليه ع السياحة الخارجيه ..

الخــلآصة .. انها كانت رحلة لمكان انتمنى نزوره وكان بالجوار القريب لقضاء عطــله العيد
والاستمتاع بالطبيعه الجميله والتأمل في ملكوت الله عز وجل ...
لو شفتي منظر الجبال الشامخات وطبيعة الريفه الخلابه لديهم والانهار ونقطة التقائها بالبحر ..
طبعا شفت هالحاجات ب التيليسكوب متوفر ف اغلب المناطق الحيويه مجرد تحطيله عملة معدنيه ون باوند ويخدم بالشرح .. فكان ذكر الله لايفارق ألسنتنا .. بقول سبحان .. والله أكبر
أو ماشاء الله

صحيح هي بلد كفار بالدرجه الاولى ولكنها من ملك خالق السموات والارض ...وابداعه

والحمدلله على نعمة الاســلآم ,,

وحفظ الله اثري ...

عجبتني منك ونقلد فيك ههههههه

dr.loly · 10-26-2013, 05:19 PM

http://forum.hwaml.com/t276252.html

dr.loly · 10-26-2013, 05:24 PM

اقتباس:

المشاركة الأصلية كتبت بواسطة أثري في مدادي

هلبة حاجات
خلتني نغطـــــــــــــــــــــس
بجسدي ،،،، بــــــــــــــــــــس
لكن
قليبي معاااااااااااااااااااااااااكم

** إنتهاء الرصيد
** عرس بنت خوي ما عباش بتعبايه
** وتوا الشبكة ضعيفة

الخميس اللي فات كانت حفلتها
وسهريتها بالثلاثاء
والإربعاء رااااااااااااحة
وأمس مشينالها شفناها

كانت الحفلة حلوة ومتناسقة
وأني
طلعت بلوك جديد
شعري طبعا قصير دوب ما وصل لكتافي
درت تسريحته
فير
مع لقطة من المقدمة وخصلات ناعمة
ووردة جوري حمراء
بنفس لون الروووووووووووج
وطلاء الأظافر
مع الفستان أسود
وإكسسواري بالذهبـــــــــــــــي

الحق كنت راضية علي شكلي
مع،،،،،،،،
اللون الأسود يخفي العيوووووووووووب
~~~~~~~~~~~~~~~~~~~~~~~~~~~~~~~~~

غبتي عنا بخطك ولكنك دائمآ في القلب اثـــري ..

وماشاء الله ع اللوكـ روووعه بكل الاحمـــر مع الاسوووووووود ,, والذهب

يعكس ع الاحمر ويعطي اطلاله ملكـــية ,,, حسب وجهة نظري كيف ماتعطي الفضة والكريستال اطلاله ع الازرق المــلكي..

ومبارك ع بنت خوكـ,., وربي يباركلها ان شاء الله

وفعلآ عزيزتي الاسود مش غير يخفـــي العيوووووووب .. ينحفك 5 كيلو ويطلع جسمك متناسق بكل..

dr.loly · 10-26-2013, 05:26 PM

اقتباس:

المشاركة الأصلية كتبت بواسطة ليبياقلبي

السلام عليطكمم تتتتتتتتتتتتتتتتتتتتتتتتتتتعبانة موت
ادعولي ربي يفرجها

وعليكم السلام ورحمة الله وبركاته

لاباس ان شاء الله اختي ام نوزهـ ..؟ طمنينا عليك ..

وربي يفرج همك يـــــــارب

dr.loly · 10-26-2013, 05:31 PM

اقتباس:

المشاركة الأصلية كتبت بواسطة أم أجنادين 80

الله عليك ياام فراس الله الله عليك
دغددغتي مشاعري بهذه الانشوده لاول مرة اسمعها
انفجرت بالبكاء عندما سمعتها

ليس شوقا فقط
وانما تحسرا علي وطني الحبيب

فعلآ الحسرة والاسف ع اللي صاير ب ليبيا نزل دموعي حتى انا ......

عارفه من كثر مانسمع ع اللي صاير سواء ف الاخبار او من الحاجات لي ف بنغازي نسمع بهن من هلي .. قديش ترقالي ونتنرفز ..

خصيصآ توا التصفيه لي صايرة للضباط الاحرار الابريااااء في بنغازي

وعمي مستهدف ,, بعد استهدفوا صديقه راجل حاج من سنة وقمة في الاخلاق والطيبه والعمل بضمير ...

لي قاهرني ان بنغازي كثرن فيها الاغتيالات بشكل لايوصف ...

وانهم ماقدروش يمسكوا حتي مشتبه ؟؟؟؟؟؟؟؟

للدرجة هذه ارواح البشر قعدت رخيصه ..

قعدت نقتنع بكلام الوالد ودكتورة كبيره بالعمر معايا ف العمل ربي يذكرها بالخير ويرزقها الذرية الصالحه ديما مهمومة من وضع البلاد.. ان في الموضوع اجندة خارجيه وخصيصا من قطر..

حسبي الله ونعم الوكيل في كل حد له دخل بشكل مباشر او غير مباشر في دمار وتشتت ليبيا

dr.loly · 10-26-2013, 05:36 PM

اقتباس:

المشاركة الأصلية كتبت بواسطة اوشي

ام فراس وينك يالغلا ...

وشن حال السنافر وبوهم ...

قاعدة في ياغما وتكري في مشريات ربي يسعدك ويهنيك ويبعد كل سو عليك

موجودة يالغلا .. والسنافر كويسيين قاعدين .. فروسي مش متقبل اخته كالعاده وكل مرة محصله منه حاجه .. خصيصا شعرها كل مانديرلها قرينات يكرهن هيبلني هههه

بس مافهمش قاعده في ياغما هههه؟؟ وتسلمي على الدعوات الطيبه وجزاكـ الله بالمثل اختي الغاليه

dr.loly · 10-26-2013, 05:38 PM

اقتباس:

المشاركة الأصلية كتبت بواسطة اوشي

وعلي ذكر الســـــــــــلاطــــــات

من عندها نوع سلاطة او مقبــــــــــلات جديدة

وحلوة تسغفني بيها

بالنسبه للسلاطات في انواع عده بس ابتكارات او اضافات ..
بم اني انحب الفتاليك ومقبلات الاكل .. ديما نفتلك لكن الفتره هذه مقلله عشان مايفتحنش شهيتي للاكل فوق اللزوم خخخخخخخخخخخخ

المقبلات كيف تبيهن بالضبط...؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM