حبيباتى سيدات ليبيا تفضلو لأعرف ما حالكم

[أم أجنادين 80]

اوشي مبارك الاشراف

هدية وامولة مش مبينات

[أم أجنادين 80]

خوالي مش في جودائم

بس في مركز جديد مش متفكرة اسمه

جنب حوش بوستة ومدرسة والله اسمها منعرفه

المهم وراء محطة البنزينة والمستوصف في طريق فيها مدرسة جنبها المركز

[أم أجنادين 80]

طبعا اكيد فيه نقص في تخصصك

[أثري في مدادي]

تلخيص الفتوى كالآتي :

هناك آية قرآنية في سورة النور :" ولا يبدين زينتهن إلا لبعولتهن .............." الآية
فقال المفسرون المقصود بالزينة هنا " مواضع الزينة "
أي لا يجوز للمرأة أن تبدي لمحارمها المذكورون في الآية ســــــــــــــــــوى مواضع زينتها
المقصود بمواضع الزينة ... أي الحُلى التي كانت ترتديها المرأة في ذاك الوقت
وهي
القلادة أو العقد في الرقبة يعني "" مكان العقد جائز إظهاره أما الظهر والنهدان فلا يجوز إظهارهما للنساء اللواتي من المحارم المذكورون في الآية
والخلخال في الساق يعني حوالي نصف الساق موضع الخلخا ل
أما ما تحت الركبة مباشرة والفخذ من باب أولى لا يجوز إظهاره
والدملج وهو كالأسورة بس يرتدى في نصف العضد يعني "" قفطان نصف كم مش ربع كم !!!!!
يعني موضع الدملج وما بعده أما ماقبله فلا يجوز
الذراع من فوق والكتف أيضا فهي عورة حتى ما بين النساء

وهذه الحدود
أسلم
وأحكم
وأعلم
السلامة في كونها تحمينا من صويحبات النفوس الدنيئة
والحكمة المترتبة عن هذا التشريع في بث أصول الحياء في قلوب بناتنا
والعلم لأنها مستندة على تفسير آية من القرآن
لا من اجتهاد مذهبي غير مستند على دليل

~~~~~~~~~~~~~~~~~~~~ تلخيصي مجهود ذاتي

أي استفسار فلتتفضلن

[أثري في مدادي]

طبعا يستثنى من المحارم
الزوج
لورود
نصوص أخرى تخصصه بإباحة التمتع بالزوجة
ولا عورات فيما بينهما

[أم أجنادين 80]

يعني الرقبة مسموح بيها

والصدر والظهر لا

واليد الكم نصف كم وليس ربع كم

والرجل موضع الخلخال وليس من تحت الركبة

[أم أجنادين 80]

بنات شن اسماء مشاركاتكم في مشكلة وحل

[أم أجنادين 80]

تصبحوا علي الف خير

[أمل ليبيا]

المشاركة الأصلية كتبت بواسطة *ام فراس*

وعليكم السلام ورحمة الله وبركاته

ياهلا وغلآ بأمولتنا الغالية ... ومعش اتغيبي علينا واجد .. تعالي ديري ذلة ديما وهدرزي
نتونسوا ببعض خير ماتقعدي بروحك .. لان بجد بعد تقعدي مع نفسك واكيد زوجك جامعة وقرايه وضغط يزيد عليك التعب النفسي ..
صح هي الغربه موحشه بس صدقيني عزيزتي بعد ايجي البيبي ( زهرة حياتك الظاهر عرفتي انها بنوته) حتونسك والله وتلهي وتنشغلي بهااااااا...نفس ماصايرلي انا
بعدها توا تقعدي اتدوري في الهدوء مرة مرة ههههه
ربي يحفظ جنينك .. ويحفظك غاليتي ..

تسلمي ياغاليه بالنسبه للبيبي كنت حابه نتأكد اكثر بس الدكتورة رفضت تعطيني موعد قتلي مداما صحتك كويسه مافيش داعي خليه في التاسع وخلاص والحق اني معاش قادرة نصبر توكلت ع الله وقلت ان شاء الله ح تكون بنت وخلاص لانه الاحتمال الاقرب ومشيت شريت معظم اغراضها وردي واحمر واستمتعت وقلت لو مثلا طلع ولد عادي ندسهم لاخته ونشريله ع السريع من اي محل والحمد لله ع كل حال

المشاركة الأصلية كتبت بواسطة *ام فراس*

الحمدلله حالنا تمام بفضل ونعمة .. والعيال كويسين والحمدلله..
زوجي بس مضغوذ هالايام بالقرايه بكل ... وان شاء الله الاسبوع ها اخر اسبوع بعدها اجااااازة لان في اربعه من قروبه ماشين للحــج ..
ف الكلية قالت كيف نعوضوهم بروحم لعند توا احتمال كبير عطلة هالشهر ان شاء الله يارب
وبيعذوا دورات للي يحب يحضر... انتمناها هكي عشان نقضوا ايام العيد عند جيرانا اسكتلندا...

ان شاء الله ربي يدوم عليكم الصحة والراحه يااااارب ويسعدكم وان شاء الله بالتوفيق لزوجك وفعلا العطله فرصتك قضيها وين ماتحبي وان شاء الله رحله ممتعه حتي احني ان شاء الله العطله الجايه ناويين نمشو شيكاغو او فلوريدا ك تغيير جو وان شاء الله هداكا الوقت نكون جبت وارتحت

[أم أجنادين 80]

صـــــــــــــــــباح الخير

الساعة 7 ونص