حبيباتى سيدات ليبيا تفضلو لأعرف ما حالكم

[أم أجنادين 80]

الباين غالطة هدية مش عرس بنت اختي ياريت عندي بنت اخت

[sosolibya]

سبحان الله حال الدنيا ناس ترقد ونلس تنوض

[هدية الخالق]

شن الجو جنوده قاعدة ولا طلعتي

[sosolibya]

شنو الصورة الحلوة هدية هذه

نسحابوك رقدتى هدية

[أم أجنادين 80]

صباح الورد والياسمين

[أم أجنادين 80]

قاعده

سوسو جاوبي علي سؤالي بخصوص شن نلبس

[sosolibya]

طبعا ماشاء الله اليوم نايضين بكرى علكييييييف حتى رجالى فرحان بينا حتى ريم ناض وفطرنا

وطلعت لصور سقيت وبخبخت الدنيا وناض حمووووووود وبديت فى البساط بنغسله ريم مبزعتلى عليه حليب اخخ

وحمود عاونى خخخ جوو

وبعدييييين

نقعو رواحهم وتعرفو ماقمت البساط نحس فى روحى خلاص
ومانقدرش نخليه يدير الصنة

تحممنا

وريم رقدت وتوا بنطق فى إمتعينى

[sosolibya]

شكرا حبيبتى لأن رأيى يهمك ,,

أنا حاسة إنك مكثرة من الحرير زى ماقالو البنات

ومش حتلقى حد يفهمك زيى أنا عارفة ليش تبى الحرير

باش تفتكىى من موضوع شعرك,,,, صح

المهم

الحنة الصغيرة ليك ألإختيار تلبسى حولى أو بدلة خفيفة 2 يمشو

والكسوة ألأفضل تلبسى الصدرة لأ زحمة أكثر أكيد

والسهرية تقدرى تغيرى على فستان خليجى رااااااقى

أو فستان تركى ناعم

ولو الزحمة عارفتها فالليل خلى الصدرة بالليل

إنت أدرى بالعرس ..صح

أكيد لخبطنالك راسك وبرنامجك

أنا عارفة ان الشعر يعقد

وأكيد كنت بديريله جو فى الحفلة بس

بس عادى ماتعقديش روحك

خليه مفتوح نازل وشديه من الجناب وخلاص

ولا حاولى تعملى لفة خفيفة والباق مفتوح والتوكة الكبيييييرة أحيانا تفى بالغرض لو كانت على نفس لون اللبسة

وإن شاء الله نكون أفدتك


وأى سؤال أنا حاضرة أو استشارة

[sosolibya]

توا مشيت لإمتعينى وحطيت الطنجرة عانار بنديرو رز مبوخ إن شاء الله

وجيت بنشوف ريم خليتها راقدة

[sosolibya]

طريقة عمل تسريحة الفيوكة,, بكل سهولة ...