تجمع رعاية المولود من حديثي الولادة إلى شهر 3

[يارحيم]

المشاركة الأصلية كتبت بواسطة المغتربه المتفائله

السلام عليكم

كيفكم يا احلى امهات

شلونه اللامومه والتعب وياكم

انا بنتي عمره 39 يوم
وعده مغص وغازات وانتو بكرامه ما تنام
طول الليل بس تبكي ومعذبتني
هذه اول طفله عندي وما عندي خبره
بعد مصارت شهر بديت اعطيه ماء غريب
قالو يخفف المغص الحمد لله هيه احسن
من قبل بس كلش خائفه عليه
قريت بالنت على انو ماء غريب بي ماده كحوليه
تخدر الطفل العلبه العندي مكتوب عليه خاليه من الكحول
هيه ما تغيرت نومته بعده طول الليل ما نتام
حسيت الفرق بالمغص العده خف تحسنت

عطوني رايكم بماء غريب ومنو منكم تعطي طفله
انا اعطيه جرعه قليله 5 مل يوميا بالليل

وخائفه صح الكلام ويأثر على بنتي
محتاره شنو اسوي
شورو علي محتاجتكم

موية غريب مرة كويسه للطفل لانها عبارة عن مزيج اعشاب تريح وتهدي المعده.. انا زيك سمعت ان فيه انواع فيها كحول بس مالقيتها ولا شفتها.. بما ان العلبه مكتوب عليها خالي من الكحول توكلي على الله واسنخدميها واذا بنتك مرة متعبتك عطيها اكثر من مرة باليوم ما يضر..

[يارحيم]

المشاركة الأصلية كتبت بواسطة ياهم ربي كبير

اهلين حبيبتي يارحيم
احساسك اجل صار بمحله ، ليش ماتجربي تصيري عرافه هههههه امزح
التشفيط مستمرة عليه من يوم ما اشتريت الشفاط ، وبعدها رفض ولدي يمسك صدري نهاائي
فاستمريت على الشفط !!
كثير قاللوي لا تشفطي خلي البيبي يمص صدرك ، بس شرحتلهم انو ترك صدري ومافي فايدة
بس الدكتورة قالتلي اذا كذا استمري على الشفط 3 شهور ثانية على الأقل لين يصير عمره 6 شهور
اما عن الحمل ، انا عمري 26 سنة يعني مو صغيرة هههههه بس مع ذلك ودي يرجع جسمي وارتاح شوي وياخذ ولدي حقه بالتربية مثل ما قلتي ، فـ ان شاء الله بركب لولب الاسبوع الجاي وارتاح
والا بنهبل على قولتك هههههههه

اما بخصوص حليبك ، لاتستعجلي بالاستنتاجات
جربي تشفطي اكثر وتشربي سوائل وشوفي مدة اسبوعين لا اقل ، لو كثر حليبك الحمدلله
لو ماكثر عندها احتمال حملتي هههههه
وبهذي الفترة جربي اختبار حمل وشوفي شو يطلع معك ..

سؤال : انتي تعرفين ايام دورتك ؟؟؟؟ لو ايه ، سوي الاختبار بعد الدورة بـ 5 ايام مو قبل الدورة

وسؤال ثاني : انتي استعملتي موانع ؟؟؟؟ لو ما استعملتي شيء للحين انتي وزوجك انصجك تبدئي

عشان ما تحملي بالمستقبل قبل 6 شهور
وان شاء الله طمنينا بالجديد

26 توك صغيره اذا ناويه على اربع ولا خمس يمديك بالراحه مع فواصل بين كل طفل وطفل اما اذا تبين اكثر يمكن لازم تحاولين ابكر :) انتي تشفطين مع كل رضعه؟؟ انا مشكلتي شفاطتي كهربائيه يعني فكها وتنظيفها وتركيبها شغلانه حدي اشفط مرتين باليوم واغسل ادواتها وانشفهم واخليهم لبكرا وهكذا.. وصرت امل لاني اغسل وانشف واجهز واركب وبالاخير يطلع لي شوي مرة واتحطم..

اخر دورة جتني قبل احمل كانت ب 25 مارتش.. يعني احسب خمس ايام من 25 فيبروري على اساس هو يوم الدورة المتوقع؟ معناتها مر خمس ايام على موعد دورتي منزمان.. بس اول جماع حصل اول ما خلصت نفاسي ب 18 فيبروري وكان من غير موانع!! بس قلت انا ارضع وهذا اول يوم بعد النفاس مب صاير شي ان شالله.. بعدها خلاص بدينا نستحدم المانع بس استمرت الهواجس عرفتي.. المهم انه مر اسبوعين ويومين على الجماع اتوقع مارح يبين بالجهاز حتى لو كان موعد الدورة معدي!! صعب انتظر اسبوعين انا من النوع اللي تقتله الهواجس

[المغتربه المتفائله]

المشاركة الأصلية كتبت بواسطة يارحيم

موية غريب مرة كويسه للطفل لانها عبارة عن مزيج اعشاب تريح وتهدي المعده.. انا زيك سمعت ان فيه انواع فيها كحول بس مالقيتها ولا شفتها.. بما ان العلبه مكتوب عليها خالي من الكحول توكلي على الله واسنخدميها واذا بنتك مرة متعبتك عطيها اكثر من مرة باليوم ما يضر..

مشكوره ياقلبي
الله يطمنك مثل ما طمنتيني
والله عايشه بقلق والوم نفسي كل ما اعطيه ماء غريب
اقول انا كاعده اضر بنتي بنفسي
الحمد لله من ماله مضار

هوه الوحيد الفاده اكثر من قطرات استخدمت
ولا فادت بشي بقت على نفس الحال

انا من زمان متابعتك
من يوم كتبتي قصتك بالحمل
انا كنت انتظر الحمل بفارغ الصبر
ومن قريت قصتك جددتي الامل بيه
وطبعا هوه الامل بالله وحده الرزاق

الحمد لله على سلامتك
والله يحفظلك ابنك يارب ويقرعينك بشوقته باعلى المراتب يارب
ويرزقك باخ او اخت اله


وبالنسبه لموضوع انك خايفه تكوني حامل
ما اعتقد يصير حمل مع الرضاعه
وانتي قلتي مره وحده بدون مانع
خلي يعدي ثلاث اسابيع بعد الجماع الصار بدون مانع
وسوي اختبار الحمل
والله يرزقك كل ماتتمنين

[مهرة]

هلا زوزو نورتي

بنات انا بعد ودي تجني الدوره واركب الولب ماودي احمل عندي بنتين يكفوني لين خمس سنوات بعدها بحمل ابي ولد وخلاص تعب الحمل والولاده وتجيك بعدها الرعايه قلق وهم الله يعين

انا استخدم مويا غريب حلوووه للي تسال حطها مع رضاعات الحليب

[مهرة]

رحيم وزينب. اذ حملتوا بدري اشكروا الله ع هالنعمه تدرون ليش. دايم اقرا انه اللي تتاخر بالحمل اول مره راح تتاخر المره الثانيه

[مهرة]

هلا حكايه وكيف نساك عاد لاتقطعينا

[جروح الحب]

هل نوم بنتى طبيعى

تنام من المغرب الى 11 في الليل

ومن بعد 11 تكون صاحيه
وتنام 1في الليل
لا حد الصباح
ووقت التنوم مره تبكى لاحد ماتنام

وطلع في لسانه فطريت
لما كان عمرها
ايام
طلع فيه فطريت
واصرفوله علاج
وذحين رجعت له

[مهرة]

هلا جروح. ايه طبيعي انا بنتي كذا واذ ودي تنام وطول في نومها اعطيها حليب صناعي واحس انها شبعت والطفل لاشبع ع طول ينام

زوزو سلامات نووور مايشوف شر

مشاعل وينها اليووم ؟؟؟

[يارحيم]

المشاركة الأصلية كتبت بواسطة مهرة

رحيم وزينب. اذ حملتوا بدري اشكروا الله ع هالنعمه تدرون ليش. دايم اقرا انه اللي تتاخر بالحمل اول مره راح تتاخر المره الثانيه

كلامك ينطبق على بعض الحالات مو كلها.. وبالنسبه لي انا مو ضامنه اني اقدر احمل بسهوله لكن لان حملي الاول صار بطريقه غريبه وماني متأكده وش السبب فممكن اني احمل بسرعه.. في جميع الاحوال الحمل نعمه من الرحمن ولو اكتشفت اني حامل بشيل هم شوي وبيتخربط نظامي لكن بحمد ربي ليل نهار على نعمته..

بالنسبه لزينب تراها ما تأخرت انا بس اللي تأخرت.. زينب حملت بعد سبع شهور من زواجها من غير منشطات ولا ادوية فحملها يعتبر طبيعي مية بالميه وممكن تحمل بسرعه لو ماخذت موانع..

واصحح لك معلومتك اللي تتأخر في الحمل الاول بسبب مشاكل عندها او عند زوجها ممكن تستمر المشاكل ويتأخر كل حمل.. لكن اللي يتأخر بدون مشاكل مو بالضرورة يتأخر حملها الثاني بالعكس ممكن تكون نشطت المبايض عندها والرحم استعد وتحمل بسرعه..

[مهرة]

ههههههه هلا رحيم ع العموم استفدت منك معلومه جديده بالتوفيق للجميع الله يكتب الا فيه الخير