تجمع رعاية المولود من حديثي الولادة إلى شهر 3

[Maayaa]

صباح الخير ،،


يارحيم
مايشوف شر خلودي انا مثلك ولدي ماعاد يشرب الحليب واذا شرب يرحع ): تعبببت مادري وش اسسوي ):
تتوقعون من الحليب ولا من ايشش ،
جربت ادهنه بزيت الزيتون بس حسيته مانفع وبرضو نفس الحال يشرب ويرجع ،


شوق
تروحي ؤترجعي بالسلامه ،، انتبهي لتفسك وللأموره وطمنينا عنك بأقرب وقت $


زينب اخبارك واخبار نور وكيف الجو عندكم عساه زيين ان شاء الله

الجو عندنا متقلب ويمكن هذا اللي أثر على عيالنا ،، الله يحفظهم

[ليالي حب]

بنات باقي لى ايام واخلص نفاس وماقررت وش مانع لى باخذه ي...
يمدى اكل حبوب ؟؟
وهل عادى مولازم طبيبه تكتب لى ؟؟
وشرايكم بحبوب جينيرا ؟؟

والى عنده حل مؤقت تسعفنى ؟اخاف احمل ..جزاكم خير

[يارحيم]

زينب انتي موقفة الرضاعه من صدرك؟؟ اتوقع اذا موقفتها وبس يشرب ببرونة صعب انه يرجع لصدرك لكن مافيه شي مستحيل.. فيه موضوع مثبت بقسم الرضاعه عن كيفية العودة للرضاعه الطبيعيه ان شاء الله يفيدك.. من ناحيتي اعتقد ان اول سلاح هو التجويع خليه يجوع لين ياخذ صدرك ويمكن ياخذه شوي ويتركه ويفجر راسك بالصياح لكن بالنهايه اتوقع بياخذه ولا يموت جوع.. بس ترا هذا الحل من راسي مدري اذا صح ولا غلط احسن اقري ذاك الموضوع اتذكر خبيرة كانت متكلمة خصيصا عن اللي قطعو الرضاعه الطبيعيه ويبون يرجعون لها..

ومرررة شكرا على المعلومه المهمه انا فعلا شكيت انه من اكلي ووقفت التمر لانه معروف يسبب غازات بس ماخطرت البقوليات على بالي ولا الحليب.. الحمدلله مب راعيه حليب بس كنت ناويه ابدا بالحليب لاني مصدقه انه يساعد على ادرار الحليب!! صدمتيني ان المعلومه غلط.. انا قالو لي كاس حليب وملعقة طحينه تدر الحليب بشكل خيالي وانا حليبي قليل ورحت جبت الطحينه!! بس خلاص مارح اخذ حليب تكفيني حبوب الكالسيوم اللي اكلها..

روعة النسيان وال ماما نوف مشكورين باذن الله بجرب طريقة الزيت زيتون..

مايا يمكن ولدك مفلوز ولا ماخذ برد.. او احتمال بشرب اكثر من طاقته جربي قللي رضعته..

[يارحيم]

مهره انا استخدمت موية غريب وما سوت له ولا شي.. بس اكتشفت ان موية الغريب انواع يعني اذا ما ناسبه جربي موية غريب من شكرة ثانيه تخيلي تكون مكوناتها تختلف.. هي الفكرة انها موية اعشاب بس كل شركة تختار اعشاب شكل.. جبت نوع ثاني وكني حسيته افضل من الاول.. بجرب نوع ثالث بعد كم يوم واشوف وش اكثر شي يستجيب له..

مشاعل نسيت اذا انتي اللي سألتي عن نفاسي.. كنك داريه اليوم تحممت وصليت وبديت اول يوم بحياة جديده :)

[مهرة]

هاي مساء الخير زينب الله يعينك مثل ماقلت رحيم جوعيه وان شاء الله يرجع يرضعلك ع الاقل ست شهور حتي تصيرله مناعه

شوووق راح توحشينا ربي يحفظك ويسهل طريقك

رحيم توي ادري ان مويات غريب انواع انا اللي عندي مره حلووه اضافها مع الحليب الصناعي وتريحها

مووووووفقين

[رسال]

مرحبا

شوق بالف سلامه حبيبتي والله يسعدك بحياتك الجديده
رح افقدك كنت دايما اقرا كلامك حرف حرف واستمتع
الله معاك ويحميلك العروسه وعقبال مانشوفك هنا مره ثانيه
وبالنسبه لي انا ما اتوقع الله يحفظ اللي عندي ويحميهم ويقر عيني بشوفتهم بافضل حال

[رسال]

يارحيم
انا بنتي نفس الحكايه صيااااااح وتعصر واخر شي غازات واصواتها كبيره عليها
اذا عطيتها النقط تبدأ تطلع
التبرز صار احسن عن قبل السبت مره والاثنين مره وياااارب تتحسن بسرعه لاني تعبت

زينب اخبارك ياعسل قولي لي ايش سويتي مع ولدك بخصوص الامساك

مشاعل طمنينا على ريما والله كل امس ادعي لها ياقلبي هي

يارحيم انتي كمان عندك موعد بس لسا ماجا الثلاثاء عندك طمنينا عنك

موية غريب يابنات مو كانت منقطعه وقالوا خطيره
اختي عطت ولدها منه بدون تخفيف وكان بيروح فيها مسكينه بكريه وعمرها 18 وهي التحربه بالعيله

[مهرة]

هلا رسال كيفك ؟وكيفها عروستك

انا خرمت اليوم لبنتي وكمان وزنتها وكان وزنها خمسه وربع كيلو

[يارحيم]

ياحبيلك يا رسال متذكرة موعدي.. تذكرك السعاده والهنا وما تفارقك ياكريم..

فعلا حنا الحين الثلوث الظهر شوي وطالعه المستشفى.. وبطمنكم عني ان شاء الله

بالنسبه لموية غريب زي ما قلتلكم هي انواع يمكن اختك استعملت نوع خطير ومنعوه بعد كذا؟ انا سمعت ان فيه انواع فيها شوي كحول وعشان كذا تخدر الطفل وتنومه بس اشك ان اللي فيها كحول تدخل السعودية!! انا كل نوع اشتريه هنا اتأكد ان مافيه كحول لاني سمعت هالمعلومه وماني متأكده منها بس الاحتياط زين..

مهره مبروووك التخريم ياحلو البنات اذا لبسو الحلق :) ماشاء الله وزن بنتك حلو ترضعينها طبيعي ولا صناعي؟ الله يحفظها لك يارب

[Mishael]

اهلللين بناات الحمدالله ياقلبي بنوتي بخير قالي الدكتور يعتبر كيس دموي او تجمع دموي اللي يسمونها الفراوله تبدا تكبررر بعدين ترجع تصغغرر
وممكن تروح بعد سنه او يسوون لها عملية تجميل ويشيلونها والحمدالله حميد ومايتحول باذن الله بس اي كدمه او جرح بيعورها وممكن يلتهب وقالي لاتحرصين على الصناعي لانه بيعورها المص ،، مشكورييين مشكوره رسال عسى ربي يتقبل ماقصرتي ياحبييلك