التهاب المهبل ؟! ممكن مساعده

[سكر نبات]

اليوم رحت للمستشفى و طبعا تيتي تيتي مثل ما رحتي مثل ماجيتي

قبل امس حولتني الدكتورة لدكتور ثاني واعطتني ورقه تحويل مستعجل يوم الاربعاء للدكتور ......

واليوم لما رحت الصباح جلست استنى الدكتور يجي وطبعا غرفة الانتظار ما شاء الله قلت متى بيلحق على المرضى وهو مااا جاااء والساعه صارت 10 وربع

وبعد ما شرف جلست استناا وما فيش فيدااا ابد بطيي فشغله الدكتور دخلت عليه واعطيته الورقه قال استني بعد لسى فيه 35 حاله اخلصه بعدين اسوي لكك المسحه

طبعا انا صايمه ولا فطرت عشان التحاليل وبدااا عندي الدوخه وبروده الجسم من الجوع و عصبت وخرجت من المستشفى
وحلفت ماعاد ادخلهاا ثاني الا وقت الولاده

وطبعاا انا فشهري الثالث للحين ما سويت النحاليل وزاد على هذا انو لازم اسوي المسحه لان عندي التهابات
كشفت مره وحده بس شفت انو فيه كيس حمل وفيه جنين والمره الثانيه قبل امس لاني تعبت

العلاج اصرفه لنفسي من الصيدليه حمض الفوليك وفيتامين دال وكالسيوم
بس ابي افضل غسول للحوامل

ابي كمان تجاربكم ايش افضل المره ولا الملح

ولحدش يقول لي روحي اناا كاره للمستشفى ماعندهم سرعه وكل شوي ماسك التلفون مدري ليش حولتني له الله يسامحهاا قبل شهر رحت وجلست 3 ساعات واخر شيء الدكتور مو فيه وخلاص مابقي شيء على انتهاء الدوام

وبعدين لو ربي كاتب انو بيصير لي وللي فبطني شيء راح يصير لو ايش ماصار

[متفائلة دائما]

سلامتك يالغالية
ان شاء الله بسيطة و لا تزعلي نفسك لأنك حامل و هذا يأثر على الجنين
بالنسبة الغسول خدي لاكتاسيد lactacid انا وصفته لي الدكتورة لما كنت حامل و الحمد لله لقيته حلو و انا مستمرة عليه حتى بعدما ولدت
و أيضاً نصيحة بعدما تغسلي و تنشفي المنطقة خليكي بدون كلوت عشان تتهوا المنطقة من الرطوبة و البسي بجايم طويلة

[شروق الرياض]

مو لاااااازم تروحين مستشفى حكومي
روحي لخاص ماكثر الله الا المستوصفات وريحي بالك من الزحمات وقلة الحيا
يازين الخاااص بسسس
وسوي لك مسحه وشوفي نسبة الالتهابات عندك لاتسكتين على نفسك
تراها مو شي هين ولايستهان فيها
انا من الخامس وانا اعالج فيها وتروح وترجع الله يعين عليهااا بسس ويشفينا
واستخدمت غسول المره والملح يوميا قبل النوم
ولا فاااادت والله
واخذت مضاد واخذت تحاميل شكلين واخذت كريمات مهبليه
وتخف الالتهابات والافرازات بوقت العلاج وحد مايخلص العلاج اجلس 4 او 5 ايام وترررجع زي ماكانت

عشان كذا انتي لاتتعيجزين وتبردين وتقولين ماراااح اروح
الالتهابات انا عايشه قلق منها لانها تسبب ولاده مبكره لاسمح اللله

انتبهي لنفسك ياقلبي وطمنيناا عليك

[شروق الرياض]

وصح اذا ربي كاتب انو بيصير لك والا للبيبي شي
صح بيصير اكيد ومحد بيرد ارادة رب العالمين او يصدها
بس ربي قال اسعى ياعبد واسعى معاك
والواحد يفعل بالاسباب
وفيما معنى الايه:(ولاتلقوا بأيديكم الى التهلكه)
دام حملتي والحمدالله حافظي على نفسك وعلى اللي في بطنك لانهااا نعمه من رب العالميين

[عروستة]

حبيبتي لازم تتعالجي من الاتهاب الضنى ببطنك له حق عليك ي الغاليه

و انا بثاني الله يتمم لي يارب على خير وًعليك و من حملت و انا التهابات رايحه جايه و التحاميل و مراهم و لا تفيد بس تخففها علي
ًلكن وش السواة الواحد لازم يسعى بضنى صدقيني الضنى اذا احسنتي معاملته من هو ببطنك الله يجعله بار لك ان شالله

و ترا ممكن التهابك بسيط بس مجرد تحاميل و يروح لكن عليك بالذهاب لمستشفى خاص هذا حق من حقوقك انك تتعالجي و تعالجي نفسك و نفسية ابحامل مفروض حلوه و مو تزعل


والله انا اعاني من الوحم من جهه و الغثيان و الترجيع

و الاتهابات مدري وش السواة معها من حملت وًهي معي حتا جماع ما اقدر عليه اتعذب عذاب من شدة الالتهاب الله يعين ياربي و يحفظ اجنتنا يارب و يثبتهم في ارحامنا ياربي


اختي الله يخليك استغفري ربك و اجري وعالجي و لا تجلسي كذا مهما كان الي فيك روح لها حق الحياة حالها حالك لا تهمليها يا الغاليه

[شموخي غير..]

سنا. بودي ووش غسول نسائي للحوامل. مره روعه استخدميه وجففي نفسك زين وهذي مسحه عشان تعطيك العلاج اللازم وسلامتك المسحة يبليها يومين الى ثلاث ايام. الله يعيننا عاالالتهابات الله المستعان خليها على ربك مساكين يا النسوان كل شهر ما ترتاح منها سلامتك اختي ومثل ما قالو لك البنات روحي خاص

[سكر نبات]

يسلموو لكل من نصحني
الله يرزقكم الذرية الصالحه ويثبت حملكم
وبعدين رحت لمستشفى خاص بس للاسف المنطقه اللي انا فيهاا ما فيها مستشفيات خاصه تمام هي كلهاا 3 وفاشله
الله يكتب اللي فيه خير لي

[لكاعه]

روحي مستشفى على حسابك افضل وأسرع الله يشفيك و يسهل عليك و علينا

[بنت ابويه]

افضل تتعالجي في خاص لان الالتهابات تأثر على الحمل

[عروستة]

حبيبتي اذا التهابك فطري يعني ينزل منك افرازات كثيره خذي تحاميل جاينو دكتارين


و اذا كان بكتيري يعني مهبلك مرره جاف حتا الجماع ماينفع معه لأنه المنطقه جدا جافه خذي تحاميل افوسين هي لون كرتونتها وردي و كبير لكن مرره مريحه

لكن نصيحه افضل لك استشارت طبيه لا تجلسي تصرفي ادويتك لحالك