تجمع لحوامل شهر جمادى الأولى 1433

[رنووومة]

اي والله بتهون انشاء الله اليوم نزلت عندي كان عصرية والبيت كان درجه عالي كثير وراجعة ظهري بيوجعني الله يعينا يا رب

[أم رزاان]

سلامتك حبيبتي
انتبهي لنفسك يالغالية
اليوم أختي تتصل فيني وتقول أمانة تعالي عندي طفشااانة
بس والله ماقدرت اروح شقتها بالدور الثالث
وماحبيت اجازف ويحصل لي مثل اللي حصل من يومين

[رنووومة]

الحق معك انا متوفية حماة اخت زوجي و هي بتعتب كثير واليوم اخر يوم ورغم الدرج عالي بس ما عذرتني منهيك اضطريت اروح الله يكون بعونا يا رب

[أم رزاان]

الله يرحمها ويغفر لها
والله ياقلبي شيء فية ضرر عليك لا تعملية
ولا يكلف الله نفس إلا وسعها
بس صادقة والله فية ناااس ماتعذر ابداً .. الله يصلح الحاااال

[سهاد-الروح]

الف سلامة عليك ام رزان يمكن حالتك لانك مشيتي بالسوق كثير حبيبتي ريحي نفسك ...
انا عرفت من سوالف البنات انك والدة قبل كذا بالسابع صحيح او انا قريت غلط ...
المهم انتبهي لنفسك وان شاء الله العافية قدامك يارب......

[أم رزاان]

هلا سهاد قلبي
فعلاً يالغالية بناتي التوأم ولدتهم على الاسبوع 27
وكثير اطباء قالوا ربي كاتب لهم عمر سبحان الله لنهم كانوا في بداية السابع وتوأم !!
والحمد لله الآن عمرهم 18 سنة عرايس :)
والثلاثة الباقين برضوا ولادة مبكرة بس على الثامن

بس تبغى الصدق أنا مو من الناس اللي يداروا انفسهم وقت الحمل !
وبتحرك كثير واسافر واحياناً اجهد نفسي مررة !
مع انو الآن عندي شغالة وبناتي الله يحفظهم كبار
بس تلاقيني طالعة نازله طوال اليوم لان غرفتي فووق
ما اركد إلا إذا شفت زوجي ابلع العافية واعقل هههههههههههههه

^_^

[سهاد-الروح]

الله يحفظهم لك بنوتاتك يارب والله البنات نعمة ...
ماشاء الله تبارك الله ام رازان بعد ايام الا وانتي جدة هههههههههههههههه
الله يحفظك وتشوفي بنات عرايس يارب ...
تصدقي انا اسمع ان اللي تولد بالثامن يموت ولدها بس ما شاء الله عطيتيني امل والامل بالله كبير ...

ربي يحفظك ويسعدك ويا زوجك يارب ....

[((ام ليان))]

مساء الخير
كيفكم اش اخباركم
كيفك يا ام رزان الحين كيف صحتك وكيف بنوتتك ان شاء الله بخير
اش مسوين اليوم نزلت السوق واشتريت كم قطعة بس

[أم رزاان]

سهاد .. ايووة بقول لبناتي حرام عليكم كبرتوني وأنا لسى في 32
وكلها كم شهر وممكن بصير جدة ^_^

ما احلاني وأنا جدة وربي ونااااااااااااااااسة هههههههههههههههههههههه



أم ليان .. أنا بخير فديت عمرك يالغالية :)
والبنوتة .. بخير والحمد لله .. أختها الصغيرة عاملتلي هيصة معاها
وربي ما ادري ايش بيصير فيها لو صار بهالبنت شيء
مررررة متعلقة فيها !!!
وحلو أم لياان إنك اشتريتي ترى الوقت بيروح بسرعة مانحس فية :)

[همسات قلبي]

كيفكم كروشات وحشتوني
قل تواجدي عشان الاختبارات الله يعين عليها

ام رزان سلامتك ماتشوفي شر

بنات امس رحت المستشفى عندي موعد قلت للدكتوره ان عندي الم
كشفت عليه طلع البواسير ملتهبه تعبتني أعطتني علاجات بس يارب الألم يروح

المهم يابطوطات
دعواتكم ان الله يوفقني ويسهل اختباراتي