تجمع لحوامل شهر جمادى الأولى 1433

[سرووءة]

اهلا فيكم كلكم
ام رزان انا بخير
الحمدلله
رحيل التشققات ماعندي خبرة لاني بكرية بس اتوقع بالسادس او السابع
بس يبدا البطن يكبر ويبين اكتر
الله يتمملنا على خير

[أم رزاان]

رحيل التشققات مالها وقت محدد ياقلبي !!
كل ماكبر البطن وماكان فية مرووونة للشد حصلت التشققات
والمفروض أننا من الثالث نبدأ نهتم في مسألة الزيوت والترطيب للبطن
عشان تكون هناك مروونة اثناء تمدد الجلد ماتحصل لنا تشققات !

[يمكـ دروبي]

مساء الخير

[أم رزاان]

مساء الورد والسعادة يمكـ دروبي
كيفك يالغالية :)

[ام جواري]

انا اهتميت ف بطني بالجوري

وكل يوم قبل لا انام احط لي كريم زبدة الكاكاو

وجاب لي الحكه بس استمريت احط زيوت وكريم

وطلع لي تشققات

هالمره زهقت مو كل يوم على النفسيه

[..ام بدر..]

رحيل..... انا بولدي كنت مررره مهتمه وادهن بطني كل ما استحمى طبعا الاستحمام يومي بعد ما اسوي وجبة الغدا ولو بستحمى مره ثانيه ارجع ادهن جسمي وكمان قبل انام لازم ادهن بطني ولا انشق ولا شقه وحده مع انو امي واخواتي تتشقق بطونهم وانا في فترة البلوغ جاني شوية تشققات في اماكن متفرقه بجسمي ..طبعا لمن اخذت من التاسع كم يوم وشفت نفسي ماتشققت اهملت ولا صرت ادهن بطني وتشقق وبعد ماشفت الشقوق رجعت ادهن يعني كان المفروض ما ابطل...لانو البطن لمن يكون ناشف ويكبر او يشد او يحجر على طوول بينشق او حتى اذا كان ناشف حكيتيه بينشق
وكمان وقت الاستحمام لا تحطين مقشر جسم والليفه اذا كانت ناعمه مرريها بشويييش بدون دعك على بطنك وصدرك واردافك...لان الليفه الخشنه والمقشر بيشقق البطن زيه زي لمن تحكين بطنك بأظافيرك

ام جواري...انا زبدة الكاكاو كمان ماناسبتني سببت لي حكه هي اصلا المفروض تسوي اختبار عالجلد قبل استخدامها...لكن استخدمي زيت اللوز وضروري تهتمي عشان ماتندمين بعدين
وفيه بنات يقولون زيت الزيتون مع اني اعرف زيت الزيتون مايرطب الجسم والدليل انه يسخدم للبشره الدهنيه لانه مو دهني زي باقي الزيوت...عشان كذا افضل الزيوت الثانيه مثل زيت اللوز المر وهذا انا اللي جربته

[أم رزاان]

صباح الورد حبايب :)

فعلاً أم بدر زيت اللوز المر ممتاز للبشرة
ولو تعصري معه ليموونة قبل لا تدهني به بيكون احسن واحسن
حتى بيفتح المناطق الداكنة
أنا بستخدمة مناوبة مع زبدة الكاكاو من بالمرز
والحمد لله لسى مافي تشققات
بس أنا بطني مررره صغير
ممكن مع الوقت يكبر لو اهملتة بيحصل تشققات

[سرووءة]

ام رزان وانا متلك
من بداية الشهر التالت وانا بستخدم بالمرز بالكاكاو
بس اخر فترة اهملت اني احطو
وللحين ماحسيت ان في تشققات
بس لازم ارجع اداوم عليه
لان مااخب بطني يصير منظرو كدا بعد الولادة

[رحيل!]

صبااح الخير

[حبيبة محمد]

صباح الخير