تجمع امهااات ذو الحجه

[غلا الرووح]

هلا زهره
الله يسهل لك ياررب

والله النونوات سهر ورضاعه
وسر طاح وخياطه وما خياطه

عقبالك هعع

طفله لاتوسوسين
يمكن التاأم جرحك بسرعه
وانتي لاجات موعد مو
راجعتك روحي وتاكدي


صحيح بنات خياطتي باقي فيها شوي اطراف الخيوط وكم عقده
ينفع اتنقع بمره والا استنى

[الصمت عشقي]

هلا زهره
الحمدلله بخير والبيبي يسلم عليك يالغلا
ربي يسهل عليك وعلى كل الحوامل

طفله
بخصوص تنشيف الحليب
روحي للدكتورتك وتوصف لك حبوب ينشف الحليب

غلا
حطي المره في فنجان وحطي فوقها شوية مويه وخليها تذوب وبتشوفيها ثقيله
بخصوص الخياطه انا طاحت الخيوط بس بلقي يمكن 2 وماافكر اتنقع بالمره الا اذا طاحو كلهم
لاني اخاف يشدو علي بعدين

*

[طفلة الورد]

غلا لا المره ابعدي عنها بعد شهر اتنقعي فيها
لانها تشد وتطيح الخيوط والجرح ما التئم ابد ما انصحك فيها

الصمت عشقي اول مره ادري انو فيه حبوب تنشف الحليب
يبي لي لا راجعت دكتورتي اقولهاا


طيب سؤال كيف اعرف ان الرحم رجع لوضعه الطبيعي والا لا ؟؟

[تناهيد الشوق]

السلاام عليكم كيفكم نفوسات
ومبروك عاتجمع الجديد وكيف بيبيهاتكم ياربي يكونو بخير انا متابعتكم بصمت بس خاطري اكون معاكم هون وياربي اكون خفيفه عليكم
و ان شاء الله تتسهل الولاده على زهره وغيبتك
وعلى اسماء النونات انا سميت لتين ربي يحفظها لي هي واختها دانه

[maroooma]

سلام يا حلوين وانا كمان عورني قلبي لمن أتقفل التجمع
حسيت أني فقدتكم والله
كيفكم اجوان وحبيبه موني وأخبار بيبيياتكم ههههه
كيفك غلا يا عسل لا تحطي شي على السره غير المسحة ولا تحمميه لمده يومين عشان ينشف
الربط انا زيك ماربطت الا بعد اسبوع ونص بس اشتريت مشد بعد الولادة من الصيدليه واحطه احيان بس الحمدلله بطني رجعت بس باقي تمارين شد. اما البشرة يااالهوووي يبغالها شغل وتدعيك مو صاحي عشان ترجع
والخياطة الله يعينك عليها انا ما شاءالله تبارك الله ما سولي توسيع ولا خياطه وصراحه مررره خايفه بس الدكتورات وسويت بحث بالنت وزوجي طمنوني انو الافضل وانو ما راح يأثر بس برضه خايفه وعلى طول اسوي تمارين كيجل وأتنقع بمره وقشر رمان وقرض
الله يستر بكره عندي موعد للدكتوره اشوف رأيها وتخليها تعاين المنطقه ههههههه
مع أني حاسه انها تمام وطبيعيه




*

*

[maroooma]

زهره الموسم وغيبتك الله يسهلكم انشاءالله

[maroooma]

طفله الورد انتي معايا ولدتي 11/11 /2011 ههههههه فرحانه بالتاريخ محد قدنا
انا الان من اول ماولدت رضعت طبيعي بس ولا مره أعطيتها الرضاعة الدكتوره ماتنصح وزوجي مؤ راضي يجيب حليب سمع كلامها انا أبغى ترضع من صدري بس برضه أبغى أديها رضعه وحده باليوم عشان تتعود عليها لانو عندي جامعه مؤ كفايه أني اجلت سنه كامله عشان الحمل وألولاده
صراحه انا مبسوطه بإرضاعه الطبيعيه مرره حلوه وتقربك من البيبي ما أنصحك توقفي رضاعه حرام عشان صحه ولدك بس برضه دخلي الرضاعة احتياط اذا احتجتي مستقبلا او اذا مرضتي لا سمح الله وما قدرتي ترضعي طبيعي

[Dado]

كيفكم يابنات

انا ضعت بس لقيتكم كويس لووول

طفله ليش تنشفي الحليب.. لو نونتك مايرضع من صدرك اشفطيلو وخزنيه بالفريزر يقعد لخمسه شهور قدام
حرام مفيد لصحته اكتر من اي شي تاني
انا للاسف حليبي كان مره قليل ويادوب كنت اشفط ويطلعله شوي و اوديه للمستشفى عشا ن يرضعو
فماكنت ارضعو ونشف بزياده ودحين عمرو تقريبا شهرين ويااادوب ارضعه مره وحده ومايشبع منها غير اديه رضاعه بعدها


المهم كيفكم مع النونات
انا نونتي اكبر واحد فيهم بس حجمو زي نوناتكم مسكين يحزن

يلا صرت خبره انا اللي تبغا تسالني اهلا وسهلا .. مصدقه نفسي

[طفلة الورد]

مروما اي انا وانتي نفس اليوم ههههههههه
والتاريخ مميز حركااات نوناتنا

دادو هلا حبيبتي والله ع الرضاعه مب راضي ابد تعبت معاه
يا يدفها بلسانه او يلف وجهو مره شايل الفكره من راسه ههههه

وياليت تشوفي موضوعي بهالقسم لو عندك خبره افيديني

[اجوان]

صباح الخييير..

انا جبت بنت سميتها صِبا..ودحين عمرها 9 ايام ..


طفله,,
ليش تنشفي حليبك مره حرام رضعي والله انا ارحم بنتي لمن اعطيها رضاعه يعني ماعطيها الا باليل لمن يكون نصي نوم او اذا جوني ضيوف بس احس مره حرام دا حقها حرام احرمها منو ,,انتي شويا شويا تتعودي..

والله انا صدري مايكفي بنوتي مع ذلك ماعطيها رضعه الا زي ماقلت فتلاقوني كل شوي ارضع عشان تشبع,,ايش في حاجه تكثر الحليب؟؟؟
انا اعرف حلبه بس امي قالت ماتاخديها الا بعد 20يوم عشان تنشف الدم..


دادو..
من جد انتي دحين خبره وماشاءلله صار عمرو شهرين اجل هههههههههه


مامات ,,
دحين انا ماامهد كويس صراحه وبنتي كل شوي تفك مهادها بس قالوا لي حريم لازم تفردي رجولها وتمهديها كويس لانو اذا ضلت رجولها مصفطه بعدين تتقوس وبصراحه خفت بس ماني قادره افرد رجولها واربطها هههههههههههههه
يعني لازم تتحرك وتفك الربط,,انتوا ايش رايكم بدي المعلومه ؟؟

ممم كمان سؤال ثاني معليش تحملوني هههه
انا مسويه عمليه متى اربط بطني؟؟
يعني انا لمن دحين مافكيت اللصق حق العمليه انشالله بكره او بعدو..