منتديات حوامل النسائية - تجمع امهااات ذو الحجه

حبيبة موني,,
الله يحفظها يارب وتين ,,كيف بالله ماوحشك الحمل ,,تتذكري لما كنا انا وانتي جملات هههههههههههه
اتذكر وانا خارجه من المستشفى ولبست عبايتي واشوف بالمرايه واقول يااااااااي مافي بطن هههههههههههه

ام سامر,,
وانتي لك وحشه والله عاد انتي ماما قديمه يلا اعطينا خبرتك هههههههههههه

بالنسبه لاكشن ولادتي :

الولاده جاتني فجاه ولا ليلتها كنت افرفر في رد سي مول انا وزوجي وشربنا كوفي ومو حاسه باي شي وعالفجريه سبحان الله بديت احس بالطلق وطنشت الموضوع قلت اكيد من برد المكيف واسحب مخدتي واطلع لغرفه دافيه بس لازلت احس بالطلق ..

برضو طنشت الين بزقت الشمس وعدت ساعه من بزوغها وساعتين وزوجي صحى وحس فيني شي ويقولي نروح المستشفى قتلو لا مافي شي بس برد .. طبعا كنت اقول بس برد لان العالم تقولي الطلق زي الم الدوره وانا اعرف الم الدوره خبره ماشالله بس اللي حصل ان الطلق شي ثاني يختلف عن الدوره عشان كدا ماميزت
بس حسيت الوضع مو طبيعي واروح الحمام والاقي دم وطلعت عند زوجي واقولو دم وابكككككي حسيت الموضوع من جد ,,ويقولي نروح المستشفى وانا ابكي واقول لا ماابغى والله كل ماافتكر دا الموقف احس اني عبيطه ههههههههه بس لا احد يلومني لانو فجاه جاني خوف فجاه ابغى اشوف بنتي وفجاه اقول اش خلاني احمل فجاه اقول ليت امي عندي مدري مشاعر كثير جتني فجاه,,

المهم لبست ورحت المستشفى الساعه 9 الصباح ويدخلوني غرفة الولاده ويشبكو التخطيط وطلع في طلق ويجي الدكتور يكشف قال 2 ونص مفتوح ,,
والين الساعه 12 وانا طلق وعالساعه وحده جت دكتوره ثانيه تكشف لقت 3 بس..
قتلهم اعطوني ابرة الظهر قالوا اول لازم يجي دكتورك يشوف اذا وضع ولاده ولاترجعي البيت
وبعدها نسوي تحليل دم ويجلس نص ساعه الين تجي النتيجه وبعدها يعطوني ابرة الظهر والمشكله كان وقت صلاة جمعه ويلا لازم انتظر دكتوري الين يخلص صلاة ,,قلت اللله يصبرررررررررررني خصوصا انو الاستفراغ هلكنننننننني وانا اصلا بس اكلت ثلاث تمرات يعني بطني فاضيه احس معدتي حتطلع كل مره ,,

المهم ويجي دكتوري ويشوف وضعي ويقول خلاص اكتبوا لها دخول ويلبسوني لبس المستشفى وتحليل وبعدين ابرة الظهر او بالاصح ابرررر الظهر ,, قسم بالله انصدمت احسب ابره بظهري وبس طلعت سالفتها سالفه ابرة الظهر دي عشر دقايق او اكثر وانتي منصفطه على بطنك ويركبوها وياويلك تتحركي

بس الحمدلله بعدها اررررررررررررررررررتحححححححححححححححححت وصرت العب انقري بيرد بجوالي مع انو كان فيني استفراغ من وقت لوقت..

المهم وتجي الساعه 4 العصر ويجي الدكتور يقيس تخيلو 3 سم
يعني من 3 الفجر الى 4 العصر ولسا 3 سم حسيت باحباااااااااااااااااااااااااااااااااااااااااااااا ااااااط

المهم واجلس الين 9 اليل ولسا 3 سم
قال الدكتور طلق صناعي يمكن يفتح الرحم ويعطوني طلق صناعي ومن شدة الطلق الصناعي صرت احس فيه بس على خفيييف حتى مع ابرة الظهر ..
والممرضه تراقب النبض ,,شوي شوي بدا يقل نبض البيبي قال الدكتور لو تكرر مره ثانيه بنضطر عمليه لانو الرحم عندك مو راضي يفتح,,
والين 10 اليل ولسا 3 سم والنبض بدا يقل ,,قال الدكتور خلاص يلا عمليه ويجيني زوجي يقولي عمليه قلت سووا اي حاااااجه خلاص انا وقتها تعبت انهد حيلي الغاز اللي يحطوه بالخشم يتعب واذا جيت افكو يقولو لازم عشان البيبي هذا وغير الطلق الصناعي يهري حتى لو ابرة ظهر واستفرااااااااااغ قتلو خلاااااص تعبت تعبت,,
ويزيدو جرعة الابره الين ماعاد صرت احس برجولي ويدخلوني غرفة العمليات وحطو ستاره عشان مااشوف وفوق راسي دكتور البنج ودكتور الاطفال ويسولفون في الحياة وامور الدنيا وانا صاحيه واسمعهم هههههههه
شوي كدا الا اسمع صوت بكاء بنوووتي حبيبة قلبببي ويلفوها ويجيبوها لي ابوسها وجلست ابكككككي الحمدلله لك يارب
وتخيلوا لقوا المشيمه منفصله والبنت متبرزه على نفسها يعني حاله

وبس ودوني غرفتي وعلى اخر اليل جابتها لي وحطتها على صدري شوي وبعدين اخدتها للحضانه ونمت بسلام بالرغم من الم العمليه والبنج بس الحمدلله يارب على نعمة الاطفال الله لايحرم احد منها ياااااااااارب

بس مره كويس ولدت عند زوجي جلس معايا وحس بتعبي وبصراحه وجودو دعمني مره..
صحيح لو امي معايا كان احسن بس مره حلو لمن زوجك يحس بتعبك..

بس في حاجه تضحك لمن رجعت بيتي بعد المستشفى والاقي كل شي بحالتو لمن رحت الشرشف والمخده في الغرفه الثانيه لمن حسبت انو بس برد وانتقلت للغرفه الثانيه عشان دفا بنفس بمكانهم ماحد حركهم وملابسي اللي فصختها زي ماهيا بمكانها ههههههههه