رحت أشتري ملابس العيد وبعدها؟؟؟؟؟؟؟؟؟؟؟بفضفض

[حوريه السعوديه]

بسم الله الرحمن الرحيم

السلام عليكم ورحمة الله وبركاته

بنات ابي بس أفضفض لكم وش صار معاي أنا وزني 82.2كغ ولما رحت مع زوجي أشتري ملابس العيد كلما لقيت تنوره تطلع من عند الفخوذ ضيقه ( أنا سمنتي بس فخوذي ومن الأبر المنشطه زاد وزني وبرزت المؤخره والكرش) والله أنقهر لدرجه أقول مابي تنورات وكلما لقيت تنوره ويطلع مافي مقاسي زوجي يقولي أنتي يبيلج تفصال مافي مقاس لحجمج أنتي وكرشتج وربي يابنات هو يقولها غشمره ومزح بس أنا احسها طعنتني وربي دمعت عيوني بالسوق وهو مادرى عني أحس أنه غرز شي بصدري وأهانني بعدين مو أول مره يقولها لي وكل مره أدري أنها مزح بس أنا أموت

أدري أن زوجي يموووووووووووووووووت فيني والحمدلله بس كلامه ومزحه جرحني كرهت أشتري ثوب العيد بسببه وماني رايحه اشتري شي خلاص

أسفه طولت عليكم بس قهر

[نور منوره]

لاتشكي لي لابكي لك

بس اوعدك بحول الله وقدرته اضعف والقى احلى البس لي بالعيد

<<< ياااااااربي ياربي تضعفنا بصحه وعافيه

طيب موب لازم تنوره اجسامنا يبي لها نظام العلاق ثوب كامل وبلوزه قصيره
احس كيذا احلى مدري يعجبك او لا بس حبيت اشاركك همك وربك يفرجها يارب

[ام ارجواااااان]

صح مو لازم تنوره
في كثير موديلات مناسبه للوضع
حاولي تدوري وبتلاقي
ولا تتعقدي ترى السمينات كثااااار
الله يوفقك يالغلااااااااااااااا

[فوق مستواااك]

لاااا تشكي لي... وربي اني اليوم بس مزح زوجي هالمززح .. بس اتفقت انه يساعدني ع تنزيل وزني.. وبصراحه فيه تنانير تغطي ع الجسم او زي ماقالت اختي ثوب علاقي كذا احسسسسسسن.. والله يساعدنا ونضعف ياااااارب

[أخفي غلآه]

عادي حبيبتي لآ يضيق صدرك ولآ شي
في كثير أوزآنهم كبيره ويلبسسون ويتكششخون
أنتي حآولي تنزلين من وزنك شوي قبل العيد
وفيه اشياء كثيره غير التنورآت عندك بنآطيل وبلوزه نآعمه وطويله
وآلله ينحفنا من غير شر

[حوريه السعوديه]

الله يجبر بخاطركن ويسعدكن وربي ضقت حاولت أخذ فساتين بس مادري اللي خلا زوجي يقول جذي شاف تنورة وأعجبته هو وقالي لازم تاخذين هذي لانها حلوه وعليج احلى بس لما اخذت اكبر مقاس طلع ضيق وهو كان متحمس يبي يكون ثوب العيد على ذوقه هو بس من شافه قال هالكلام
:( وربي قهر

[العطر الفرنسي]

حبيبتي عفكره لو نحفتي كتير يمكن زوجك مايحبك مو كمشاعر كعلاقه ....

والرجال مايحبو النحيفه كتير يحبوها دبدوبه شوي..
إنتي بس بس إنحفي شوي والله يريح بالك ...

[حوريه السعوديه]

تسلمي حبيبتي العطر أنا مو موسمينه مره بس زايده شوي والله حاطه النحف براسي وأن شالله نضعف من غير شر

[العطر الفرنسي]

المشاركة الأصلية كتبت بواسطة حوريه السعوديه

تسلمي حبيبتي العطر أنا مو موسمينه مره بس زايده شوي والله حاطه النحف براسي وأن شالله نضعف من غير شر

ياااااااااااارب بالشهر الفضيل ننحف فوووق ال20 كيلووووو يااااااااااااااااارب أمين ..
طبعا من غير شر

[ام دحومي]

ياقلبي ياحوريه لاتشيلي هم
اذا عالوزن مع رمضان مره ينزل لانك بس على وجبتين والحلى بلالاااااش منه مررره
واللبس حاولي تدوري باكثر من مكان او روحي محل المقاسات الكبيرة ترى عندهم اشياء حلوه وشيييك