تجمع كيف تقضين وقتك في المطبخ بشهر رمضان

[التفاحه الحلووه]

عالي عند اكله مره حلوه سهله ويحبه الكبار والصغار
هيه تجيبون رقاق تقصونه 3اقسام وتجيبون جبن كيري وتحشون كل قسمه
وتلفونه زي الاصابع وتقفلونه بعجينه وتقلونه وتنحط عليهاشيره تتطلع روووعه
واسمه اصابع الجبن

[العاااالي مستواها]

سيدة الغرام ربي يجمعك بزوجك في القريب العاجل باذن الله يارب ياكريم0

التفاحه الحلوه هذي اصابع الجبن وكمان اسويها بالتمر مع القرفه تصير اصابع مشكله بالجبن بالتمر تقلى في الزيت وتصب الشيره عليها عيالي يحبونها بالمررره

[كل الحلى]

بنات حابة أسألكم الحين أنا حابة أسوي معجنات وفطاير برمضان
يصلح أسويها قبل رمضان وأفرزنها وإلا لا ..؟؟
وإذا يصلح كيف طريقتها
:)

[العاااالي مستواها]

ايوه ياعسل تصلح تسوينها

[يمكـ دروبي]

مشكووووووره العالي على الموضوع الرائع يا الغلا ..

بما انو اول رمضان لي مع زوجي ..
ان شاء الله اذا صرت اجهز للسحور اصلح الحلا .. عشان يروح شيء..
واذا صحيت الظهر ادخل المطبخ وابدى بعجينة السمبوسه وبعدها اصلح الشوربه على بال ما تخمر العجينه ..
اذا خلصت الشوربه ابدى في السمبوسه او الفطاير ..
واصلح اصابع الجبن زوجي يموت عليها ..
واصلح اي صينيه للعشاء ..
خضار .. مكرونه .. وما ننسى السلطه ..
اجهز التمر واصلح العصير
اخرج من المطبخ على اذان العصر اصلي واقراء قرآن وابدل ملابس واتكشخ هههههه
وقبل اذان المغرب بربع ساعه اصلح القهوه واجهز الفطور الاول /
الي هو قهوه وتمر وزبادي او قشطه ...بس
نصلي المغرب واجهز الفطور الثاني /
بيكون صينية مكرونه او دجاج او خضار ..
والسلطه شيء اساسي عند زوجي .. وما ننسى العصير والحلا ..


السبب في ان الفطور الثاني يكون بعد المغرب على طول ..
عشان يجي وقت الصلاه والاكل قد انهضم والواحد يعرف يصلي

بعد التراويح تبدى الزيارات ..

[العاااالي مستواها]

ربي يسعدك يمك دروبي ويجعله شهر خير وفرحه عليك ياعسل

[xRano0x]

ماشالله يالعالي متميزه داااائما في طروحاااتك
جعله الله تجمع خير ورحمه
وبارك لكم في رمضاااان شهر الخير والقرااان


انا بالنسبه ليا من عشاق المطبخ ولكن مين يغسل المواعييين هع هع هع ازعجتكم بمواعيني موو ؟؟؟
الموهم رمضان من احلا الشهور انا اقضي 3 اسابيع ببيتي وكل ويك اند من هالاسبوع اقضيه بجده مع اهلي واهل زوجي وجمعات ماشالله والاسبوع اخير كللو يكون بجده والسالفه اسواق ودونيا بس حتى لمى اكون بجده بما انو الاصناف كتيره ف يشطرط وجود صنف مني ماشالله اهل زوجي يعشقو طبخي ف يطلبو انو اعملهم شي صنف وفعلا مايجي صلاة العشا الا وهو مخلص هادا ادا رجع شي منو في الفطور هع هع وزوجي كمان يفضل طبخي ف يجيبلي طلبات صينيه معينه اسويها من العصر عند اهلو والحلا معروف اني توب فيه واحب الحلا مووت
امما ببيتي ف اصحى س 3 العصر واسوي الشوربه واجهز لحمة السمبوسه واما اضيف بيض او بطاطس معها بس البطاطس افضل واحلا واسوي العصيرات واجهز طلبات الحلا واروح اصلي العصر واقرأ قرااان وطبعا من اليوم اللي قبلو اكون مخططه شو الحلا وشو الصينيه اللي راح اسويها او الطبق الرئيسي ف لما اصحى اكون مرتبه كل شي ف تكفيني ساعتين اجهز فيها كل الاطباق واشوف خواطر وانا مجهزه كل شي بس يخلص اعرف انو بيأذن ف ابدأ انزل الشوربه وما يتبعها طبعا طريقة ترتيب اصنافي لازم يوميا يكون فيه شوربه وتمر وسمبوسك وطبق رئيسي جامد وحلا ومقبلات بس التنويع هو اللي يتغير لكن ترتيب الصناف نفسو
طبعا الفطور الاول قهوه وتمر وكل واحد له صينية شوربه بالدجاج ومااااء ونصلي المغرب واجهز السفره التانيا واحنا نتفرج التي في والسفره التانيا تكون كل الاطباق الباقيا اللي ذكرتها وعاد رمضان ما نشبع بعد ما نشيل السفره التانيا يكون وقت الراحه يا ننام يا نقضي الواجبات الزوجيه خخخخخخخخ وبعدها نصلي العشا وزوجي يصلي التراويح انا مو كل يوم الاغلب اصلي كم ركعه واجلس ع التي في وبعدها يا يروح زوجي يلعب كوره لانو من عشاقها او نطلع نشم هوا او نجلس نشوف التيفي وكمان انزل سفره تانيا ع الساعه 11 يعني تصبيره والساعه 3 السحور يكون جاهز عشان يمدينا نشرب شاي او عصير ويمدينا نقضي فتره زوجيه وناخد دوووش عشان نقطع الامل للشيطان انو يخرب صومنا هع هع
وبس اقرأ قران واصلي الفجر واكمل قراءه حتى يجيني النوم واخطط لليوم التاني قبل ما انام حتا اكون مرتبه نفسي وبس هادا يومي ويا حلاتك يارمضان

[xRano0x]

والله اتري كلامي كتييير هع هع

عموما ان شالله من اول رمضان اجيكم واسدحلكم انواع الاصناف اللي حطيتها ع السفره وونكتب يومياتنا في تجمع العااالي فديتها

[العاااالي مستواها]

هههههههههههههههههههههههههههههههههههههه

طارت عيوني يارنووو من اللون الحمر ياعسل

ربي يدخل عليك الشهر بالسعاده والفرحه يارب

وكلامك عسل ياعسل

[عقد لؤلؤ]

تجمع أكثرررررررر من رائع غاليتي العالي مستواها

أما بالنسبة ليا فأحنا لنا رمضانين نستأ<ر فندق جنب الحرم وناكل من بوفيه الفندق

طبعا لأنو في الفنادق مافي لا طبيخ ولا نفيخ ومريحة نفسي

لكن رمضان هذا جييييت عند أهل زوجي ومدري كيف بيكون صراحة

لكن أكيد بسوي معاهم صنف ولا صنفين والله يعينني لأني أنا صارحة مو قد كذا في الطبيخ هع هووع