@@ملف تبااادل وصفااات طعااام طفلك,,الكل يشاااارك @@

[ليتني]

المشاركة الأصلية كتبت بواسطة كراميل زوجي

ياجماعه دخلت ابني 4 شهور أش ابدا اكله
أنا احيانا اشربه عصير برتقال مخفف واكله تفاحه ربع حبه واذوبله تمره لحد ماتذوب وأهرسها له وااكله افكر إديه مهلبيه بس كيف طريقتها بالمقادير ؟؟؟؟
ياجماعه حابه إديه سيريلاك بس رحت امس السوبر مالقيت الا سيريلاك بالقمح والعسل او القمح والتمر او بالفواكهه ومكتوب عليه من 6 شهور
أش اسوي إديه ولا لا ؟؟؟*

طبعا من بعد اذن صاحبه الموضوع
الحين اختي كل الاطعمه الا بالصيدليات مكتوب عليها ابتداءا من الشهر السادس
لكن البعض منهم يؤيد الاكل من الرابع والبعض لا
انا ابتديت مع بنتي من الرابع بأرز ميلوبا وطبعا منقوع التمر
وبسكويت تبع الرضاعه او بسكويت فارليز
وسيريلاك بس بكميات بسيطه طبعا بالبدايه
وكلتها تفاح مسلوق وكمان موز وعصير تفاح مخفف وعصير برتقال مخفف
زبادي بس انا ما وكلتها ماكنت ادري ان عادي

هذا الا عندي

[كراميل زوجي]

طيب افتكرت حاجه
المهلبيه نسويها بالنشا ماتسبب امساك اعرف ان اللي عندهم اسهال وانتوا بكرامه يدوهم نشاء ويوقف

[ليتني]

المشاركة الأصلية كتبت بواسطة كراميل زوجي

طيب افتكرت حاجه
المهلبيه نسويها بالنشا ماتسبب امساك اعرف ان اللي عندهم اسهال وانتوا بكرامه يدوهم نشاء ويوقف

سويها بالكاسترد أو طحين الارز
وقت الامساك سويها بالنشا مغذيه ومفيده
الطريقه:

ربع كوب ماي + ملعقة صغيرة من البودرة سواء كسترد أو نشا + ملعقة كبيرة حليب بودرة اللي تحبين سواء نيدو أو تبع الرضع + سكر نبات أو تمر حسب الرغبة + كسرة صغيرة زبدة ( المقادير للإستعمال الواحد وبدون إسراف )

أولا تخلطينهم قبل لا تحطينهم ع النار بره لحد ما تذوب المحتويات بدون الزبدة ، ومن ثم حطيهم ع النار لين ما تشوفينه صار ثقيل خلاص طفي النار وإرمي الزبدة وقلبي الخليط وبالهناء والشفاء

تقدرين تضيفين له ملعقتين زبادي فواكه أول ما يطلع من النار ( مذاق رائع وقيمة غذائية أروع والطفل على طول يقبل ع الطعم )

طريقه ثانيه:
شوية ماي مع ملعقة حليب صناعي + 2 ملعقة كاسترد وتحطينهم بالنار لين ما يغلظ وع طول على الخلاط
مع نص موزة مهروسة عشان يكون حلو



طبق مهلبية الجزر بالبرتقال
نعصر برتقاله ونخلطها بالخلاط مع جزره مسلوقه
ونحط الخليط على النار لدرجة الغليان
بعدين تيبين النشاء وخلطيه مع ماي بارد لحد ما يذوب الخليط
صبيه على خليط البرتقال والجزر مع التحريك عشان ما يتكتل
لحد ما تشوفيه بدا يتجانس

[ليتني]

حبيبتي فيه غلط
وقت الامساك سويها بالكاسترد مادري شلون نزلت تحت

[كراميل زوجي]

لخبطت : يعني اذا عنده امساك اسويها بالكسترد ؟؟؟

[ليتني]

اي اختي
سويها بالكاسترد

[فـجر]

رز بالزبادي
رز نسويه ع النار لين يصير لين مرهـ
نحطه في الخلاط بعدها نحط وياهـ زباي
وبس .. يقولون أنها تسمن الطفل

[جنون بيبي]

اختي ليتني بسالك الحليب اللي تحطينه مع الموز والشوفان والرز المصري ..

ايش ؟؟
حليب الطفل نفسه والا نيدو والا ايش ؟؟

[*يارب فرجك*]

أنا بنتي عمرها خمس شهور هل يمكن أعطيها زبادي ومن اي نوع يعني كامل الدسم او قليل الدسم وكم الكميه

[ليتني]

المشاركة الأصلية كتبت بواسطة جنون بيبي

اختي ليتني بسالك الحليب اللي تحطينه مع الموز والشوفان والرز المصري ..

ايش ؟؟
حليب الطفل نفسه والا نيدو والا ايش ؟؟

هلا اختي مسامحه على التأخير
كنت استخدم حليب الاطفال بس من دخلت بنتي الشهر الثامن بديت احط الحليب العادي المراعي