قررت اسوي اطفال انابيب.... أبي مشورتكم

[ميووووسه]

السلام عليكم ..شخباركم؟؟
بأدخل في الموضوع مباشره
أنا متزوجه من ست سنوات وربي ماكتب لي حمل حالتي الصحيه معقده شوي باشرحلكم المختصر


((انا اعاني من مرض كرونز (التهاب مزمن في الامعاء) سويت من ست سنوات عملية الزايده ومانجحت ظل الجرح مفتوح خمس شهور
وسويتها مره ثانيه والحمد لله تقفل الجرح وألتأم
بس من يومها وانا اعاني من بطني والقولون شديد حالتي بين اسهال شديد او امساك وتطريش وانتو بكرامه وانسداد في الامعاء

++بعد سنه من زواجنا زوجي حلل وطلع معه عدد المنويات قليل واعطوه فيتامينات والحين الحمد لله تمام

++وانا عملت اشعة الصبغه لان بعد العمليه صارلي التصاقات والحمد لله الانابيب مفتوحه

++وقتها كتبولي كلوميد ومن يومها صار معي كيس بالمبيض اليمين وكتبولي مانع الحمل واستمريت عليه صغر الكيس بس ماراح فقرر الدكتور نبلش كورس ابر

++استعملت ابر جونال شهر وماصار استجابه واستعملت دبل الكميه من ابر جونال وصار فرط استجابه

ووقتها وقفت علاج عشان اتفرغ للجامعه

تخرجت وارتحت وقررت اتعالج من جديد وسويت كامل الفحوصات والتحليل انا وزوزجي سليمين الحمد لله

++سويت تلقيح صناعي بس لله الحمد والمنه على كل شي فشل التلقيح

++ماانسى بين فتره والثانيه اروح للمعالجات الشعبيات للتمرخ تقريبا اربع مرات نهب فلوس ع الفاضي الله المستعان ))


*****الان طفح كيلي من كل شي وقررت اسوي انابيب بس مو عارفه من فين ابدا واحسن عياده بالدمام او الخبر ؟؟ناس تمدح المانع وناس سمير عباس ؟؟
محتاره كثيرررر

*طبعا سعد التخصصي شايلته من بالي لان اسعاره ماتناسبني

اعتبروني اختكم وانصحوني

[أحلم بطفل]

ارسلي حالتك ع حساب دكتور بيفدك https://www.instagram.com/dr.abumarar/

[ميووووسه]

المشاركة الأصلية كتبت بواسطة أحلم بطفل

ارسلي حالتك ع حساب دكتور بيفدك https://www.instagram.com/dr.abumarar/

يعطيك العافيه ارسلت له استفساري وان شاء الله القى الجواب الله يجزاك الجنه ويرزقني وياك

[بحــ العيون ــــــــر]

ما عندي علم يا الغلا

والله يشفيك يارب ويسهل امرررررررررررررررررررك

والله يرزقك ويرزقني وكل محروم

[ميووووسه]

المشاركة الأصلية كتبت بواسطة بحــ العيون ــــــــر

ما عندي علم يا الغلا

والله يشفيك يارب ويسهل امرررررررررررررررررررك

والله يرزقك ويرزقني وكل محروم

اللهم امييييين الله يجزاك الجنه ع الدعوه الحلوه

[Fatima 14]

الله يرزقك أختي ويسعد قلبك بالذرية الصالحة

[ميووووسه]

المشاركة الأصلية كتبت بواسطة Fatima 14

الله يرزقك أختي ويسعد قلبك بالذرية الصالحة

اللهم امييييين تسلم اختي

[" ملاك "]

ليش ما تسويها بالحكومة جربي
والله يسهل امورك يارب ويرزقك الذريه الصالحة

[ميووووسه]

المشاركة الأصلية كتبت بواسطة " ملاك "

ليش ما تسويها بالحكومة جربي
والله يسهل امورك يارب ويرزقك الذريه الصالحة

رحت مستشفى الولاده بالدمام وحولوني للرياض بس هيئة الاطباء رفضو تحويلي مدري ليه

عشان كذا قررت اسويها بحسابي الله يسهل الامور سمعت انها مكلفه

[أم حمودي وعبودي]

اتوقع رفضوا حالتكم عشان انتي سليمة وزوجك سليم

إن شاء الله ما تحتاجي لهم وتحملي بدون علاج