اكشن ولادتي بعبادي

[حرم رامي1]

السلام عليكم ورحمة الله وبركاته
اليوم بحكيلكم قصتي
بولدي عبودي
اللهم لك الحمد كما ينبغي لجلال وجهك وعظيم سلطانك
الحمدلله ولدت يوم11/7
يوم الجمعه
طبعا انا بكريه والتاسع رحت عند اهلي وزوجي في مدينه ثانيه
المهم تعبت من الثقل ورحت مراجعتي مع زوجي المهم قالت لي الكتوره 3سم وانا خايفه ماحس بوجع ولاشي قالت اشربي خروع واعطتني ادويه ما اخذت منها بس اخذت الخروع ولافاد
رجعت لها قبل مع زوجي قبل يسافر وقالت 2سم قال زوجي غريبه كان 3 ليه 2 تلخبطت الدكتوره وسلكت لنا قال زوجي متى تولد قالت اذا تبغاها اليوم نولدها اليوم انا كنت ورى الستاره واسمع بغيت اموت في مكاني كيف؟؟ وزوجي قبل يتوعد فيني ينومني يلعب علي ويوم سمعته صدقت انا طلعت له كذا مفجوعه واشر له طييييب اوريك المهم ضحك قال بس انا حاب امشيها المهم سافر وجلست اسبوعين الثقل والهم والتعب وكل شي شربته ومشيت
المهم قلت لزوجي تعال ابغيك تجي بنسوي ليله رومنسيه هههه
المهم قال طيب وانا اتجهز له ونسيت التعب وجاني في الليل يوم الخميس المهم ورحنا الفندق ومرت الليله والصباح بعد الاحم احم انسدحت قلت بريح وهوه قال بنام لحد صلاة الجمعه قلت طيب ويجيني ذاك المغص وانا اناظر وش ذا قلت يابنت نامي هذامغص كذبي ورجع لي وكان منتظم المهم قمت تحممت بمويه دافيه واقول يوه شكله صدق ايش اسوي واخرج اصلي الظهر واقرا سورة مريم ولاصحيت زوجي للجمعه خفت يروح واولد وجالسه اسولف واتس مع صاحباتي واقولهم المهم قالو صحي زوجك وصحيته وتحمم وصلى قال يالله المستشفى قلت لا ابغي اكل قبل لاروح تسمع كلام عمتها هههه جاب لي حليب دافي وكرسون قال كلي وبروح اجيب لك اكل اخاف تولدي ومايمداني المهم كان مختبص يوم جا وهو يزيد الوجع اذا جا بكيت والاكل في فمي واذا راح اضحك واسولف ههه
المهم اتصل على امي كانت تتمشى وجات طيران ومسرعيين
انا دخل الطوارئ وكان في واحد يقول لاتوقفون هنا وزوجي يقول ولاده وهوه يقول لا المهم طنشه زوجي قال تعالي وادخل عند اردنيه كشفت علي يابنات يوم كشفت شفت الموت جالسه تلف في يدها جوايه وانا اطلق ذيك الصيحه قلت ما ابغي خلاص اولد قالت عيب يابنتي صوتك الرجال برا انا استحيت قلت طيب قالت 4ولاده وانزل وابكي بصمت جات امي سلمت عليها كانت مرتبكه بعد عمري وطلعت على السرير وغيرت لبسي ودخلت الحمام الله يعزكم وامي تكلمني من ورا الباب تقول لاتقفلي يالله اطلعي لاتولدي انا انربشت واطلع على السرير اذاجا الوجع اخذ شهيق وزفير ولا اصيح الان الدكتوره قالت الصياح يقفل الرحم قلت اتحمل ولا يسكر وجات الممرضه قالت فكي رجولك قلت لي قالت حط دواء قلت ايش هذا طلق صناعي قالت لا هذا وسع رحم زين المهم ضحكت علي واعطتني تحاميل طلق وانا عندي خبره من القصص في النتدى بعد ماخلصت قلت هذا طلق صح قالت ايوه وانا بغيت اذبحها المهم ويزيد الوجع علي وارجع كل اللي اكلته وجات اعطتني ابره للترجيع وامي معي فديتها ساكته وتدعي جننتها معي اذا غطت وجهها اقول امي اكشفي وجهك تقول في رجال وانا الا تكشفي هههه مدري وش صارلي مع الوجع طلبت ابره مسكنه واعطوني كنت انام واصحى على الطلق كنت احس اني بطييييير من فوق السرير والممرضه تجيب الهم تقول امشي قلت ماقدر ادوخ ولا اقدر احس بشد المهم سدحوني قالت نامي على جنب وانا انام على جنب وانام واصحى المهم جات حطت لي منظف اللي في الشرج بعد مافتح خمسه المهم واحس بشي يسيل انا احسب اني اسويها على نفسي وانط من فوق السرير واسحب في المغذي امي تقول ايش فيك قلت سويتها يافضيحه وامي تقول لا لا مويه هههههه
رحت الحمام جري كل شايله هم الريحه خفت اوسخ
المهم واروح الحمام وتجيني طلقه في الحمام وادف من نفسي وامي تصيح اخرجي اخرجي لاتولدي المهم خرجت وانا ادوخ احس فوق راسي عصافير تدور وقالت امي امشي وانا امشي اخلاقي زفت وصلت معي والممرضه وراي بفوطه ههههه قالت خذي مدام قلت هاااااذي ليش نسيت انه حان استخدامها ههههه المهم حطيته بين رجولي مالي نفس في شي والممرضه ماتجي تكشف الا معي طلق اقله بس انتظري تروح الطلقه وهيه معصبه علي
وانا امشي جاتني رجفه وامي تسمي علي وانا اصيح رجعووووني السرير وكشفت علي ممرضه عسل قالت 8
انسدحي ماما على جنب وانسدح الا خلاص مقدر واصيح تعااالي وجات قالت تسعه يالله ولاده قالت امشي قلت مقدر قالت الا تقدري تشوفي بيبي يالله ماما كانت عسل وامشي معها وصلت الغرفه الولاده كانت ورديه واتفرج فيها واسولف وين اللي كانت مجننه العلم برا
قالت يالله انسدحي حطي رجولك على الاعمده وكل طلقه ادفع وادفع بس ماش المهم جات الدكتوره وجلست وتسولف وانا ادف المهم قلت طيب واصرخ ذيك الصرخه لين قامت ولبست وجات عندي دفي دفي ووحده فوقي تظغط قالت بحط لك ابره قلت طيب المهم شقوني من تحت بعدها مدري عن شي الا يوم طلعو ولدي صحيت قلت ولدت قالت ايوه قالت الحمدلله اللهم لك الحمد وطخ مدري عن نفسي صحيت في غرفه وامي عندي ورحت غرفه ثانيه وشفت ولدي والحمدلله كل شوي احمد الله ماني مصدقه واطلع في بطني ههههه
واليوم الثاني طلعت
شرف عبودي الله يرضى عليه دنيا واخره ويرزقه الرزق الطيب المبارك
سامحوني طولت عليكم

[سنيوريتا آني]

الف مبروك والف حمد الله على سﻻمتك وسﻻمة مولودك جعله الله من مواليد السعادة

[قلب الاميري]

ههههههه الصراحة صدق حسيتج عانيتي بس يلا كل شي يهون لعيون البيبي .. والحمدلله على سلامتج وسلامة ولدج ^^..

[الماسة26]

الحمدلله على سلامتك والف الف مبروك يتربى في عزك إن شاء الله

[دلوعة بالحيل]

الحمدلله على سلامتك و سلامه عبودي
يتربي بعزكم و الله يجعله من الصالحين
و الفال لك منتظره الحمل أن شاء الله

[صمتي شوق]

الف نبرووووك الحمدالله على سلامتك

يتربى في عزك

[zainaby]

حمد لله على سلامتك و يتربى بعزك .. الله يبلغك فيه

[ورد جوري82]

الحمدلله ع سلامتك ونونو
وعقبالي يارب اولد طبيعي وولاده ميسره

[dr.loly]

الحمدلله ع سلامتك
والله يحفظه لك

[دانة العراق]

الحمد لله على السلامة غلاي
وان شاء الله يتربى بعزكم عبودي الله يحميه