تكفووووون ساعدوني وعلموني تراني جاهله

[$حبيبة زوجي سطومي$]

مساااااااااااء الخيررررر
صباح النورررررر
اشكر كل وحده دخلت موضوعي
وتكفون ساعدوني لاني تعبت من التفكير
استفساري عن افضل مستشفى بالرياض اقصد اي واحد الجامعي او الشميسي افضل من ناحيه الولاده والنظافه والعنايه بالطفل
انا اول مولود ومااعرف شي
وكلن يمدح لي الجامعي
واللي يمدح الشميسي
انا ودي بخاص بس للاسف زوجي مايقدر على الخاص
تكفووووووون علموني اللي ولدت في احد هالمستشفى وش رايها او تعرف وحده جربت الولاده فيه خاصه الجامعي
وهل يخيطون خياطه تجميليه والا خياطه عاديه بس
هل اقدر اطلب خياطه تجميليه هل يسوون
وتنصحوني اسويها والا لا
ناس يقولون مولازم لانه اول واحد
وناس يقولون لا خيطي افضل عشان ماتتوسعين اكثر
وهل يدخلون الزوج معي غرفه الولاده ابيه يدخل تكفووووووووون بجد شوي وبصيح وبنهااااااااار
انا من حملت وانا اراجع عن دكتوره بشغل زوجي
هل تنصحوني بدكتوره معينه بالجامعي وهل اقدر اطلبها وقت الولاده والا تولدني اللي منوابه معي
تكفووووون والله خايفه مااعرف شي

[rose]

حبيبتي انا ماصارلي ورحت هالمستشفيات وان شاء الله البنات يفيدوك
بس انا اعرف ان المستشفيات العامة ماتسوي خياطة يخلوك كدا بدون خياطة

وعن زوجك ماعتقد يخلوه وافضل بصراحة ترى المنظر بججججججججججد ممكن الرجل تو ماتش عليه مايتحمل لان بيخرج منك دم وسوايل وممكن الرجل يجيه مسالة مادري صده نفس
انا ما اؤيد دخول الزوج اثناء الولادة معليش ينتظرك برة افضل
لان صارت لوحدة اعرفها بخاص وخلوا زوجها يدخل وهو مبسووووط وداخل يصور بالفيديو يوم شاف اللي طلع من زوجته
ع طول طلع وماتحمل
وتقولنا صارت له فترة مو بسيطة مايقربها حاس بقرف
وهم معذورين مابيعرفوا او ماهم متعودين زي الحريم ع الدم شهريا تجي فجااااااااااأأأأأة ويشوف الدم والكيس والمشيمة اعتقد صعبة شوي

[بوح المشاعر]

هلا بك أختي

الله يتمم عليك

بصراحه ماعندي خلفيه بس مأحبيت أدخل الموضوع ولأارد

أنا أتابع بمستشفى تابع لعمل زوجي بقوى الامن وصلحوا لي خياطه تجمليه من غير مأطلب
وبصراحه مأحب ان الزوج يدخل مع زوجته


بس تاكدي الولاده تسخير وتسهيل من المولى

ربي يكتب مكان لك فيه خيرا

[نلي خانم]

ماعندي خلفيه والله يسهل لك الولاده الطبيعيه السهله الميسره والدكتوره الطيبه

[ملكه جوري]

والله ماعندي خلفيه ياغلاااا
بس نصيحه مستشفى خااااااااااااااص لا
من ناحيه الزوج باذن الله مادخل الا وزوجي معي
عشااان يحس بتعبي واهواه والله مستحيل يتركني
لانووو شاايف توني في الابدايه واحسني بموت
والدكتوره تقوولي غلط تحملي انتي صغيره
اذا كانتي تحت العشرين وزوجك حاب يدخل مشوف مانع
تحياااتي قلبوو

[$حبيبة زوجي سطومي$]

مشكوووووورين حبايب
مشكوره اختي روز
ومشكوره اختي بوح بس قوى الامن لازم واسطه او ان زوجك يشتغل عندهم يعني لو رحت مراح يقبلوني لان زوجي مايشتغل عندهم ولا عندي واسطه
ومشكوره خيتو نلي
ومشكوره اختي ملكه
انا يوم طلبت من زوجي مارفض بس قال بجلس فوق راسك ان بدى يطلع راسه طلعت
وانا اول مولود لي والا زوجي قد تزوج وطلق وعنده بنت وولد
ماقد دخل بعياله وناس يقولن ترى بينقرف قلت ماعلي منه انا قلت له صح رفض بالبدايه بس قنعته بالغصب
وانا ودي يدخل يحس بالمعانات وابيه يخفف علي انا هلي مو عندي
ومررررررره خايفه
وودي بخاص بس احس حرميه يسحبوووون سحب ويولدون قيصري
والا كان ودي عند الجافل اللي بالسويدي مدري البديعه ويقولون الولاده مع الخياطه 2500 تقريبا بس انا خايفه اروح ويسحبون مني اكثر يدورون شي بس عشان ادفع سواء ابره او عنايه او تطعيم للطفل وانا ماعندي تامين
وودي بعد الحمادي والا مركز التخصصي الطبي الخاص
اللي قد جرب عندهم تعلمني الله يرضى عليها وتقول الولاده كلها بتنويمها وعنايتهم وكشفهم وتطعيم البيبي كم تكلف ومشكوورين مقدما