بنااااااااااااااات يا الله :( رح اموت

[nanoosh86]

:( مش طبيعي صحيت الصبح كتير مبسوطة لانو اليوم اخر يوم للدوا الاستروجين

والدكتورة كانت قايلالي انو بعد ما اخلص الدوا تاني يوم الصبح اعمل فحص حمل

صحيت مبسوووووووطة عشان بكرة رح اعمل الفحص وكان عندي أمل اكون حامل

بس ابل شوي فتت ع التواليت وعم بنزل علي اشي زهري فاتح :( يعني شكلها رح تجيني !!!

يا الله شو هادا

بلشت اتعقد لا حول ولا قوة الا بالله

شوووووووووووو صعبة مشااااااااااااااااااااان الله

[زهرة اللوتس.......]

طولي بالك حبيبتي
وانشاء الله ربنا بكرمك وبعطيكي
وانا والله متل حالتك بعد ما اتفائل انه رح اكون حامل بتشرف الاخت المحترمه(الدوره)
الله يصبرنا ويثبت ايمانا
والله انا قرفت من الادويه والابر التفجيريه الي بتعمل تعب في التفكير والاعصاب والنفسيه
ومع ذلك الله يعطينا وما يحرمنا
والله اكرم الكريمين

[Ray00m]

معليش اصبري والله يعوضك الشهر الجاي
وتأكدي ان الخير فيما اختاره الله

[ام ارجواااااان]

الحمد لله على كل حال

والله يرزقك الخير يارب

ويرزقنا

ربي يوفقك

[nanoosh86]

ان شاء الله يارب الله يرزقنا كل خير :(

خلص هديت هلأ :( بس والله انها حسرتني :( :(

الله يئطعها ( الدورة )

بس تعرفوا شو خلص انا اخدت قرار ما بدي اروح لا ع دكتورة ولا اشي

ما بدي لا ابر تفجيرية ولا هرمونات ولا اشي لانو تعبت نفسيا من اول شهر بجرب

طول الشهر وانا بستنى ه اليوم وبديش اضل طول حياتي استنى بدي اتركها لربنا

وما رح اكمل اشي ولا رح اخد اشي

الله يرزقنا الذرية الصالحة اجمعين يارب

[إنبثاقة أمل]

ياقلبي ربي بعوضك بإذن الله وبكرمك قريييييب

بس لاتحكي الله يقطعها واذا استجاب ربي دعوتك وانقطعت ولا عاد اجتك وماصار حمل كمان شو راح تعملي

الدوره صح بتزعلنا بس هي نعمة غيرك انقطعت عنه وبعز شبابهن

الدعوه طالعه طالعه ادعي الكويس وبس

الله يرضى عليك ويرزقك الذريه الصالحه عاجلا غير اجل

[nanoosh86]

حبيبتي :) مهو انا اصدي انو تنقطع واكون حامل يعني

لا وين تنقطع هيك لله في الله ههههههههههههه

يا حبيبتي شكرا الك

الله بفرجها

بس غريب الوضع !!! لانو هي صارلي 3 ساعات تقريبا !!! ع ه الحكي

وما نزل ولا اشي بعد هيك

معقول بس افرازات !!!

وازا ما نزلت علي من هون للبكرة الصبح

( ان شاء الله ما بتنزل )

اعمل فحص منزلي ولا فحص دم يعني شو اضمن بالك

[سيدة العمر]

بعين الله حبيبتى طولى بالك...

[neeevooo]

ان شاء الله حبيبتي تلك البقعه تكون تباشير حمل وماتنزل وانت تبشرينا بكره بحملك

[ام جمال ان شاء الله]

معلش حبيبتي
ان شاء الله المراة الجاية يارب
اللهم يارب يرزقك الحمل في الشهر الجاي
لا تقنطي هذا ابتلاء من الله ونسال الله ان يفرج عنا بالذرية الصالحة يارب
قريبا غير اجل
والله انا كمان انتضرها اليوم او غذا وانا متاكدة انها راح تشرف بس ما ياليد حيلة
لنا الله من قبل ومن بعد ولعل بعد الصبر ياتي الفرج من عنده سبحانه
وعسى تكرهو شيءا وهو خير لكم وعسى ان تحبوا شيئا وهو شر لكم *في ما معناه*
لا تقنطي في مثلك كثير
ولا تحزني فان الله لا ينسى احدا وهو ادرى بحالك وحالي وحال الناس اجمعين ادعيه وانت في هذه الحاله ونسال الله الاجابة يارب يارب