قيصريتين وبإذن الله ناوية اولد طبيعي

[أنا أمك ياتركي]

السلام عليكم ررحمة الله
طبعاً سالفتي واضحه من عنوان الموضوع
ياحبيباتي انا والدة بقيصريتين
آخر وحده لها سنتين و7شهور
وبإذن الله ناوية اولد طبيعي
لان مااولد الا وعمليتي لها 3سنوات و3شهر
يعني اعتقد فترة كافيه يتسكر كل جرح بالرحم
بس حبيت تدردشون معاي بهالموضوع
واذا تعرفون احد ولد طبيعي بعد قيصريتين
تطمنوني
والله من جد ناوية والله ماعليه عسير
وهو على كل شي قدير

[بنت ابويه]

لا تخاطرية بهذا الموضوع احس مستحيل اذا قيصريتين بعدهم طبيعي

[أنا أمك ياتركي]

بإذن الله ابشركم بولادتي الطبيعيه
انا بنتظر ع نفسي لين احس اني مااقدر اتحمل لاقدرالله
يعني مابروح بالوقت اللي محددته لي الدكتورة

والله الله قادر على كل شي
مايعجزه شي سبحانه
بس ادعوا لي يااخواتي
دعاء المسلم لاخيه بظهر الغيب مستجابة بإذن الله

[ام احلى بنيه]

وحده من جماعتنا جابت البكر قيصري وبعد فتره حملت بالثاني وجابت بقيصري بعد سنتين حملت واستنت لحد ماجاها الطلق وهي رايحه تولد سالها الدكتور كم ولدتي قالت له اول مره طبيعي والمره الثانيه قيصري وهذا حملي الثالث بعد سنتين وتسع شهور من القيصري ولدها طبيعي تقول وانا عندي طلق خفت يصير فيني شي لان كذبت عليه قالت قيصريه وحده بس واسال الدكتور فيه خطوره عادي ولدني قيصري قام قالها لا وضعك تمام وولدت طبيعي ماشاء الله والحين عندها سته تبارك الله بس البكر والثاني قيصري والباقين طبيعي
وسلفتي البكر طبيعي والثاني والثالث قيصري والرابع جابته طبيعي مع انها حملت بعد القيصري بست شهوربس

توكلي على الله بس ومع الدعاء تتسهل

[ام اسكندر]

المشاركة الأصلية كتبت بواسطة ام احلى بنيه

وحده من جماعتنا جابت البكر قيصري وبعد فتره حملت بالثاني وجابت بقيصري بعد سنتين حملت واستنت لحد ماجاها الطلق وهي رايحه تولد سالها الدكتور كم ولدتي قالت له اول مره طبيعي والمره الثانيه قيصري وهذا حملي الثالث بعد سنتين وتسع شهور من القيصري ولدها طبيعي تقول وانا عندي طلق خفت يصير فيني شي لان كذبت عليه قالت قيصريه وحده بس واسال الدكتور فيه خطوره عادي ولدني قيصري قام قالها لا وضعك تمام وولدت طبيعي ماشاء الله والحين عندها سته تبارك الله بس البكر والثاني قيصري والباقين طبيعي
وسلفتي البكر طبيعي والثاني والثالث قيصري والرابع جابته طبيعي مع انها حملت بعد القيصري بست شهوربس

توكلي على الله بس ومع الدعاء تتسهل

سبحان الله اول مرة اسمع بكذا


ربي ييسر امورك وتقدري تولدي طبيعي اذا امورك كويسة
واذا في خطر عليكي لاتخاطري

[ام بكر 99]

السلاام عليكم اختي انا اشتركت بالمنتدى بس علشانك وعلشان قصتي نفس قصتك جبت اول مرة قيصري
و التاني كمان قيصري ونفسي احمل و اجيب طبيعي

[ام بكر 99]

يارب تجيبي طبيعي. بس تعالي احكلينا شو صار معك. انا عم استناكي
ان شاء الله تقومي بالسلامة مجبورة الخاطر

[أنا أمك ياتركي]

ام احلى بنيه ربي يبشرك بمايسرك
واناكمان اكره القيصري لانه عذاب وخطورة

ام بكر ان شاء الله ابشرك بولادتي الطبيعيه
بس انتوا ادعوا لي وانتم صايمين ان الله يسهل اموري

للبقيه
الف شجر ع ردودكم ولاتحرموني دعواتكم
شرفتوني

[ρυяỉтч •]

انا اللي اعرفه انه خطر ، بس دام فيه تجارب لبنات ولدوا طبيعي ربي يسهلك ان شاءالله وتولدين طبيعي
انتي ياقلبي استخيري ووكلي امرك لله وبإذن الله يسهلها لك ربي من سابع سماء
مالومك تبين طبيعي القيصري متعب بشكل الله يعين بس

[ورودي البيضاء]

ايش تستفيدي من تجارب الناس ... هذي أمور نسبية جدا تعتمد ع الفترة وتعتمد عالجرح وتعتمد ع عمليتك انتي بالذات وقوة رحمك وتحمله للطلق

بلييز قلبي لا تخاطري

تبغي تنتظري لين يجيك طلق .. اوك انتظري بس لا تكذبي خليهم بالصورة وقوليلهم يحاولو معك ويعطوك فرصة

فيه كثيييير دكاترة يعطو فرصة ويشوفو لأن ممكن تتسهل ويفتح رحمك بسرعة وماتتعبي بطلق

لكن لو الطلق كان قوي عالرحم وانفجر يابنتي حتندمي قد شعر راسك الهرجة مو لعب فيها نزيف وفيها احتمالية وفاة للبيبي ولك و فوقها فيه احتمالية كبيرة تفقدي فيها رحمك ويضطرو يستأصلوه الله لا يقدر


مالك بالتجارب كثير تصير لكن خافي ع نفسك

دوري دكتورة تعطيك فرصة للطبيعي تحت مراقبة تامة و لو شافو الرحم انشد ومو متحمل خلاص ارضي باللي كتبه ربك ترى ماتسوى تخاطري

وانتي تركتي فترة حلوة ومو بعيد تتيسر بس ع حسب الطلق اللي يجيك لأنه لو مافتح رحمك بسهولة والصناعي ممنوع وقتها بيكون صعب تفضلي تحت قوة طلق

الله ييسرلك الخير بس انتبهي