تجاربكم فى المستشفيات

[ذوووق]

السلام عليكم ورحمة الله وبركاته اخواتى اتمنى من كل وحدة تكتب تجربتها فى المستشفى اثنى الولاده بذكر اسم المستشفى من حيث نظافتهم ،واهتمامهم ،والخياطه،، واستخدام الكمام والى اخره سوى مستشفى خاص تقول مع <{الاسعار }>،،او حكومى فى الرياض اوغيره عشان الكل يستفيد ويدعيلكم .{الرجاء تثبيت الموضوع} تقبلو تحياتى(ذوووق)

[**سماسم**]

مشكوره يالغالية على هذا الموضوع بارك الله فيج
و إن شاء الله تلاقين تفاعل من الخوات
وسمحيلي بنقله لج للمكان المناسب
(منتدى الولادة العام)
,,

[دلع]

انا ولدت في المستشفى السعودي الالماني فـ المدينه
ولادتي كانت 21_3_1427
الدكتوره كانت سلوى الحبيشي ممتازه واخلاق وصبوووره جدا وطاقم التمريض مره مريح وخدومين ..خياطتها مره روعه من جد هذي الدكتوره شاطره ..المستشفى نظيف اول ماخرجت من كشك الولاده وريحت شوي عالسرير جوني الممرضات ودخلوني الحمام عشان اتروش..وفي الصباح كمان خلوني اتروش مره ثانيه وكمان كانوا يبغون يدخلون معاي يساعدوني بس انا رفضت..ووقت الخروج من المستشفى جابولي كوافيره عشان تسويلي شعري ومكياج بس انا رفضت احس مو وقت مكياج..
الولاده عندهم كانت طبيعي بـ 2500 ريال..
طبعا هذا الكلام من اربع سنين الحين ماانصح احد يروح له لانه غير كل طاقم الدكاتره الاولين وجاب دكاتره شباب مايدرون عن شي وهمهم الفلوس وبس..
واصلا قبل كم اسبوع قفلوه لان طلع مديره طبيب بيطري وبعد شهر فتحوه بس لا زال قسم الاداره والقلب والعناية المركزه مقفل فيهم مشاكل..

هذا اللي عندي واي سؤال انا حاضره....

[ذوووق]

مشكوره اختى دلع على التفصيل الله يجزاك الجنه ........وين الباقين ماشفت ردودكم عشان الكل يستفيد من تجاربكم........... انا فى انتظاركم؟؟؟؟؟

[ذوووق]

يلله عاد لاتبخلو علينا من ردودكم

[عزيزة النفس]

بولادتي الاولى كانت بالواساة بالرياض عمليه قيصريه كان الطبيب اللي سوالي العمليه مصري فوق الممتاز بصراحه وقمة الاخلاق والذوق من ناحية العنايه كانت جيده جدا العمليه تكلفت فوق العشلرة الاف الكلام هذا من 3 سنوات ومادري عنهم الحين لكن عليهم زحمه مو طبيعيه بقسم الحوامل هذا اللي عندي لكن بالمراجعات زرف مو طبيعي

[غنوجة خالد]

انا عن نفسي حملاتي كلها في مستشفى مجمع الملك فهدالطبي في الظهران قمه في الروووووووعه ونظافه والدكاترة والممرضات على اعلى مستوى

[كوثرية]

أنا ولاداتي في مستشفى الولادة والأطفال في الأحساء ( حكومي )

في ولادتي الأولى صادتني مغامرات تضحك وأخلاق الممرضة ما عجبتني حتى انها قالت لي امسكي السرير وشدي لما مسكت السرير الظاهر مسكته بطريقة خطأ ضربتني على يدي الله لا يسامحها .

وفي ولادتي الثانية كان كل شيء روعة ومريح..من ناحية طلقي ما طول..ومن ناحية العناية ممتازة جداً..ومن ناحية الأخلاق الدكتورة اللي ولدتني صبورة وخلوقة وحاولت بقدر الإمكان ما أنجرح .

[غنوجة خالد]

هلا اختي كوثريه انا من الاحساء بس صراحه اول وحدة اسمع انها تمدح في هذا المستشفى با الذات





تصدقين وحده تقول اختار اولدفي الشارع ولا اولدعندهم بس الله يعطيك على نيتك يمكن دايم نيتك زينه علشان كذا الله يرزقش بدكاترة زيون ويا الله تهون علينا جميعا

[اميرة بدنيتي]

المشاركة الأصلية كتبت بواسطة غنوجة خالد

هلا اختي كوثريه انا من الاحساء بس صراحه اول وحدة اسمع انها تمدح في هذا المستشفى با الذات





تصدقين وحده تقول اختار اولدفي الشارع ولا اولدعندهم بس الله يعطيك على نيتك يمكن دايم نيتك زينه علشان كذا الله يرزقش بدكاترة زيون ويا الله تهون علينا جميعا

ليش مستغربه حتى انا ولدت 3 مرات عندهم

تعاملهم معي مره كويس واخلاق حلوة مش

كل المستشفى مو زينين