بنات الدورة متأخرة يوم .. ادعولي :)

[القلب محتار والرب غفار]

السلام عليكم احلى نساء منتديات حوامل

الله بيعلم اديه بتابعكم وبفرح لما الاقي وحدة منزلة موضوع انها حامل وبدعي لنفسي الله يرزقني هيك لحظة

المهم انا كنت حاكية قبل بمواضيعي انه موعد دورتي يوم 24 مارس يعني مبارح .. وحللت قبلها بيوم يعني ب 23 وطلع سلبي للاسف :( وككتير اتدايقت

اليوم 25 والدورة لسا ما اجت ومش حاسة باعراضها ولا حتى اعراض الحمل

انا دورتي منتظمة يعني لو صار حمل المفروض كان بان بالفحص وبنفس الوقت ما بدي اقول لزوجي يجيبلي كمان فحص منزلي عشان ما يتامل ويطلع عالفاضي ما بدي احلل هلأ

ادعولي تتاخر كمان واكون حامل

بس معقول اللي دورتها منتظمة ما يبان معها تحليل البول قبل الدورة بيوم ؟؟

ومعقول حمل وانا مش حاسة باي شي ؟؟؟

مش عارفة ما بدي اتفائل واتامل كتير عشان ما انصدم متل كل شهر :(

ادعوليييييييييي ولكم بالمثل . ربي لا تذرني فردا وانت خير الوارثين

[شاطئ القمـر]

اختي ما بدي اخيب املك بس مجرد التفكير بالحمل ممكن يأخر الدورة

بس كمان بنفس الوقت لسه في امل يكون حمل كون الدورة موعدها كان امبارح بس

وانتي عم تحكي انه دورتك منتظمة وان شاالله ما عندك مشاكل اتركيها كمان يومين وخليها عالتساهيل

وان شاالله ربنا بيفرح قلبك انتي وزوجك هالشهر وبتبشرينا بحملك خيتو

[القلب محتار والرب غفار]

تسلمي حبيبتي عالرد . ايه بعرف اكيد التفكيرة بياخر الدورة

بس انا صرلي 5 شهور بفكر والدورة ما بتتاخر .. هههههه عم بواسي حالي

انا مش كتير متفائلة بالحمل يعني ما رح انصدم .. مع العلم انه انا وزوجي عملنا كل التحالليل واحنا التنين سليمين

ربي لا تذرني فردا وانت خير الوارثين :)

[شاطئ القمـر]

لا خيتو حرام لا تحكي هيك بالعكس تفائلوا بالخير تجدوه

وربنا عند ظن عبده به لهيك لازم تتافئلي بالخير وبالاحسن

انا خبرتك هالحكي كرمال تتقبلي النتائج سواء كانت سلبية او ايجابية

وبالعكس ان شاالله بتطلعي حامل وبتكون فرحتك احلى واكبر وبتبشرينا

[القلب محتار والرب غفار]

ياااااااااااارب يا حبيبتي الله يسمع منك واجي ابشركم .. ياربي يسهل ولادتك حبيبتي ويقر عينك بشوفة احلى بيبي

ويفرحك فيه يارب :)

[نبعة الحب]

حبيبتي لا تقلقلي مو شرط يبان يحتاج اسبوع بعد الدورة احتمال كبير ربنا يرزقك بالحمل يارب

[الورده الذابله]

حبيبتي الله يفرحك يارب وتطلعي حامل بس حبيت احكيلك عن وحده الدوره عندها متنظمه وكانت تفحص قبل الدوره ب 4 ايام وتكون حامل باول بطنين الها اما الحمل الاخير غابت الدوره 20 يوم وفحصت 3 مرات دم و5 بول منزلي و2 مره عند الدكتوره وما بين غير بعد 25 يوم فتفائلي خير

[القلب محتار والرب غفار]

يااااااااااااااااااارب خير يا بنات .. الله يبشركم كلكم بالخير ويبشرني انا كمان

دعوة في ظهر الغيب ربي يحقق لكم كل امانيكم ويفرحكم ويفرحني معكم اللهم امين :)

[عاشقة الأمل]

يارب تطلعين حامل وتفائلي تفائلي كثير ربنا مابينسى أحد

[القلب محتار والرب غفار]

عاشقة الامل يارب يسمع منك حبيبتي .. الله يعطيكي كل ما تتمني :)