نقلت لكم موضوع ان شاء الله يفيدكم

[دوريندا]

نقلت لكم موضوع ان شاء الله يفيدكم


انا طبعا تزوجت وحلمي مثل حلم اي وحده تبي تحمل .......... لاحظوا انا ماجا نصيبي في الزواج الا متأخر يعني

خواتي اللي أصغر مني تزوجوا وانا لسه الى ان جا نصيبي ولله الحمد

بعد الزواج مر شهر شهرين وثلاثه وطال الوقت ولا فيه أي تباشير للحمل وكنت شايله هم كبير وخصوصا ان عمري

كبير و كل ماتقدمت سنه راح تقل فرصة الحمل عندي


بعدها قررت اني اروح للدكتوره واكشف على نفسي وأشوف الأسباب

طلع عندي ارتفاع في هرمون الحليب وتكيسات في الرحم وكتبت لي علاجات واستمريت عليها ورحت أراجع مره ثانيه

التحليل قالت لي الدكتوره ان هرمون الحليب اختفى بس التكيسات لازالت موجوده وحسيت من كلامها انها

صارت أكثر من أول وكتبت لي علاجات مره اخرى واستمريت عليها

وخفت على نفسي من كثرة الادويه دون جدوى بعد ماعرفت ان كثرة تعاطي المنشطات حق المبايض مضره بالصحه

قررت تركها ووكلت أمري لله ...... ,وكان كل من شافني يسألني لسى ماحملتي واللي ماتبي تحرجني كانت تدعي لي بالعوض الصالح

المهم انا فكرت كثير وتعبت من التفكير وقلت اللي فيه صالح الله يجيبه سواء بالحمل او بدونه


سمعت عن البردقوش في ازالة التكيسات وشربته يمكن شهر وتركته



وبعد فتره صار يساورني شعور بالضيق والملل ومادري كيف خطرت ببالي اني أقرأ سورة البقره كل يوم لقول

الرسول صلى الله عليه وسلم (في أخذها بركه وتركها حسره )


ومره رحت زياره لاهلي قالت لي امي فيه وحده عطتني هالكيس وقالت عطيه اي وحده محتاجته من فاعلة خير

تتوقعون وش في الكيس ؟؟؟؟؟؟؟؟



.






.





.





.






.





كان فيه تمر فقط كل مجموعه في كيس صغير وكل كيس في ورقه صغيره مكتوب فيها وصفه للحمل بإذن الله

من اول استخدام واذا ماحملتي كرري العمليه

الوصفه ياطويلات العمر هي عباره عن


سبع تمرات شقر

يطبخ ب 2 كاس ماء ويترك حتى يتبخر ويصبح المقدار كأس واحد ويصفى ويضاف اليه :

ملعقة رشاد صغيره تلقينها عند العطار

وملعقة زيت زيتون كبيره ( الوزير )

يشرب على الريق أول يوم من أيام الدوره وتكرر العمليه لمدة ثلاثة أيام بنفس الطريقه بس كل يوم بيومه



ملاحظه :

اذا نزلت الدوره الظهر أو العصر ابدأي ثاني يوم
واذا لم يتم الحمل تكرر العمليه حتى يتم الحمل


انتهى




انا بعد ماقريت الوصفه قلت سهله وان شالله مافيها اي خطوره وخليني اجربها

وجربتها من اول استخدام وجدت ان الدوره جتني يوم واحد وتوقفت استغربت لاني نسيت سالفة الحمل

وطنشت وجا الشهر الثاني ونفس الشي جتني الدوره يوم واحد ووقفت قمت شربت قرفه عشان ابي الدوره تنزل

ومانزلت

اخر شي قلت اروح للدكتوره واشوف السبب واول مادخلت للدكتوره قالت لي لي مبروك انا قلت في نفسي شكلها

ماعندها سالفه قالت لي انا بسوي لك تحليل دم ونتأكد وبعد التحليل كانت المفاجأه اني طلعت حااااااااامل


اللهم لك الحمد والشكر وسويت سونار وتأكدت من الحمل




عشان تعرفون انه مافي شي بعيد عن ربنا سبحانه ابيكم تاخذون بالاسباب والاستمرار بقراءة سورة البقره بنية

انه في اخذها بركه كما قال رسولنا الكريم صلى الله عليه وسلم



لي طلب بسيط اي وحده تبي تستخدم الوصفه تقولنا وتبشرنا عشان نعطي أمل لبقية الأخوات

منقووووووووووووووووووووووووووووووووول

[اميرة الحنان]

جزاك الله خير أختي و الله يرزقك ويرزقنا الحمل السليم المعافى يارب

[دوريندا]

-((الاستفسارات التي طرحت على العضوة هي كالتالي:

الله يجزاكي الجنه وان شاء الله نشوف نتايج
بس الي دورتها ملخبطه كيف تسوي
وكيف اشربه اول ثلاث ايام من الدوره ؟؟

وايش هو التمر الشقر ؟؟

_((((((الله يتتم عليك حملك


بس الي فهمته منك انك حملتي بعد قرات سورة البقراه

قبل تستخدمين هالخلطه

_((((((((((شنو تمر الشقر
يفرق عن التمر العادي والاَ

_(((((((((مبروك الحمل وربي يتمم عليك الحمل لحين الولادة بالنسبة للرشاد هل تعنين بذور الرشاد ولا
نبات الرشاد جاف ولا طري ارجوا التوضيح لأني أريد ابلش بهذه الوصفة

(_العضوة_)
هلا فيكم والله يبارك فيكم جميع وعقبال للبقيه اللي تبي تحمل

بالنسبه للتمر تمر عااااااادي والرشاد الحبوب اللي مثل السمسم لونها بني


بالنسبه للدوره عندي تراها ملخبطه يعني مالكم عذر


تكفووووون جربوها وبشروني تراها ماتضر وطمعها حلو جربوها مع قراءة سورة البقره وانصحكم بقراءتها طول الوقت حتى لو حملتي


_
(((((((((الله يجزاك خير اختي

طيب انا مافهمت طريقة استخدامها بالضبط

ياليت توضحين هالملاحظه اكثر
اذا نزلت الدوره الظهر أو العصر ابدأي ثاني يوم
واذا لم يتم الحمل تكرر العمليه حتى يتم الحمل


(_العضوة_)
هلا فيكن واياكن يارب

بالنسبه لسؤالك ياشوق الولد اذا نزلت الدوره الظهر او العصر لا تستخدمين الخلطه وابدأي في اليوم التالي على انه اول ايام الدوره

وهذا اليوم اللي جاتك فيه الظهر او العصر طنشيه فهمتي علي ؟؟


وراح تستخدمين الخلطه لمدة ثلاثة ايام ورا بعض ومن بعدها احتمال يصير فيه حمل اذا ماصار حمل انتظري الدوره الثانيه وسوي

نفس الحركه لمدة ثلاث ايام

على فكره انا من اول استخدام حملت

وبالتوفيق ان شاء الله





اتمنى تستفيدون

[سوزان الرياض]

ماشاء الله تبارك الله
الله يتمم عليك ويقر عينك

[Orchid109]

الله يجزاكي خير على الموضوع
بنجرب الوصفة ان شاء الله وش ورانا ~

[أمل الأمومة]

جزاك الله ألف خير
وألف مبروووووك

[M0ra]

جزاكى الله خيرااااااااااا

[بحــ العيون ــــــــر]

[ommohsen]

يارب لا يحرمنا من ذرية صالحة الخلطة سهلة ان شاء الله تكون سبب لفتح ارحامنا للحمل الله المعين وجزاك الله كل ﺍﻟﺨﻴﺮ