بنات مساعده بليز ف موضوع اشعه الصبغه

[امل في الله]

بسم الله الرحمن الرحيم

السلام عليكم ورحمة الله وبركاته

اخباركم يا بنات
ان شاء الله بخير وصحه وربنا يرزق كل واحده الحمل العافى المعافى
انا الحمد لله قضيت يوم فى المستشفى النهارده
عملت تحليل هرمونات وان شاء الله هعرف النتيجه بكره
وقلت مستشفى ب مستشفى كشفت باطنه
انا الحمد لله على نعمه الصحه بعانى من القولون والتهاب المعده من 8 سنين
والحمد لله الدكتور كتبلى على 4 ادويه وقال لازم منظار بس اجلناه 15 يوم لحد ما ارجع من الاجازه
وهو بيكشف عليا لما بص ف عينى قال فى ضعف عام وخلانى اعمل تحليل تانى علشان يعرف بالظبت ايه الى حاصل ونسبه الهمبلوجين فى الدم وكمان هرف النتيجه بكره ان شاء الله
خلصت دول وروحت للدكتوره لانى احتمال كبير مقدرش اشوفها بعد ما اعمل اشعه الصبغه لمده 15 يوم
ف قالتلى اعملها يوم التلات ان شاء الله الصبح وكتبتلى الادويه دى وقالت علشان المضاعافات الى ممكن تحصل وابتدى فيهم من بكره

superax 400 حبه واحده كل يوم الصبح بعد الفطار
fasigyn 500 mg حبتين كل يوم الصبح بعد الفطار
والاتنين دول ابتدى فيهم من بكره الصبح ان شاء الله قبل الاشعه ب يومين
وكمان
olfen 100 sr وقالت ده مسكن كويس عند الحاجه
وكانت مش مرتاحه من انى اعملها يوم التلات لانى ان شاء الله مسافره نفس اليوم بالليل 3 ساعات ونص طيران راجعه بلدى وقالت الموضوع صعب بس ممكن وف نفس الوقت هى كمان مش حابه اننا نأجلها للشهر الى جى

ف قولولى هو الموضوع صعب اوى كده ولا ايه وفعلا حكايه السفر دى ممكن تأثر
واعذرونى لو بطول ف مواضيعى بس واللهى ماليا حد احكى معاه غيركم
الحمد لله على كل نعمه
واستغفرك ربى واتوب اليك