ولادتي بحلووتي

[منايل]

ولدت ببنوتي صار لي ٢8 يوم
طبعا المستشفى حددولي تاريخ ٤ /٥ بس ماولدت الا تاريخ ١٥/٥ حسيت ان بنتي صارت مخلل خخخ المفروض لي موعد تاريخ ١٤ بس مارحت لان قبله بيوم تاريخ ١٣ كنت رايحه السوق مع ان ماكان لي داعي بس قلت يلا عشان اتمشى وهذا كان في العصر لاني حسيت بالصباح بعوار يروح ويجي قلت لاشكله عوار وبيروح وماقلت لااحد طبعا رحت السوق وسويت كأن مافيني شي وكنت رايحه مع ام زوجي وحماتي رجعنا البيت انا رحت معهم لان شقتي قريبه من بيتهم فقلت خلني اتسلى معهم شوي صدفه جو حريم لهم وجلست يمهم واحس بعوار يروح ويجي وكنت مو عارفه اجلس عدل فتحملت لين طلعو وبعدين رحت لحماتي وقلت لها شكلي بولد وصرت اضحك هي فكرت امزح المهم ضليت وياهم وبعدين رحت شقتي وبعده العوار قلت لاام زوجي تكون خالتي قالت خلاص بشب لك عود واذا كان فيك عوار ولاده بيزيد وشبت لي والعوار نفسه وضليت ودخلت دورة المياه الا اشوف دم واخاف قلت لا فيها ولاده واتصلت على اختى متزوجه وقالت لاتخافي خذي دش وسوي اشغالك لانك مابتولدي الحين سويت مثل ماقالت جا زوجي وقلت له قال قومي اوديك مستشفى الولاده قلت له مابروح الحين خلنا نروح مستشفى قريب منا ونشوف اذا في ولاده نروح قال طيب رحناوكشفت علي وقالت ٢ س قالت روحي مستشفى الولاده ماكنت ابي اروح بس خوفتني ورحت وانتظرت هناك لين ٣ الفجر وجا دوري وكشفت علي وقالت لي مفتوح ١ س وانصدم قالت بنسوي تخطيط اذا في طلق ولا لا انا مارضيت طلعت على مسؤليتي ومارجعنا الا الفجر وقت الصلاه صليت ونمت بس العوار ماخلاني انام صحيت على ٨ وجت خالتي وحماتي لشقتي وفطرنا حسيت بعوار زاد كان هذا تاريخ ١٤ يوم موعدي انا مارحت وضليت ونفس الشي رحت المستشفى القريب وكشفت وتقولي بعده ١ س انقهرت على هالعوار وبعده ١ طلعت قال زوجي تعالي نمشي ومشيت لين حسيت ان بيطلع وضليت لين العصر ورحت تمشيت بعد لين انهديت لان قلت بروح بعد الصلاه المستشفى ورحت بعد الصلاه وانتظرت وانا ادعي ان يكون رحمي فاتح اكثر من ١ وكشفت علي وقالت ٣ س يلا تنويم احتمال ولاده وصعدت بغرفة الانتظار وصرت اقرا سورة مريم والزلزله وادعي واتصلت اختي علي وعطتني دعاء وصرت اقراه ماكملته الا صرت ارجع ووسخت السرير وصارت حالتي حاله وانا العوار زايد علي وانادي على الممرضه ولااحد حولي مالت عليهم من مستشفى المهم ضليت انادي يغيرون شرشف السرير لان توسخ واخيرا بحدود الساعه ١٠ جت ممرضه وشافتني اتألم قالت بكشف عليك الا تقول مفتوح ٦ يلا غيري الملابس وودتني غرفه الملاحظه وحطو لي التخطيط وثقبو موية الجنين وصرت ارجع مع ان مافي بطني شي وكان العوار يزيد وكل ماكشفو يقولو باقي طفشت من عمري ترجيع وعوار ساعه ٢ كشفو وقالو ١٠س ودوني غرفة الولاده يقولو شدي تحت وانا اشد حلقي خخخ شدراني بكريه المهم شديت مثل مايبون وجبت بنوتي فاطمه ساعه ٢ ونص وشفتها توهم بيودها الا اقولهم اصبرو بصورها <<فاضيه خخخ صورتها فيديو وصوره بالجوال وابتدو بخياطة الجرح
اسفه على الأطاله