أنا تهزأت يا جماعة

[نـ ' ب ' ـرة]

السلام عليكم ورحمة الله وبركاته ..

شلونكم حبيباتي .. ان شالله بخير ؟..

اليوم كان موعدي عند دكتورتي تهئ ..
وانا بحساب السونار بالضبط 16 اسبوع و3 أيام يعني توني داخلة الخامس
وهي طالبة مني المرة اللي فاتت تحاليل وجبتهم لها ..

المهم كان عندي الكالسيوم والدم الهيموجلوبين نازلين شوي الكالسيوم 2.05 والهيموجلوبين 10.7

طبعاانا آخذ حبوب حديد وكالسيوم .. عاد هي طاحت فيني تهزيئ الكالسيوم والحديد وين راحووووا ....... ومن هالكلام ..

واللي زاد الطين بلة انها قاست وزني شافته نقص

عاد هنا انفجرت فيني قالت انتي ما تتغذين زين مع اني والله يابنات آكل موب مقصرة بس ما ادري ايش السبب ؟!!

صحيح اني ما احب الحليب والصراحة ما اشرب .. اعترف قلت يمكن الكالسيوم عذرناه لكن الباقي ليييييش ؟؟؟؟

تهئ احس اني بصيييييح .. اللي مجربة نفس مأساتي تعطيني حل ..

والله يعطيكم العافية