مستحيييل أحس بأعراض حملي !؟

[Rooma Abood]

مسااااء الخييييير مدامات كيف حالكم ؟
صرلي مدة غايبة عليكم واشتقتلكم 😍 قلت خلي ارتاح من النت ع أساس
ورجعتلكم بموضوع غريب عجيب صح ؟ هههههههه
أكيد استغربتو العنوااان العجيب هذا بس وبتقولو ايش عم تقول هادي ؟!!!
أنا اقولكم ليش كتبت هالعنوان ^_^

كل نساء يحسو بأعراض الحمل وفي نساء لا حسب جسم كل وحدة فينا
واحيانا طبعا بنوهم حالنا من كتر شوقنا للحمل 😍 الله يرزقنا جميعا
بس أنا أحس حالي حالة غريبة 😅
لييييش ؟

رح اقوولكم الأعراض :
1_ غياب الدورة الشهرية ( أنا اصلا ما أعرف موعد لدورتي بس أوصل ليوم 30 بقول تأخرت تأخرت وبطييير فرحة الله يهديني 😅 ههههه )
2 _ نزول بقع دم خفيفة ( صارت معي مرة ومن كتر فرحتي ساعتين وأنا سرحانة وقرأت كل المقالات ع النت وف الأخيييير شرفت الخانم بعد يومين 😒 والحمد لله )
3_ ألم أسفل الظهر ( أنا كل يوم بحس بوجع ظهر بسبب حادث صار معي من فترة وصار موضوع مزمن بس مو ألم حاد الحمد لله )
4_ انقباضات ونغزات ف الرحم ( عندي التهاب مثانة ويختلط علي الموضوع 😰 )
5_ تكرار دخول الحمام ( نفس الشي بسبب التهاب ولأني بشرب ماء كتير لأن هذا نوع من علاجي )
6_ غثيان ودوخة ( ع حظي كل قبل دورة بحس فيهم .. شفتو حظي الحلو 😒 )
7 _ ظهور عروق ع صدر واتساع الحلمة ووجع بالصدر ( كل دورة بتصير معي ولأني بشرتي بيضاء ف دائما هالعروق عندي مو شي غريب علي )
8_ كترة النوووم ( اصلا بموووت في نوم مو شي غريب عندي هههه )
9_ صداع ( بيذكرني بس وقت دورة وبيشككني ف الحمل ) 😑
10_ أمساك أو اسهال [ أكرمكم الله ] ( عاااادي بحس فيهم قبل دورة بذااااات )
11 _ تغير مداق الفم وشم روائح ( هالحاستين بذات ضعاف عندي اساسا 😂 )
12_ الرغبة ف طعام بشدة ( فترات احس برغبة ف اكلات معينة واكره شي تاني واقول اووو انا عم اتوحم .. وهم وهم هههه )
13 _ الأحساس بضيق تنفس ( يصير معي احيانا وبس يصير بفرح بقول هذا حمل )
14_ درجة الحرارة ( قستها مرتين وندمت تعب ع الفاضي وبس قيسها وتنزل بتأكد بتجي الدورة وتنزل عن جد حسيتها محبطة القصة )
15 _ اخر شي زيادة الوزن ( من فينا مابتحس حالها زاد وزنها قبل دورة ؟! انا بس زيد كيلو بقول حمل حمل )
أنا متأكدة عم تقرو وتقولو شووو هالبنت اللي كلها علل ومشاكل وأمراض ههههه
غريبة صح ؟ بس القصة أني يمكن عم أتوهم بشغلات اصلا بحس فيهم بحمل أو لا وبنتعلق بأي شي كله ف سبيل بيبي ينور حياتنا وهادي فطرة فينا
وكلي أمل أحس بأعراض حملي ويطلع حمل عن جد مو وهم وافرح وفرح زوجي
بس مع اللي حكيتووو بحس حالي مارح أحس بحملي الا ع شهر 5 بس تتطلع بطني ههههههه
والموضوع بس من باب التسلية أحسن من انزلكم أعراض حسسيتها وف الأخير مافي حمل هههههه
ولو طولت عليكم سامحوني وادعووولي الله يرزقني وأنا كمان رح ادعيلكم أخواتي ❤