ربي آكرمني بالحمل () تعالوا شوفي قصتي ..

[تاتيا]

السلام عليكم

بدايه الله يرزق كل محرومه بطفل سليم معافى دون زيادة او نقصان

بآقولكم سالفه حملي اللي اعتمدت كلياً ع نفسيتي

انا متزوجة من سنه ونص ومن ثالث شهر ف الزواج بدينا نفكر في الحمل وكل شهر انتظر ومافي شي

بما ان النفسيه تعبت صارت الدورة تلعب علي وتتاخر كم يوم وتعشمني وفي النهايه مافيه شي

بعد 6 شهور من زواجي جاتني اخت زوجي وبناتها زيارة وسكنوا عندي وانبسسطت معاهم وانشغلت في الطلعات ومافكرت ف الحمل ابدا

ومنّ علي الله في ذاك الشهر وحملت بس للاسف ماكمل شهر واجهضته ..

ورجعت على عادتي القديمه احسب ايام التبويض وبعد التبويض انتظر الحمل وكل شهر نفس الحكايه تتآخر الدورة وتلعب علي

تدرون لين وين وصلت لعبة هالنفسيه !! تتاخر علي الدورة وبمجرد مااسوي تحليل دم ويطلع سلبي بس ارجع البيت تنزل !!!

سويت تحاليل وفحوصات والحمدلله كلش سليم

الشهر اللي فات يأسست خلاص وحلفت ماعاد احسب للتبويض ولا افكر في الحمل واعيش يومي ومانتظر شي

كان زوجي يسألني متى تبويضك واقول مادري ماحسبت ولا راح احسب واللهم لك الحمد قبل مايجي موعد دورتي عرفت اني حامل

كانت تجيني حرارة اخر الليل مو طبيعيه واحس بألم ف رجلي

يابنات صدقوني اغلب تاخر الحمل بسبب العامل النفسي .. لا تفكروووون انسوه ادري صعب عليكم بس حاولوا مثلي وربي راح يكرمكم

اسأل الله العلي العظيم ان يرزق كل محرومه ويفرح قلبها قريبا

دعواتكم لي بثبات الحمل .. جدا خايفة اخاف يصير اجهاض مثل المرة الاولى بس باذن الله ربي يحفظه لي