حللت باليوم العاشر .. وطلعت حامل ولله الحمد

[TETA]

السلام عليكم ورحمه الله وبركاته

(الحمد لله الذي بنعمته تتم الصالحات)
اللهم لك الحمد والشكر على مارزقتني

بنات حبيباتي اليوم راح انقلكم تجربتي الناجحه مع علاج اطفال الانابيب
وهي تجربتي الأولى ولله الحمد
وفي فكره معينه راح اوصلها لكل البنات واتمنى انكم تاخذون فيها

اولآ راح اتكلم عن يوم الترجيع

عمليه الترجيع ماكانت فريش كانت بعد 4 شهور من عمليه السحب
وبهاذي الفتره كنت اخذ تحاميل وحبوب لتقويه البطانه

بعد ترجيع الاجنه
وضعت يدي على رحمي واستودعت اجنتي الله سبحانه
تخيلو ان بعد ترجيع الاجنه بربع ساعه قمت من السرير لاني المثانه كانت عندي ممتلئه عزكم الله
وحزتها قلت خلاص اكيد ماراح يثبت الحمل
وقعدت متضايقه

المهم رجعت البيت وانا احاسب على كل خطوه اخطيها
وطبعا كله من الخوف بأن مايثبت الجنين

وصار وقتي كله بالفراش اول 3 ايام وبعدها
دخلت فحاله نفسيه ملل فضيع وتفكير زايد
قررت انقذ الوضع
من اليوم الرابع بديت ارجع لروتين حياتي الطبيعي
بديت اتحرك واقعد وعادي الامور كلها طيبه

بالنسبه للصلاه كنت اصلي وانا قاعده لان كنت احس بألم ف بطني

اما الحين ابا اتكلم عن كذا شي سويتهم وتوقعت انها ماتكمل الحمل :

قمت من الفراش بعد الترجيع بربع ساعه
خذت شور ساخن ثاني يوم على طول
مارست حياتي طبيعي
وفاليوم العاشر سقت السياره
مامنعت نفسي من اي نوع من الاكل او خصصت نوع معين
كنت اشرب بيبسي وقهوه

الاعراض اللي حسيت فيها من ثاني يوم ترجيع

الم فالرحم
نغزات
انتفاخ الصدر بشكل ملحوظ مع الم
دوخه بسيطه من اليوم الخامس


تدرون شو اللي سويته ؟

استودعت الله اجنتي ودعيته قلت ف بالي ان اذا الله كتب راح يتم الحمل لو حتى صرت اناقز
وان الواحد مايعيش ويتعب نفسيته لان الموضوع يأثر

اليوم العاشر من ترجيع الاجنه ( يوم لاينسى
واتمنى كل بنت تجرب الاحساس اللي جربته

رحت العياده عشان اسوي فحص الحمل
وهو التحليل الدم الرقمي
وبعد العياده رجعت البيت وحطيت راسي ونمت لاني ماكنت ابا افكر بأي شي سلبي

الساعه : 3
ياني اتصال وكان من العياده وبشروني باحلى خبر سمعته بحياتي
مدام انتي حامل
ماقدر انسى احساسي وقتها
شعور لايوصف
عسى كل بنت وكل محرومه تجربه

هذا كله من فضل ربي حبيبي
إن ربي قريب مجيب

وطبعا بعد ما سمعت الخبر رحت حللت واتوقعت ان النتيجه ماراح تبان فالتحليل
او انه بدري
لكن الحمدالله الخطين طلعو واضحين وحمدت ربي وشكرته على نعمته

اليوم 11

عدت تحليل الحمل
بتحليل الكتروني مجرد اتطمن
وطلعت النتيجه +


بنات وكلو امركم لرب العباد فهو بايده كل الامور ومايرد القضاء الا الدعاء
ادعي من كل قلبج باللي نفسج فيه ولاتسكثرين على نفسج اي شي

ادعي واهم شي يكون عندج يقين ، يقين بان الله يسمعج وراح ينولج مرادج
اليقين اهم من الدعاء يابنات
خلي تفكيرج ايجابي وبان نهايه مرحله الاسبوعين او قبل راح تسمعين اخبار حلوه
ولما راح تدعين ادعي لج ولكل شخص تعرفين انه محتاج ذريه
ادعي لنفسج وللمسلمين
تصدقي واستغفري بنيه الحمل
وطبعا خلي عندج قرآن واقري سوره البقره ومريم
وايضا في رقيه شرعيه لتثبيت الحمل كنت اسمعها من يوتيوب

بنات ادعولي ان الله يثبت حملي و ييسرلي امري
وانا موجوده لاي استفسار

[نونة البحرين]

الف الف مبروووك الحمد لله
يا رب تثبت الاجنة و يتمم حملج على خير
اهم شي التوكل على الله و الثقة برحمته سبحانه و تعالى
اللهم لك الحمد واذا عندج اجنة ضروري جمديهم

[henna]

ماشاء الله لا قوة الا بالله
الف مبروك حبيبتى ربنا يتمملك بخير ويثبت اجنتك وتفرحى بأولادك فى حضنك سالمين معافين ان شاء الله
يارب اجبر بخاطرى وفرح قلبى الشهر ده يارب
يارب ارزق ايمان وسميرة وقوتشى وام اياد وام رضوى ومنى ودينا و مها وكل مشتاقة ومحرومة بالذرية الصالحة السليمة المعافاة عاجلا غير اجل يارب
انك ولى ذلك والقادر عليه

[Fato1]

عمري اللف مبروك الله يتمم لك ع خير ويرزقني هذا الشهر ويرزق كل وحده تتمنى الحمل

[TETA]

اللهم امين عسى الله يرزقكم ويرزق كل محروم ومحرومه
مشكورين على تفاعلكم

[أنوار الولاية]

مبروووك حبيبتي

الله يتمم لك على خير يارب

[υм вtℓαα]

ماشاء الله تبارك الله
الف الف مبروك الله يثبت حملك ويتمملك ع خير

[TETA]

الله يبارك ف حياتكم =)

[المتفائلة 27]

اختي teta ربي يتمملك على خير الف مبروك انا كذلك بفترة الانتضار عندي 9 ايام من بعد ارجاع الاجنة

[TETA]

المتفائله

الله يفرحج يارب ويرزقج الذريه الصالحه عاجلا غير اجلا
ويرزق كل البنات يارب