الخبر الثاني اسعدني كثيراً ... ولكن

[" امنية حياتي "]

صباح الخير عليكم حبيباتي مادري اذا موضوعي هذا بمكانه الصحيح ولا لا بس احس نفسي مخنوكة وماعندي احد احجيله اللي بداخلي

البارحة سمعت احلى خبرين بحياتي ,,

اول خبر اختي راح تنخطب بخير وسلامة وحجيت وياها البارحة وجانت كلش فرحانة وانا فرحت لفرحها متتصورون شكد اسأل الله ربي يوفقها بحياتها وتشووف ايام حلوة يارب ..

خلصنا من الخبر الاول


نجي للخبر الثاني ...


اخوية صارله سنة وشهرين متزوج ومرته ما حملت ولا مرة .. والبارحة مرته راحت حللت دم بعد ماغابت الدورة عنها وطلعت حامل والحمدلله والشكر واهلي كالولي هسة لا تكولين لأحد انه هية حامل عالاقل خلي يمر عليها 3 اشهر يمكن خوفا من الحسد والعيون والله اعلم ..

أسألك يارب تتمم حملها على خير وتولد بالسلامة ان شاءلله ..

الخبر الثاني فرحني ,, بس ,, مع احساس الفرحة حسيت اني راح اختنك وحتى من جنت كاعدة وية زوجي اول شي ما كلتله الخبر بس جانت عيوني تدمع وسألني عدة مرات اذا كان فيني شي لانه تعابيري مكانت طبيعية تدل على حزن عميق واخر مرة لح علية بالسؤال انفجرت وبجيت وكلتله انه مرت اخوية حامل وانا فرحانة الها كثير وما تحملت الفرحة وبجيت..

اتمنى انه اعيش هالاحساس ويصير عندي طفل .. يومية اصلي اكثر من مرة واستغفر الله كل النهار بس اتمنى انه الله يسمع صلاتي ويستجيب دعائي واصير حامل علما انه صارلي ست اشهر متزوجة وزوجي سوة تحليل السائل طلع عنده صفر حيوانات منوية وطلبو منه فحص هرمونات طلع عنده هرمون الحليب عالي ,, مادري حاسة نفسي متضايقة والمشكلة انه اني ما سمعت قبل عن هذه الحالة واهلي كالولي هذه المشكلة بسيطة كلش ليش انتي شايلتلها هم بس غصب عني صدكوني اريد يصير عندي طفل وكلما اريد انسى موضوع الاطفال والحمل مدا اكدر مو بيدي وسمعت قبل فترة بخلطة العسل وطلع النخل وغذاء الملكات من النت على اساس انه هذه الخلطة راح تعدل مستوى الهرمونات وبعدها يصير حمل ان شاءلله

ومن قبل فترة كلتله لزوجي انه يشتريها ولحد هسة ما اشتراها ملتهي بالشغل ويطلع ويروح ويجي والبارحة حجينا بهذا الموضوع كلتله معقولة لهلدرجة مشغول ما تلكى وقت الية ولا حتى تجيب هاي الخلطة عسى انه تنحل مشكلتنا ؟ الحمدلله هو يحبني كثير ولما شافني البارحة متضايقة وابجي المهم اخر شي كدرت اقنعه وقنعته انه مشكلته حيل سهلة وهذا الهرمون ممكن الاعشاب الطبيعية هية اللي تنزله وتنظم باقي الهرمونات لانه هو رافض رفض قاطع يروح لأي طبيب ورافض انه ياخذ ادوية وخاصة بعد ما كان اصلا عنده خمس ملايين قبل العلاج وبدة بالادوية وصار عنده العدد صفر وكال راح يجيبها الخلطة بعد كم يوم حتى يبدي بالعلاج ونشوف عاد ان شاءلله تجيب نتيجة يارب ..

اسفة عالاطالة ودعواتكم الية حبيباتي

[ريحانة الجنة]

ربي يشرح صدرك وييسر امرك ويبشرك بمايسرك ويقر عينك بالذرية الصالحة

مبروك لاختك الخطوبة ربي يسعدها وزوجة اخوك الله يتمم لها ع خير

وعقبال مانبارك لك ياااارب

[" امنية حياتي "]

المشاركة الأصلية كتبت بواسطة ريحانة الجنة

ربي يشرح صدرك وييسر امرك ويبشرك بمايسرك ويقر عينك بالذرية الصالحة

مبروك لاختك الخطوبة ربي يسعدها وزوجة اخوك الله يتمم لها ع خير

وعقبال مانبارك لك ياااارب

اختي حبيبتي ريحانة الجنة اسعدني مروركي كثيرا والله يباركلج يارب واشكرج جدا على دعواتج ,, ويارب الله يسمع منج ويسمع دعواتي وييسر اموري وامور كل المشتاقات الى حلم الامومة هذا الموضوع شاغل بالي كثير واعرف انه امنيتي بأذن الله رح تتحقق لكن التفكير صعب جدا ومتعب وتعبت بصراحة ربي يكون يفرجها على خير يارب

[υм вtℓαα]

الف مبرؤؤؤك خطوبة اختك
الله يتمم لها بخير زوجة اخوك وتقوم بالسلامه
والعقبالك يارب بالذريه الصالحه اللي تقر عينك

[" امنية حياتي "]

المشاركة الأصلية كتبت بواسطة ام بتلاء

الف مبرؤؤؤك خطوبة اختك
الله يتمم لها بخير زوجة اخوك وتقوم بالسلامه
والعقبالك يارب بالذريه الصالحه اللي تقر عينك

تسلميلي حبيبتي ام أبتلاء نورتيني الله يباركلج وشكرا عالدعوة الحلوة ربي يفرجها علية وعلى كل اللي حلمهم يكونون أمهات وتتحقق كل الاماني يااارب

[nour karim]

حبيبتي الف مبروك خطوبة اختك ومبروك حمل زوجة اخوك وعقباااااااااااااااااااااااااااااااالك حبيبتي
لا تلومي نفسك على هذي الاحاسيس المراة فيها هرمونات كثيرة تتلاعب بيها ههههههههههههههه وانت فيك احساس الامومة مرتفع هذا طبيعي الله يرزقك ويقولون ان الشوق للامومة يخلي هرمون الحليب يرتفع
عالجي بالادوية والاعشاب يعني خذي بالاسباب انت وزوجك والله كريم ولا تنسي كثرة الاستغفار فمفعول الاستغفار عجيب والحمد لله

[" امنية حياتي "]

المشاركة الأصلية كتبت بواسطة nour karim

حبيبتي الف مبروك خطوبة اختك ومبروك حمل زوجة اخوك وعقباااااااااااااااااااااااااااااااالك حبيبتي
لا تلومي نفسك على هذي الاحاسيس المراة فيها هرمونات كثيرة تتلاعب بيها ههههههههههههههه وانت فيك احساس الامومة مرتفع هذا طبيعي الله يرزقك ويقولون ان الشوق للامومة يخلي هرمون الحليب يرتفع
عالجي بالادوية والاعشاب يعني خذي بالاسباب انت وزوجك والله كريم ولا تنسي كثرة الاستغفار فمفعول الاستغفار عجيب والحمد لله

حبيبتي نور اسعدني مرورج كثير والله يباركلج حبيبتي والله صارلي كم يوم وانا بس افكر بالموضوع بالنسبة لهرمون الحليب زوجي يعاني من ارتفاع هرمون الحليب مو أنا هههههههه والحمدلله كدرت اقنع زوجي والبارحة جاب خلطة العسل وبدأ بيها الحمدلله
وجنت شايلة هم انه طعمها يكون مو طيب لكن الحمدلله عجبته وبلش بيها الحمدلله ...

الخلطة عبارة عن كيلو عسل وطلع النخل وحبوب اللقاح وغذاء ملكات النحل وبذور الكتان وبذور الفجل وبذور الخس وحبة السوداء ومع انه اكثر من شخص مدح هالخلطة بس بعدني خايفة بس ان شاءلله خير يااارب

[nour karim]

ههههههههههههههههههههه الظاهر انه زوجك اللي عنده شوق للامومة مو انت هههههههههههههههه الله يرزقكم يارب امين

[انثى تكره الظلم]

مبروك خطوبه اختك وحمل زوجه اخووك
وان شاء الله بتحملين بس اصبرى اختى ان الله كريم
عليكى بالدعاااء وان شاء الله بيفك كربك عن قريب
الله يكرمك باللى تتمنيه اختااه