حملي ضعيف وتنزل قطرات دم لونها فاتح متقطعة. انقذوني علموني هل انا جالسة اجهض؟

[شاها]

السلام عليكم اخواتي
ببدأ على طول لأني متوترة والمستشفى خلوني على اعصابي من الزحمة والإهمال
امس رحت المستشفى شافوا بالإختبار طلع إن الحمل ضعيف واخذوا دم والمفروض تطلع اليوم النتيجة بس رحنا وصارت خربطة وتأجلت النتيجة لبكرة ولا عرفنا شي
طيب اليوم رحنا برضو قالت ضعيف وشفته. الخط كان جدا جدا فاتح وبالالتراساوند ما يظهر شي بالرحم
كان ينزل علي اليوم دم فاتح مع ألم يروح ويجي بالرحم ومن شوي نزل لي خيط دم غامق
هل هذا بداية الإجهاض؟ ترى متقبلة الحمد لله اللي تعرف تطمني لأني متوترة مو عارفة شنو اللي قاعد يصير لي
والمستشفى زحمة وقلت هالمرة اروح خاص افضل لي
انتظركم اخواتي وشكرا مقدما.

[مسرة الخالدي]

اول شي متى اخر دورة عندك
ثاني شي اذا تاكدتي انه حمل روحي خاص
بدون زحمة ودوخة المستشفيات
حتى تكتبلك الطبيبة المثبتات
وتكولك ايش تعملي وكيف
ربي يتمم حملك ع خير

[شاها]

اهلين اختي تسلمين على الرد
آخر دورة كانت 14 شهر نوفمبر
بس ما فهمت ايش قصدك إني لازم اتأكد حمل او لا؟
المفروض إذا طلع خط ثاني معناها في حمل
شكرا اختي موفقة

[مسرة الخالدي]

خلاص حبيبتي
دام متأكدة أنه حمل
روحي دكتورة خاصة ولاتهملي نفسك
يمكن تحتاجي بعض المثبتات
وربي يتمم حملك على خير
واهم شي نفسيتك ريحي حالك
وان شاء الله خير

[ندى الوردة]

نفس كلام الأخت مسرة خذيلك موعد خاص بأقرب وقت يمكن انتي محتاجة مثبتات الله ييسر امرك ويثبت حملك يارب

[ملاك احمد]

الله يثبت حملك ويطمن بالك

[أم حمودي وعبودي]

من خلال تجربتي أتوقع إنك تمري بمرحلة إجهاض

الآلام والدم ممكن دليل على إن الإجهاض بدأ عندك

ولكن زي ما قالوا البنات اعملي الي عليكي وروحي مستشفى خاص يمكن تحتاجي مثبتات أو شي ينقذ الجنين

[أم عبادي2]

الله يتمم لك حملك ع خير ولا يجعلك تشوفين اجهاض يارب

[زوجة شوشو]

ليش ماسويتي تحليل رقمي هو اللي يطلع النسب .. تحليل اللي خطوط ترا صحته نفس صحة تحليل البول

ان شاء الله خير روحي خاص يمكن هالدم عادي

[نبض قلب عزوز]

عادي انا بحملي الاول كان ينزل دم من بدايته الين ولدت والحمدلله جبت ولد مافيه الا العافيه

وترا مو كل دم ينزل معناه اجهاض انا مو بس نقاط كنت انزف احيان والحمدلله اذا ربي قال لامر كن فيكون راح يتم غصباً عن كل دكتور