ضيافة مميزة .. أتحدى أحد سوا زيها، بس ساعدوني في التقديم

[Mayaivar]

السلام عليكم ورحمة الله وبركاته
عزيزاتي الحقيقة أنا أستفدت كثير من هذا لمنتدى وحبيت تكون أول مشاركة ليا فيه إني أقول لكم على حرك مميزةة راح أسويها في حفل الضيافة بعد ما ربي يكتب لي أقوم بالسلامة من ولادتياللي قرب موعدها

بس أبغاكم تساعدوني في طريقة التقديم لأني ما أعرف في هذي الأشياء لأني بكرية.

ما راح أطول عليكم .. بالنسبة للشوكولاتة راح أقدمها على شكل أزهار أغرس فيها الشوكلاتة يعني قلب الوردة يكون هوا الشوكلاتة ، طبعاً راح أختار شكولاتة زي الكورة عشان يكون الشكل مناسب لقلب الوردة.
بالنسبة للموالح وأنواع الحلو الثانية فهي اللي راح تكون مميزة .. اكتشفت محل يسوي البيتزا اللي على شكل كون (أقماع زي حق الاسكريم) شكلها مرة حلو وميز ما سمعت عنها إلا في دبي، ولما خليت زوجي يسألهم قالوا ممكن يعملوها بأحجام وفيه كمان نوع حلو على شكل أقماع بالشوكلاتة حق فريروشيه مدري إيش اسمها ، هذيك اللي على شكل كورة وتغليفها ذهبي وداخلها بندق، وخلاصخليت زوجي يروح المحل ويجيب لي المينيوو اخترت من الموالح الأنواع الخفيفة اللي مافيها لحوم لأنها في الآخر ضيافة خفيفة. بس اللي محتارة فيها كيف أقدمها ؟؟ أبغى طريقة حلوة ووميزة لتقديم هذي الأقماع عشان تكون مفاجأة للناس اللي حيجوني. أبغاها ضيافة محصلتش على قول أخواتنا المصريات.
ياريت تدلوني عشان ألحق أجيب الأغراض وأنفذ طبق التقديم

[Mayaivar]

لي مدة أنتظر أحد يساعدني ويفكر معايا .. بس عموماً جزاكم الله خير.

[سمار]

غاليتي لو محتاره روحي للمحلات المميزه في طرق التقديم والأفكار حقت الحفلات وهما يساعدونك البنات ماردوا لأن ممكن ماعندهم أفكار أكيد ولا ماكان تأخروا أكيد
أتمنى تقومي بالسلامه أنتي والنونو والله يحفظكم من كل شر وضيافه حلوه وسعيده بإذن الله

[ام سلطااان]

تقومي بالسلامه ان شاء الله البنات يفيدوك

[مخملية عين]

ان شاء الله غيري يفيدك

اوو روحي لمحلات شوكلاته غالية تلقين فيهاا افكار حلوة

[الديماس]

ماعندي اي شي اقولة والله ما اعرف

[Umm Bttal]

طيب ممكن تقوليلنا فين المحل اللي يعمل هادي الاشياء اللي بتقولي عليها

واسألي نفس المحل امكن عندو افكار للتقديم

[جرح البعاد]

حياتي انا والله مااتكلف كذا اشياء بسيطه وعاديه جدا اقدمها عادي لاتشغلي نفسك اهم شي تقومين بالسلامه

[بيبي ستاايل]

ممكن اساعدك اعملك الصواني

[سر لمستي]

ممكن تخليها بستاند عندي الافكار راسليني علي الخاص بعطيك كم فكره بالتوفيق