خوات زوجي يغارون مني مع انهم متزوجين

[فطوومه]

السلام عليكم ورحمة الله وبركاته
بعد غيبه من المنتدى رجعت لكم اشكي همي

بختصر لكم الموضوع قد ماقدر
انا الحين صار لي سنه مع زوجي تونا مخلصين سنه عمري 21 وزوجي عمره 28*
المهم زوجي عنده ثلاث خوات ثنتين توم اكبر منه ووحده اصغر منه وحده من التوم متزوجه والصغيره متزوجه*
المهم موضوعي ان هالخوات الثلاث انا مليت منهم وماعاد اتحملهم زوجي ف فترة الخطوبه اصر انه يسكني بعيد عن اهله ورحنا شقه بعيده من المنطقه اللي فيها اهله المهم خوات ريلي من يوم انا مخطوبه وهم يسمعوني كلام يضايف وكلامهم كله نقزات وخاصتا الاخت التوم اللي متزوجه هاذي بالذات ماتدانيني ومخربه كل البيت علي مع اني ماروح لهم الا فالاسبوع مره لان زوجي يشتغل شفتات وبيتنا بعيد وفوق كل هذا انا بعيده عنهم ومو سالمه منهم هاذي الاخت الكبرة دوم تتبلى علي تالف عني كلام انا مااسويه مثلا مره من المرات احترق الجرس اللي فالشقه وشبت حريقه وزوجي كان نايم رحت ع طول صحيته وقلت له قام شاف قال خلاص نامي خليه ماعليج منه مافي شي وانا خايفه قلت له ننام ف بيت ابوي مارضى وانا اصلا اختي كانت تنتظرني عشان بروح معاها وكنت خايفه على زوجي وابيه يطلع من البيت ماعرفت شنو اسوي قمت من غبائي واتصلت على اخته الكبيرة وقلت لها الموضوع وقلت لها اقنعيه يطلع انا خايفه علي وهي بكل برود قالت عطيني اكلمة كلمته وردت كلمتني قالت خلاص لاتوسوين ومن هالسوالف وقلت اوكي اخليج يلا باي تخيلو ثاني يوم اتصلت على زوجي تقول له زوجتك خرعتنا وتسكر التلفون بويهي ومادري ايش!! انا انصدمت وفهمت زوجي الموضوع*
طبعا هالفتره انا كنت حامل وقتها المهم جات روحت الاسبوع لهم ورحت وفجرو راسي بالنصايح وملابس البيبي مدليني على مكان جدا رخيييييص واصلا هالمحل ملابسه خاصه للهنود ويبوني انا اروح اشتري منه قلت لهم لا انا باخذ من سنتربوينت ومذر كير قالو لااا غالي ومادري ايش وتخيلو ان هم مايشترون حق عيالهم الا من هالاماكن واصلا هالاماكن اسعارهم حلوة مو غاليه ولاشي وزوجي اصلا ماقتنع بكلامهم
اوكي خلو هالموضوع زوجي طبعا اربع ايام فالاسبوع لازم يوديني بيت اهلي لان دوامه شفتات ومايرجع البيت وهو تعب من المشوار وقالي اخذي ليسن قلت له اوكي ويوم رحنا لبيت اهله كنا نسولف اني راح اسوق وطبعا اهم استانسو اني بفك اخوهم بس تخيلو اول ماقالت لهم شنو نوع السيارة اللي ابيها تغير كلللل كلامهم قامو يقولون لاوالله لاتاخذين ليسن بتتعبين ومادري ايش مايبون زوجي ياخذ لي هالسياره كانه الفلوس من جيبهم
خلووو موضوع السياره تعالو لموضوع الهدايه كل ماشافو ان زوجي جايب لي هديه قالو لا وليش يشتري لها وايد هدايا بس خل يجيب لها ورد وبس طبعا هاي الكلام كله يصير من ورانا لان اخوانه مشاءالله عليهم فررررق عن خواتهم واهم اللي يقولون حق زوجي خواته شيقولون عني*
المهم صار عيد زواجنا الاول وزوجي جاب لي هديه عباره عن باقة ورد وفيها مبلغ من الفلووس 5000 وانا صورتها وحطيها في البلاك بيري طبعا وهم شافو الصورة وقامو يتكلمون ويقولون لا مو بالهطريقه شلون يعطيها فلوس جي وليش مب لهدرجة
وطبعا محد حزتها يدافع عني غير اخوان زوجي الله يجزاهم خير لان هالكلام من ورى زوجي طبعا
وتخيلو كل يوم والله مااكذب عليكم كل اخته تطرش لي برودكاست نقزات وكلام وقح وانا ساكته*
امس راح لهم وانا مارحت ويوم رجع قال لي سالفه صارت وقمت اصيييييييح من القهر وتحسبت عليهم ودعيت ربي ينتقم منهم
تخيلو وصلت المواصيل انه يبون يخربون زوجي علي يقولوت حرمت فلان تسوي حق زوجها وتحط وتشيل وتطبخ وتخليه يرتاح وكل يوم يطلع مع ربعه كل يوم ومايرجع البيت الا اخر الليل؟! انا انقهرت وقلت حق زوجي ليش مارديت عليهم يقول لي انا نقزتهم ماسكت عنهم شوفو خواتي انا اقولكم الصج وللامانه زوجي يقول لي انا اعرف خواتي ولاتخافين ماياثرون علي لكن انا اقول لكم قصتي من القهر انا تعبت من هالشي حتى لو زوجي مايتاثر بكلامهم مو حلوة كل مره يشوفونه ويقعدون يتكلمون عن حريم خلق الله*
والله ياخواتي يغارون مني مو بس جي تخيلو يقولون للناس اني مانعه اخوهم يجيهم واني ساحرته.؟!
والله يغارون مني مو بس مني يغارون حتى من اخوهم علي
ماعرف اهما ليش زعلانين اني قايمة بزوجي واحبه واموت فيه وحاطته بعيني وهو نفس الشي يحبني ويموت فيني ويدلعني عشان جي مو عاجبهم مو عاجبهم ان ززوجي يلبي لي رغباتي ويدلعني ماسالو نفسهم ليش لاني حاطة اخوهم بعيني وهو يدري اني اموت على التراب اللي يمشي عليه والحمدلله الله لايغير علينا*
بس انا خايفه يخربون زوجي علي خايفه يهدمون حياتي اعرف ان زوجي مايسمع لهم ولايتاثر بس اخاف مع الحنه يتغير حتى انا كلمته وكنت اصيح وقتها وهو هداني وقال لي مستحيل خواتي يقدرون يخربوني عليج انا احبج وترا خواتي مايقدرون ياثرون علي وحتى لو افتحو لي طاري زواج ومادري اي خرابيط راح اسكتهم واذا ماسكتو مابزورهم الا لما يحترمون نفسهم*
متضايقه حيل منهم ماعرف ليش يكرهوني لهدرجه ماعرف ليش يغاروووون مني ياناس هل يغارون لاني ادلع زوجي وهو مدلعني او يغارون ان زوجي متهني معاي وسعيد؟

[كاريزما السيبانيه]

حبيبتي انا نفسك بالضبط
يغارون لان ازواجنا يحبونا ويدلعونا
وكمان يحشرون امهم علي انا
انا عندي بالبيت اثنتين مخربين حياتي
واحد اكثر شي مخربه علي اخته الصغرى المطلقه الساكنه عندي بالبيت
والثانيه اخته الكبرى ساكنه تحتنا بالطابق الاول مخربه علي حياتي
كل يوم تفتن حماتي علي
احسهم انهم يغااااااااااااااااااااااااااارون قهروووووووووووووووووووووووووووووووني مثلك

[دلـــوعــه عـــــبوديـ]

مالك الى الصبر او توقفينهم عند حدهم ومايدخلون باشي
هذا حق من حقوقك يجي لك هدايا ويقوم فيك مثل مانتي قايمه فيه

الله يوفقكم

[بسومة13]

الله يعينك ياقلبي والله حاسة فيك ..لاني مثلك واكثر انتي ع الاقل متزوجين انا للحين مااجى نصيبهم كلهم بيغاروا مني في 3 ..وحماتي معاهم بعد..
حسبي الله ونعم الوكيل عليهم

[ام جمال ان شاء الله]

حبيبتي انا زيك بالضبط
بس ما اقول لزوجي اصبر واسكت
الصراحة شيء صعب ان اهل زوجك يغارون منك ويعتبرون انك ساحرة ابنهم بس فين الحب والالتزام
والله انا ما في هدايا ولا شيء ومع كل هدا يتكلمون
وانا موضفة ويتكلمون
طنشيهم
وحاولي ما تحتكين بيهم كثير
وخليك في بيتك والي يبيك يجيك في بيتك
اصبري وربك ما راح يخيبك
لا تخافي ما راح يخربولك زواجك بس راح يخربو علاقتهم باخوهم وراح يحتقرهم
والله انا هيك الامور معي صبرت ونلت والله ما عمري قلت له
واليوم صار عارف شو اعمالهم معي واحترمني اكثر

[فطوومه]

مشكورين حبايبي ماقصرتوا..والله خففتوا علي وكلامك شجعني..ولاانا خلاص مليت منهم ومن حركاتهم

[الماسة26]

الله يعينك عليهم حبيبتي أحسن شي إنك تطنشيهم ولا تهتمي لكلامهم إذا زوجك ما عنده مانع لا تزوريهم كل اسبوع يعني أسبوعين مره علشان تتجنبي كلامهم إلي يضيق الصدر وربي معاكي ويهنيكي بزوجك ويديم المحبه بينكم ويبعد عنكم كل حاسد وحقود يا رب العالمين

[شوق وحنين]

اختي انتي مو ملزومة تحتكين فيهم وايد.. وعلى قد ما تحتكين فيهم بتسمعين الي يضايقج..
بكل بساطة سوي لهم بلوك من غير ما يحسون في البيبي..
أو طلعي من القروب وتعذري بأي شي (مشكلة تقنية مثلا)..
أو كنسلي البيبي واخذي تلفون ما فيه خدمة ال bbm.


فيه نقطة مهمة،، لا تتكلمين عن هدايا زوجج لج أبداً..
وسمحي لي ما كان له داعي تصورين الباقة وتحطينها وانتي عارفة طبيعتهم.
وما كان له داعي تقولين لهم نوع السيارة،، ممكن تقولين لهم مثلا انها مفاجأة أو إن للحين ما قررتي..

وفي الأخير،،
لا تزورينهم وايد كفاية مرة كل شهر، وبيقولون عنج مغرورة وما إلى ذلك أهون من إن تسمعين كلام أكبر من جذي في كل زيارة.

بس أهم شي وأكرر، الكتمااااان .. شنو عندج وشنو ما عندج ما لهم علاقة اهمة عشان تقولون لهم.

[كندة االمغربي]

هاد كلها من غيرة والمقارنة بس الغلط عليك ما تحكي اشي عنك وعن زوجك
فانتي بهاد التصرفات تثيرين غيرتهم ,يعني مدامك عرفتي انهم يغارون لا تعطيهم فرصة حتى
يقهروكي ويضايقوكي
خليكي بسيطة وما تحك سواليفكم اشتارلي ووداني وحكالي ...الله يرضى عليكي
يعني داري على شمعتك تقيد ,وخليكي انتي المنيحة وتعاملي معهم بتربيتك واخلاقك
واخواته ما تحتكي كتير فيهم حتى ما تنزعجي من حكيهم

[لمياء ماهر]

اختي اهم شي اي شي يصير معاك سواء خير او مشكله مع زوجك لا تخبرين احد فيها
ثانياا ادعي ربي يسخرهم لك ترى له اثثثر كبير هالدعء وحاولي قد ماتقدرين ماتخلين زوجك يروح لحاله وحتى لااا تعاملي اخواته بالمثل خصوصا قدامه بالعكس بيني العكككس

الله يصبرررك بالاخيير ويسخر زوجك لك ويسخرك له ويشغل اخواته في مايلهيهم عنك