بنتي ما تشرب الحليب ايش أسوي

[مرتقى]

السلام عليكم أمهات أحس أني محبطه

بنتي لساتها ما كملت خمس شهور باقي كم يوم و تصير عروسه الله يصلحها يارب

كانت تشرب الرضاعة زي الحلاوة أسم الله عليها و مريحتني كثير بترضع صناعي طبعاً و من حماسي الزايد دخلت لها الأكل في نهاية الرابع شوي شوي و الحمدلله تاكل و فرحت كثير لكن يا فرحة ما تمت \
الحليب صارت ما تشرب مثل قبل أبد إلا بعد مجاهدة معها

تخلي الحلمة في فمها من غير مص تلعب فيها و الحليب بيتسرب يمين و يسار فمها
طفشتني الله يصلحها أيش الحل ؟

وقفت الأكل قلت عشان تستفيد بالحليب و نفس الخكاية لا تقولوا عظيم ما أدري أيش لأنها تشرب منقوع التمر و عصير كمان فيعني الحمدلله تقدر تشرب لكن الحليب حرب أنا و ياها و بالنهاية تصيح و انا أعصب

إذا نامت بتشرب الحمدلله لكن و هي صاحيه لا أهم شي تنام و الحليب أخر شي تفكر فيه
أيش أسوي ؟

تتوقعوا من التسنين ؟
و كيف تدخلوا الحليب بين الوجبات هل قبله أو بعده و كم الوقت بين الوجبه و الحليب ؟


أسعفوني بتوجيهاتكم أمهات فبديت افقد السيطرة على الوضع

[محبوبته]

ياقلبي اتوقع من التسنين
لان ولدي ثلاث شهور وشوي ومثل بنتك يلعب بالحلمه لين مااغصبه ويرضع
خوذي بيدك محلب ومره مطحونات ومرريهم على لثتها .. ويارب يطلع من التسنين وتروح هالمرحلة

واعطيها وجبه وحده باليوم اكل .. اتوقع اذا كثرتي لها الوجبات بتستغني عن الحليب اكييد

[مرتقى]

المشاركة الأصلية كتبت بواسطة محبوبته

ياقلبي اتوقع من التسنين
لان ولدي ثلاث شهور وشوي ومثل بنتك يلعب بالحلمه لين مااغصبه ويرضع
خوذي بيدك محلب ومره مطحونات ومرريهم على لثتها .. ويارب يطلع من التسنين وتروح هالمرحلة

واعطيها وجبه وحده باليوم اكل .. اتوقع اذا كثرتي لها الوجبات بتستغني عن الحليب اكييد

تسلمي يا عسل أجل المشكلة شائعة الله يصلحهم يارب
إيوه هذا أسويه بس خفت من كثرة المره لا تسبب لها تسمم بعيد الشر عن بنتي و عيال المسلمين عشان الرصاص يمسك فيه

و الوجبات راح ألغيها و أمري لله أهم شي الحليب

[dr.loly]

عزيزتي دخلتي لها الاكل بكثره بدري ..
المفروض من 6 اشهر حسب توصيات منظمة الصحة العالميه
بس عادي عزيزتي... انتي لاتكثرين لها لان اهم شئ الحليب ومادام تعودت ع الاكل
اول ماتصحي الصبح اعطيها وقبل ماتنام وحاولي ماتاخد شئ قبل النوم بساعتين عشان ترضع حليبها
لانه مهــــــــــــــــم جدآ لها وهو اكبر مصدر للكالسيوم اللي يحتاجه الطفل بهذا العمر
ودي لكي

[مرتقى]

المشاركة الأصلية كتبت بواسطة *ام فراس*

عزيزتي دخلتي لها الاكل بكثره بدري ..
المفروض من 6 اشهر حسب توصيات منظمة الصحة العالميه
بس عادي عزيزتي... انتي لاتكثرين لها لان اهم شئ الحليب ومادام تعودت ع الاكل
اول ماتصحي الصبح اعطيها وقبل ماتنام وحاولي ماتاخد شئ قبل النوم بساعتين عشان ترضع حليبها
لانه مهــــــــــــــــم جدآ لها وهو اكبر مصدر للكالسيوم اللي يحتاجه الطفل بهذا العمر
ودي لكي

تسلمي ياالغلا هو شكله كذا عشان الأكل و لقيت توبيخ من زوجي يقول لي أتركي الأكل و خليك في الحليب بس
هي بسم الله عليها تشرب في النوم و أفرح كثير لكن في النهار معركه الله يصلحها يارب
ما تقصرون بنات تسلموا