قصة ولادتي بنور عيني :)

[~قموووره~]

من بداية رمضان وانا كنت احس بشد في بطني وألم وقت الصيام ووقت الفطور كنت مع اول لقمة يتحجر بطني ويألممممني ويطول التحجر لما اقوم من السفره يفك المهم اول يوم عدى على خير تاني يوم
كان يوم الخميس 2 / 9 / 1434 ه واول يوم من شهري التاسع يوم ولادتي ^^
بعد الفطور نمت مع زوجي ..ومن بداية الثامن كنت مااخليه ينزل جوا والمره هذي قلت بمااني دخلت اول يوم تاسع اتوكل على الله واخلي ينزل جوا .. المهم تروشت وزوجي راح يصلي التراويح وانا بروب الحمام كنت العب بجوالي ولا كنت حاسه بشي ومسدوحه عالكنب لما جا زوجي بعد التراويح قال يله قومي ننزل السوق ونشتري شنطة المستشفى عشان ترتبي اشياء النونو فيها قلتله دقايق واكون جاهزه قمت من مكاني وادخل المطبخ الا اسمع صوت زي*الطقه من تحت الا اشوف المويه تنكب مني وأللللللم قمت اصرخ لزوجي تعال ساعدني خفت بصراحه قلتله خلاص ولاده وديني المستشفى ومسكين ارتبك قام يلبس بنتي وانا احاول البس وكل شويه يجيني طلق اوقف مااقدر اتحرك واذكر الله ولما يهدأ ارجع البس ملابسي وعبايتي ... وزوجي دق عالدكتوره قالت تعال العياده قال يله عالعياده وانا وقتها مااقدر امشي خطوه واذا رحت العياده راح أولد ... قلتله دقلها وقلها خلااااص ولاده المويه انكبت وكل خمس دقايق طلق ومااقدر اتحرك بعدين الدكتوره قالت سويتوا سونار رباعي هي عشان المشكله اللي شافوها بالأشعه في قلب النونو ...قالها لا قالت خلاص معليش انا مااقدر اولدها المستشفى مافيها الأستعدادات لحالات القلب للمواليد شوفلها مستشفى كبير يولدوها المهم قلتله وديني بخش عند دكتوره كيتي كنت اراجع معاها من بداية الثامن ..وطول الطريق بالسياره وانا اطلق واتألم اقعد ادعي يارب هون ولادتي يارب اشوف بنتي سليمه وقلبها سليم يااارب وبصحه وعافيه... لما وصلنا المستشفى جابولي العربيه ودخلوني غرفة الملاحظه وزوجي يرتب اجراءات الولاده وبنتي معاه مامدانا نحطها عند احد كله صار بسرعه ...المهم بغرفة الملاحظه حطوني بسرير ابدااااا مو مريح خلاني احس الألم اضعاف ماتحملت كل ماجا طلق اتعصر بمكاني واقولهم مو مرتاحه ابغى اجلس قالوا ممنوع وركبوا جهاز التخطيط والطلق يقولوا ماعندك طلق مافي ولاده انا تجننت بمووووووت الم وهم يقولوا مافي طلق صرت اقلهم انا مااتحمل خلااااص هذا الألم كله ومافي ولاده ولا طلق المهم خلوني لحالي يفتكروني ادلع صار كل مايجيني طلق وانا اتقلب وادعي وبالاخر جات دكتوره قلتلها اعطيني بنج مااتحمل الألم قالتلي خليني اقيس قلتلها استني بس يخف الطلق قالت براحتك وخلتني ... وقت مايجي الطلق مااتحمل احد يلمسني المهم بدأ يزيد عليا الألم وصرت احس بدفع شديد على تحت كاني محتاجه لحمام عرفت انه البيبي بينزل صرت اصرخ ابغى احد يجي يساعدني جا زوجي ونادى الممرضات قالت الدكتوره شوف التخطيط مافي ولاده مرررا... وانا اقولها طيب احس بدفع تقول لاتدفي استني دكتورتك تجي قلتلها بولد قال طيب بقيس من تحت قلتلها اوك وقاست انفجعت قالت 10 سم خلاص ولاده الا يحركوا جهاز التخطيط اللي في بطني طلعوا ماثبتوها تمام عشان كدا مابين معاهم طلق ؛( وشافوا الطلق مرررا شديد كلموا الدكتوره وطلعوني غرفة الولاده بسرعه ...وهم ينقلوني من غرفة الملاحظه للولاده كنت اخاف يجيني طلق واصرخ وسط الناس صرت ادعي يارب كما جعلت النار بردا وسلاما على ابراهيم اجعل ولادتي بردا وييسره لي وسبحان الله هدأ الألم لما وصلت لغرفة الولاده ...واعطوني كمام بنج وقالوا اشفطي وهم يشيلو ملابسي يقولوا اجلسي وانا مااقدر قلتلهم مااقدر خلاص ابغاهم يولدوني بملابسي ألم لايحتمل... والبيبي يدف على تحت المهم شالوا ملابسي ولبسوني *قميص الولاده وجات الدكتوره تقول يله كل ماتحسي بألم دفي دفيت اول دفه وراح الالم صرت اسألها دكتوره بتسويلي شق من تحت وابغى ابره عشان مااحس بالراس قالت اعطيتك الابره والشق لازم نشوف البيبي يحتاج ولا لا المهم جات الدفه التانيه دفيت دفه طويييييييييييييله وشرفت حبيبة قلبي عالساعه 12:55 بالليل
والحمدلله وبسرعه حطوها على صدري قمت احمد الله كثيييييير واضحك بهستيريا وامسك يدها الصغيره وابوسها يناسوا ^^ وانا ماصدقت اشوف بنتي قدامي والحمدلله كانت بصحه وعافيه بعد الخوف اللي عيشوني هو انها اول ماتولد بينقلوها لغرفة العمليات عشان قلبها بس الله رحمته اكبر ورزقني بنتي بصحه وعافيه نسيييييت كل الألم والتعب وصرت فرحاااانه انه الله رزقني بنتي بصحه وعافيه ويسر ولادتي يارب لك الحمد حمدا كثيرا... *شالوها ونظفوها قلت للدكتوره احتاج خياطه قالت ايوه عندك شق بس صغير المهم طولت بالخياطه وانا اشم كمام البنج وماكنت احس الانغزات الابره واسمع صوت بكا بنتي بجد شعور لايوصف على قد الخوف والبكا والرعب اللي عيشوني هو من بداية الثامن ماصدقت شفتها سليمه الحمدلله رب العالمين
كنت اطالع للدكتوره وهي تخيطني واشوف الملقط والابره وكانه كل اللي مريت فيه حلم*
الحمدلله... من يوم انكب المويه حق الجنين وصارت الولاده كلها بساعتين الحمدلله تيسرت بس اللي تعبني الطلق عكس ولادتي الاولى ماحسيت بالم طلق مرااا يختلف من ولاده لولاده وكللله بأجره ......
أسأل الله ان ييسر ولادة كل حامل ويفرحها بشوفة مولودها وهو بصحه وعافيه يارب
ويرزق كل محرومه بالذريه الصالحه يارب العالمين ياكريم

[ام ارجواااااان]

[الحياه حلوة#]

الحمدلله عالسلامه وبالمبارك الولاده الله يجعلها من مواليد السعاده

[أم تااالين]

ألف ألف ألف مبروووك البنوته تتربى بعزكم
والحمدلله على سلامتككك بجد قصتك أحداثها سريعه
أهم حاجه ان بنتك بخير والمستشفيات يحبوا يبالغوا ويخوفونااا بس من توكل على الله ماخاب
عقبالي بولاده سهله ميسره دعواتك يالغاليه

[بنت النورر]

ماشاءالله
الحمدلله علي سلامتك والف الف مبرووووووك البنوته تتربي بعزكم يااااارب

[عائشه مصطفي عمر]

الله قصه حلوه واحداثها حلوه وسريعه شوقتيني للولاده مع اني خايفه كثير لانها ولادتي الاولي حمد لله علي سلامتك ومبروك البنوته ان شاالله تفرحي بيها

[دانه مون]

الحمدلله على السلامه
والف مبروووك البنوته تتربى بعزكم

[الجنة مناي]

ألف ألف مليووووووون مبرووووك حبيبتي قموووورة

وتتربى بعزكم

والحمد لله على سلامتك ياالغالية
والله يقومك من نفاسك بالسلامة ياقلبي..

[رونق الصبآ]

ألف الحمدلله على سلااااامتك حبيبتي .. والحمدلله ان بنتك طلعت بخييييييييير ولا فيها اي ششي ..
رحمة ربنا كبييييييرة .. والحمدلله ان ربي جعلها تامة الخلق .. ربي يرزقك برها ويحفظها لكم يارب
وربي يقومك بالسلاااامة يارب =))

وعقبالناا بالولادة السهلة وككل الحوامل يارب

[راما الدلوعه]

الف لف مبرووووك حبيبتي والحمدلله على سلامتك وسلامة العروسه تتربى بعزكم