التورتيلا ..من مطبخي ..وبالصور...

[نورا]

أولآ طريقة عجينة الخبز :بالخلاط نص فنجال سكر،شوية ملح


ريع زبده مذوبه،ملعقة خميره،ملعقة معجون طماطم


فلفل بارد أخضر وأحمر،3ملاعق حليب جاف،فص ثوم

كأس ونص ماء تخلط بالخلاط وتكب على 2كأس ونص طحين عليه ملعقة حبه سوداء


وتعجن وتترك لتخمر من نص ساعه ألى ساعه


ثم تكور وتخبز على الصاجه أو في مقلاة مدهونه بقليل من الزيت أو ألة القبابيط


(أنا سويتها بالآلة)وصارت رقيقه مره يعني اذا خبزتيها على طول حطيها بكيس علشان


ماتيبس وتتكسر معك







وهذا شكل العجينه بعد ماعجنتها...






وهذا شكل العجينه بعد ماخمرة..





العجينة بعد تكويرها..





وهذا الشكل بعد الخبز ...


آلان نجي لطريقة الحشوه وهي عباره عن فيليه دجاج وفيليه سمك


يتبل الفيليه كل على حدا بالخلطه التاليه بالخلاط


علبة زبادي ،3فص ثوم،عصير ليمونه،بهار،كمون،معجون طماطم...





هذا فيليه الدجاج المتبل..





وهذا فيليه السمك بالتتبيله....





وهذي صورة جماعيه للحشوه واللى بالصحن عباره عن كاتشب معه مايونيز


ممكن أنك تضيفين أي حشوة تبغينها أو تتبيلة ..





وهذا شكل التورتيلا النهائي يمي يمي وبالهناء والعافيه.....


صراحه أنا أول مره اسويها وتعبت فيه اقتراح للعجازات مثلي فيه خبز تورتيلا جاهز عند جيان


والحشوه خوذيها هم جاهزه اللي هي برجر دجاج رضوى أو أمريكانا اللي تحبين