تعالو بقول لكم شو صار معي ف تحليل الدم

[عشقي هواك]

صباح الخيير
امس رحت للمستشفى وقلت لدكتوره سويت تحليل حمل منزلي وطلعت حامل وخليتها تشوف صورة التحليل قالت صح حامل بس خلينا نشوف تحليل الدم قبل وكم نسبة الهرمونات اذا كانت عاليه بنسوي سونار ورحت سويت التحليل وبعد 10 دقايق طلعت النتيجة قلت للحرمه اللي ف المختبر ابا نتيجة تحليل الحمل عطتني النتيجة قلت شو النتيجة سالب ولا موجب قالتلي انتي شو تبين ؟؟ انا هنيه طاح قلبي قلت وانا خايفه ابا موجب تمت تضححكك وقالت لي مبروووككك حامل وهاتي لي شوكلاته وانا مستانسه واضحححكك من الفرحه مب مصدقه كان ريلي كل 10 دقايق يتصل هاه خلصتي قلت هيه خلصت تعال اول ما وصل للمستشفى قلت له انزل الدكتوره بتقول لنا نتيجة التحليل لين الحين ماعرف انا حامل ولا لا وانا اكذب ادري هههههههههه قال اوكي وندخل للدكتوره اول ماشفت التحليل قالت لي حامل قال ريلي شووو قلتي !!!!!! قالت حامل والريال متشقق من الفرحه قال انزين شو فيها بنت ولا ولد وكلنا نضححكك عليه ههههههههههههههههه قالت ف الشهر الرابع يبين مب الحين بس قالوا لي نسبة الهرمون 58 ولازم توصل 500 عشان يبين ف السونار واليوم قالوا لي تعالي عشان تسوين التحليل مره ثانيه بس انا مابا اروح قلت بخليه لين يوم الخميس وبسوي التحليل مره ثانيه ماظن اليوم يوصل 500 ولا شو رايكم ؟؟؟

اسوي التحليل اليوم ولا اخليه لين الخميس ؟

[ρυяỉтч •]

الف مبروك الحمل قلبو ، عقبال ماتشيلينه بين ايدينك يارب
ايه احسن خليه يوم الخميس بيكون فوق 500 ب اذن الله ، ربي يتمملك على خير يارب

[عشقي هواك]

الله يباركلج فديتج
اميين الله يسمع منج

[أم مهند *حبيبى*]

الف مبرووووووووووك وربنا يتمم حملك على خير يارب ويجعله قرة عين لكى ولوالده بس استنى شويه على السونار لأنه بيكون صغير جدا والدكتوره هتشربك ماء كتيييييييييييييييييير علشان يبان

[ام شدن 20]

احس بدري اصبري للخميس
والف الف مبروووووك

[عشقي هواك]

الله يبارك فيكن حبايبي
خلاص عيل بروح الخميس

[فوفو89]

الف مبرووووووووووك يا عسل الله يهنيكم

والله يثبت حملك ويرزقك طفل اموور سليم معافى يارب

بس بدي اسألك متى كانت اخر دورة ؟؟ كم صارلها متأخرة ؟

مبارك مرة تانية

[جهينة السلفية]

الف مبروووووووووووك يا قمر والله فرحتلك من قلبي
الله يسهل حمله وولادته

[Amal123]

ألف مبروك حبيبتي وإن شاء الله تشوفيه بين يديك ويفرحك أنتي وأبوه أنا أقول إصبري ليوم الخميس عشان يصبح الهرمون أكثر أدعيلي

[عشقي هواك]

الله يباركلج فوفو
اخر دوره تاريخ 1/1/2013 يعني اول يوم من السنه الجديده
مب متاخره علي انا سويت التحليل قبل الدوره ب 4 ايام مافيني صبر اقعد 4 ايام
الله يرزقج بالحمل فوفو واذا تبين تسالين حياج مايردج غير لسانج نورتي صفحتي