ادخلوووووا بحكيلكم قصتي الغريبه جدا ورحمه وفضل ونعمه وكرم ربي الرحيم عليا

[Kayan "Me]

السلام عليكم ورحمه الله وبركاته
من 3 شهور الدوره قدمت اسبوع ونزلت بالم شديد جدا رحت للدكتوره قالتلي مافيكي شئ وكله تمام الله يسامحها مش قرأت السونار صح وقالت يمكن لخبطه هرمونات عشان كده يابنات نصيحه لازم تتأكدوا من ان الدكتوره شاطره جدا مش اي حد بيعرف يقرأ سونارالمهم بعدها بشهر ونص وقت التبويض حسيت بألم فظيع ونقلوني المستشفي وعلقولي محاليل فيها ترامال من شده الالم اللي كان عندي وطلع عندي كيس علي المبيض اليمين حجمه 13 سم الدكتور كتبلي بروجيلتون منظم عشان يقل حجم الكيس عشان يقدر يعمل عمليه ويشيله الشهر اللي بعده وقت التبويض جالي نفس الالم الفظيع والدكتور شاف الكيس لاقاه كبر عن الاول بقي 14سم وقال لازم عمليه لانه بيكبر وضاغط علي المبيض وممكن يدمره لاقدر الله المهم رحت يوم العمليه الدكتور عملي سونار عشان يجهزوني للعمليه قالي ان الكيس بقي فوق الرحم وهو الاول كان علي يمين الرحم بس لما كبر حجمه بدا يضغط عليه من فوق
المفاجأه بقي

.................
.............
........
.....
...

ان السونار بين ان في كيس في الرحم يشبه كيس الحمل وقالي الدكتور والله اعلم يابنتي شكلك حامل ولو انتي حامل هنضطر نأجل العمليه ومش هنقدر نعملها اليوم وقالي بخلي الدكتوره تسويلك سونار مهبلي ونعمل تحليل حمل هرموني مع العلم كان باقي علي دورتي اسبوع وقبل معاد العمليه بأسبوع كان فتره التبويض وكان حصلي الم شديد ورحت للدكتورعملي سونار ماكنش الكيس اللي يشبه كيس الحمل موجود بعد التبويض في خلال الاسبوع اللي بستعد فيه للعمليه المهم اتكسفت اعمل السونار المهبلي واكتفيت بتحليل الدم الهرموني و كنت فرحانه جدا لاني كنت قبلها قايله لزوجي انا حساني حامل ويوم ما اروح اعمل السونار للعمليه هيكتشفوا اني حامل زوجي طبعا اخد كلامي علي انه اوهام حمل زي كل شهر ولما الدكتور قال له احتمال تكون حامل ووراه الكيس في السونار انصدم وكنا مش عارفين نفرح ولا نزعل لانه لو حامل هيحصل اجهاض بنسبه كبيره بسب ان الكيس بيكبر المهم بعد تعب الاعصاب وانتظار النتيجه وانا كنت رتبت نفسي اني حامل ومفيش عمليه غير بعد شهرين جت نتيجه التحليل سالب وقالوا يلا عمليه بصراحه مش زعلت اوي سبحان الله زكنت مستغربه اني مش زعلانه بس ربنا نزل عليا صبر ولا زعلت ولا اضايقت قلت الحمد لله علي كل حال وكنت عادي مع اني طول فتره انتظار النتيجه بدعي يكون حمل بجد والدكتور قال انه يمكن كيس فاضي جهزوني للعمليه ودخلت العمليه والحمد لله و في العمليه حصلت المفاجأه التانيه الكيس اللي عندي لاقوه مش طالع من المبيض اليمينطالع من المبيض الشمال وماشي من ورا الرحم لحد ماوصل للمبيض اليمين علي شكل حرف c وضاغط علي المبيض اليمين وعلي انبوبه الشمال والسونار مش كان مبين غير الجزء فقط اللي علي المبيض اليمين تخيلوا الكيس كان حجمه قد ايه لما بس الجزء البسيط الظاهر كان 14سم الدكتور انصدم المهم الحمد لله بفضل ربنا ورحمته بيا الدكتور كان شاطر وقدر يشيل الكيس والحمد لله ان تحليل الحمل طلع سالب لان لو كان طلع ايجابي العمليه وقتها كانت هتتأجل شهرين و بحجم الكيس ده مش كان ينفع استني شهرين كان هيدمر المبيض اليمين والانبوبه الشمال ومش كنت هقدر احمل ابدا بعد كده الحمد لله حمدا كثيرا طيبا مباركا فيه كما يحب ربي ويرضي انا حبيت اكتب قصتي عشان اي واحده متأخره عن الحمل تعرف انه الخير لها لاني كنت نفسي احمل اوي وكنت بقول اكيد ربنا اعلم بحالي مني واكيد ده الخير بس كنت بدأت ادخل في حاله اكتئاب بسسب موضوع تأخر الحمل وفعلا ربي كتبلي الخير لاني لو كنت حملت كنت ممكن افقد لا قدر الله المبيض اليمين والانبوبه الشمال وكمان كان احتمال حملي مايتم بسبب حجم الكيس اللي ضاغط علي الرحم و اللي انا ولا الدكاتره كنا متخيلين حجمه ادعولي ربي يتم شفائي علي خير ويرزقني واياكم بالذريه الصالحه السليمه المعافاه بدزن زياده او نقصان عاجل غير اجل معلش علي الاطاله