الولادة في الحرس في الرياض بالتفصيل الممل

[ام عمار]

السلام عليكم
لو سمحتوا انا اول مرة اتابع في الحرس وان شاء الله اولد هناك
لكن عندي اسئلة
1/اذا رحت وقت الولادة وين يحطوني في غرفة وحدي والا معاي حد "قبل الولادة"
2/البيبي يخلونه في الحضانة طول اليوم والا ينام معايا
3/ايش اجهز في شنطتي وللبيبي احط ملابس كثير والا هم يعطوني لي وللبيبي ايش احتاج بالضبط وايش اللي ماله داعي
4/كم يوم اجلس لو ولدت طبيعي او قيصري
5/مين جربت ابرة الظهر تعور والا لا؟
وفيه الم وقت الولادة والا ماحسيتوا بشئ؟
وكيف كانت حالتكم بعد الولادة والبنج؟
6/فيه مرافق؟
7/كيف الجو بارد والا دافئ داخل المستشفى
ابغى اعرف كل شئ
الله يخليكم

[ام عمار]

رفع رفع رفع

[شروق الرياض]

انا مثلك فالحرس واحتاج للاجوبه مثلك خيتوو

[ملكتني بهمسك]

الله يقومك بسلامه ويرزقك ساعه طيبه انا من اهل جده

[Mishael]

اهلان اختي ،، انا والده بالحرس من شهرين وبجاوبك باللي صار معي
،،
اذا رحتي وقت الولاده بتروحين الطوارء يقيسون الضغط والحراره ويودونك لقسم الولاده
بتدخلين غرفه كبييره يسمونها الكشك سراير وبين كل حرمه والثانيه ستاره والنور خافت والجو معتدل ماكانت لا برد ولا حر بتمسكك ممرضه تكون خاصه فيك لوحدك تدخلك الحمام وتطلب تحليل بول
بتوديك لسريرك وتطلب تشيلين ملابسك كامله وتلبسين روب من عندهم مفتوح من ورا
وتنامين عالسرير وتركب جهاز قياس الطلق وتجلس عندك او تروح وترجعلك وماتبعد اذا ناديتيها حصلتيها واذا طلبتي مويه او اي شي او حمام توديك عادي
،، وتمر عليك الدكتوره كل لحظه والثانيه تقيس رحمك كم مفتوح لحد ماتوصلين للاربعه ،،
مملابسك وعبايتك يحطونها بكيس من عندهم عليه كرت اسمك ،،
ولاتنزلين معك الشنطه ماراح تحتاجينها اللحين ،،طلبت مسكن وعطوني ابره بالورك لاني جلست يوم كامل
بعدين ودوني غرفت الولاده بعربيه لبستني عبايتي ودخلتني الحمام سالتني متى اخر مره اكلتي اذا قريب يعطونك ابرة الشرج الله يكرمك عشان تنظفك واذا من زمان لا ماتحتاجينها وبعدها اذا طلبتي مرافق يدخلونه مثل امك او اختك او زوجك
انا جاني دكتور ورفضت انه يولدني وولدتني قابله طلبت ابرة الظهر وماحسيت فيها ابدد عطونيها بغرفة الولاده جلسني وعطاني الابره وانا جالسه عادي
دخلت معي امي وكانت تصورني بالجوال وتقرا علي وتمت الولاده بعد تعبببب وماحسيت ولله الحمد بالخياطه لاني ماخذه الابره
واول مايطلع البيبي ينظفونه ويحطونه على صدرك واخذة لي كم صوره مع البيبي بعد ماخيطتني علمتني شلون ارضع وقعدة ارضع بنتي وطلبتهم يدخلون زوجي لانهم لو طلعوني للغرفه هلاص مايدخل البوقت الزياره ،. بعد ماطلع دخلتني الدكتوره للحمام وجلستني وغسلتلي وفصختني ولبستي روب مسكر وحلو ونظيف ورجعتني السرير وجابولي عشا تعشيت واخذو البيبي يقيسون لها الضغط والوزن وهالامور ولفوها بمهاد من عندهم
بعدها ودتني غرفتي وجابولي عشا ثاني بس مااكلتها شبعت
يحطون لك فوط وغيارات عندك بالدرج ولو طلبتي ملابس جديده جابولك
،،
انا لما كنت بغرفت الولاده ودخل زوجي يشوفني جاب شنطتي ودخلها وبنتي بعد ماخلصو منها جابتها لي الممرضه ورضعتها ونامت بحضني مااخذوها الحضانه من بكرا الصباح افطرت وجاني دكتور سالني كم سؤال وعطاني كريم وفيتامينات وحبوب منع الحمل
وبنتي كان فيها صفار اخذوها عندهم ،،
بس اذا طفلك سليم مايخذونه الا اذا تعبتي منه ووقت الزياره يحطونه بالحضانه واللي يبي يشوفه يشوفه معك او مع ابوه الظهر قمت رحت الحمام وغسلت وغيرت ملابسي وعادي لو اني جالسه بروبهم لانه مريح
قبل العصر تبدا الزياره
والعشا رخصوني وبنتي خليتها عندهم كم يوم ،،
الشنطه تحتاجين فيها غيار واحد لك اذا بتولدين طبيعيي اذا ولدتي قيصريه خلي اهل البيت يجيبون لك ماانصحك تكثرين اغراض
،،
وملابس البيبي ماتحتاجينها الا بوقت الطلعه بس هم يلببسونه روب ومهاد وقبوع وحفايظ وقت الطلعه تحتاجين لبس ومهاد وقبوع ومدس او بطانيه مدري عنك وهم يلبسونه وكل طفل معه حاضنه خاصه فيه اذا طلعتي تطلع معك تدفه فيه وانتي يدفونك بعربيه لحد ماتركبين السياره تعطيك البيبي
ولا تخافين من ناحيت نظافة ملابسهم انا دخلت الحضانه فيها صندوق كبير مليان من كل شي جديد يعني من المصنع لولدك مااحد يستخدمه قبلك وانا ملابسي لما سلمتها شفتها تكبها بالزباله
وتحتاجين عبايه احتياط وشاحن جوال وقلوس او كحل لوقت الزياره وشال او طرحتك بس الافضال شال ثقيلل لان الجو اللحين برد ،،كنت معبيه الشنطه كريمات وغيارات وشامبوات وفوط ولا احتجتهم
اذا انتي والده طبيعي يجلسونك يوم واذا قيصريه يجلسونك اتوقع ثلاث ايام
،،
الله يسهلك يارب ياكريم ولاترتاعين وتخافين مثلي كنت طول الوقت اتنافض وتعاملهم مررررره جمييييل ماقهرني الا الدكتور اللي كان بيولدني وابرة الظهر انصحححححححك فيها ماتحسي بالالم ولا بالخياطه بعدها كنت مرهقه بس رجولي ماحسيت فيهم الا من بكرا وشي عادي
ولا تكثرين اغراض انتبهي بس غيار لك وغيار لبيبي واحد وعبايه وشال
واي سؤال انا حاضره والشكر لملكتني بهمسك اللي دلتني عالموضوع وطلبتني ارد عليك

[المُحبة]

المشاركة الأصلية كتبت بواسطة mishael

اهلان اختي ،، انا والده بالحرس من شهرين وبجاوبك باللي صار معي
،،
اذا رحتي وقت الولاده بتروحين الطوارء يقيسون الضغط والحراره ويودونك لقسم الولاده
بتدخلين غرفه كبييره يسمونها الكشك سراير وبين كل حرمه والثانيه ستاره والنور خافت والجو معتدل ماكانت لا برد ولا حر بتمسكك ممرضه تكون خاصه فيك لوحدك تدخلك الحمام وتطلب تحليل بول
بتوديك لسريرك وتطلب تشيلين ملابسك كامله وتلبسين روب من عندهم مفتوح من ورا
وتنامين عالسرير وتركب جهاز قياس الطلق وتجلس عندك او تروح وترجعلك وماتبعد اذا ناديتيها حصلتيها واذا طلبتي مويه او اي شي او حمام توديك عادي
،، وتمر عليك الدكتوره كل لحظه والثانيه تقيس رحمك كم مفتوح لحد ماتوصلين للاربعه ،،
مملابسك وعبايتك يحطونها بكيس من عندهم عليه كرت اسمك ،،
ولاتنزلين معك الشنطه ماراح تحتاجينها اللحين ،،طلبت مسكن وعطوني ابره بالورك لاني جلست يوم كامل
بعدين ودوني غرفت الولاده بعربيه لبستني عبايتي ودخلتني الحمام سالتني متى اخر مره اكلتي اذا قريب يعطونك ابرة الشرج الله يكرمك عشان تنظفك واذا من زمان لا ماتحتاجينها وبعدها اذا طلبتي مرافق يدخلونه مثل امك او اختك او زوجك
انا جاني دكتور ورفضت انه يولدني وولدتني قابله طلبت ابرة الظهر وماحسيت فيها ابدد عطونيها بغرفة الولاده جلسني وعطاني الابره وانا جالسه عادي
دخلت معي امي وكانت تصورني بالجوال وتقرا علي وتمت الولاده بعد تعبببب وماحسيت ولله الحمد بالخياطه لاني ماخذه الابره
واول مايطلع البيبي ينظفونه ويحطونه على صدرك واخذة لي كم صوره مع البيبي بعد ماخيطتني علمتني شلون ارضع وقعدة ارضع بنتي وطلبتهم يدخلون زوجي لانهم لو طلعوني للغرفه هلاص مايدخل البوقت الزياره ،. بعد ماطلع دخلتني الدكتوره للحمام وجلستني وغسلتلي وفصختني ولبستي روب مسكر وحلو ونظيف ورجعتني السرير وجابولي عشا تعشيت واخذو البيبي يقيسون لها الضغط والوزن وهالامور ولفوها بمهاد من عندهم
بعدها ودتني غرفتي وجابولي عشا ثاني بس مااكلتها شبعت
يحطون لك فوط وغيارات عندك بالدرج ولو طلبتي ملابس جديده جابولك
،،
انا لما كنت بغرفت الولاده ودخل زوجي يشوفني جاب شنطتي ودخلها وبنتي بعد ماخلصو منها جابتها لي الممرضه ورضعتها ونامت بحضني مااخذوها الحضانه من بكرا الصباح افطرت وجاني دكتور سالني كم سؤال وعطاني كريم وفيتامينات وحبوب منع الحمل
وبنتي كان فيها صفار اخذوها عندهم ،،
بس اذا طفلك سليم مايخذونه الا اذا تعبتي منه ووقت الزياره يحطونه بالحضانه واللي يبي يشوفه يشوفه معك او مع ابوه الظهر قمت رحت الحمام وغسلت وغيرت ملابسي وعادي لو اني جالسه بروبهم لانه مريح
قبل العصر تبدا الزياره
والعشا رخصوني وبنتي خليتها عندهم كم يوم ،،
الشنطه تحتاجين فيها غيار واحد لك اذا بتولدين طبيعيي اذا ولدتي قيصريه خلي اهل البيت يجيبون لك ماانصحك تكثرين اغراض
،،
وملابس البيبي ماتحتاجينها الا بوقت الطلعه بس هم يلببسونه روب ومهاد وقبوع وحفايظ وقت الطلعه تحتاجين لبس ومهاد وقبوع ومدس او بطانيه مدري عنك وهم يلبسونه وكل طفل معه حاضنه خاصه فيه اذا طلعتي تطلع معك تدفه فيه وانتي يدفونك بعربيه لحد ماتركبين السياره تعطيك البيبي
ولا تخافين من ناحيت نظافة ملابسهم انا دخلت الحضانه فيها صندوق كبير مليان من كل شي جديد يعني من المصنع لولدك مااحد يستخدمه قبلك وانا ملابسي لما سلمتها شفتها تكبها بالزباله
وتحتاجين عبايه احتياط وشاحن جوال وقلوس او كحل لوقت الزياره وشال او طرحتك بس الافضال شال ثقيلل لان الجو اللحين برد ،،كنت معبيه الشنطه كريمات وغيارات وشامبوات وفوط ولا احتجتهم
اذا انتي والده طبيعي يجلسونك يوم واذا قيصريه يجلسونك اتوقع ثلاث ايام
،،
الله يسهلك يارب ياكريم ولاترتاعين وتخافين مثلي كنت طول الوقت اتنافض وتعاملهم مررررره جمييييل ماقهرني الا الدكتور اللي كان بيولدني وابرة الظهر انصحححححححك فيها ماتحسي بالالم ولا بالخياطه بعدها كنت مرهقه بس رجولي ماحسيت فيهم الا من بكرا وشي عادي
ولا تكثرين اغراض انتبهي بس غيار لك وغيار لبيبي واحد وعبايه وشال
واي سؤال انا حاضره والشكر لملكتني بهمسك اللي دلتني عالموضوع وطلبتني ارد عليك

مالي اي علاقة بالموضوع بس بجد الله يفرج همك ويجعل ذريتك رضية مرضّية بقدر اهتمامك بإفادة غيرك
وللاخت ملكتني بالمثل ،،
" من كان في حاجة أخيه كان الله في حاجته "

[Mishael]

اختي المحبه امييين وياك يارب