السلام عليكم حبايبي
انا قبل تقريبا اسبوع من بعد ما تأخرت دورتي بيوم سويت تحليل دم
وطلع سلبي
بعدها بيومين حسيت بغثيان بزياده سويت تحليل حمل مرتين وطلع ايجابي
وقالوا لي البنات بالمنتدى انه حمل واني ارجع اسوي تحليل الدم بعد كم يوم
المهم وقتها كنت متفاءله كثير انه حمل وسويت شريط الحمل وكل شي
بس كان لسى شي بقلبي يقولي لا تتأملين لحد ما تسوين تحليل الدم ويثبت اني حامل
البارحه رحت وسويت تحليل دم والحمدلله طلع ايجابي
اللهم لك الحمد
طبعا حبيت ابشركم واقولكم وش الاعراض اللي جتني قبل موعد الدوره زي ما كنت احب اقرأ عن كل وحده تأكدت من حملها واشوف اعراضها
بعد ايام التبويض ما انتبهت على شي
يعني مافتحت عيوني كثير
المهم اللي لاحظته انه بعد ايام التبويض جتني افرازات بيضاء على شكل خيوط
جلت كم يوم بعدها باسبوع تغيرت الافرازات وصارت سايله
وكأنها مويه اللي تنزل منك
من غير رائحه طبعا واللون اوقات شفاف واوقات بيضاء
واستمرت معاي لحد موعد الدوره وبعد ما طوفت موعد الدوره رجعت الافرازات على شكل خيوط
اما العرض الثاني اللي لاحظته هو ألم صدري اللي كان يجيني عادةً قبل موعد الدوره باسبوع
الشهر هذا جاني بعد ما فوتت موعد الدوره بيوم ومستمر معاي لحد الحين
اما الغثيان ما جاني الا بعد موعد الدوره بيومين تقريبا
بس غثيان خفيف من غير ترجيع
وكمان انا من النوع اللي احب اسوي رياضه شبة يوميا وخاصة مشي ساعه
بس الحين صرت اذا مشيت ساعه وخلصت يجيني عوار بظهري مع شوية مغص
يشبة الطلق الخفيف
بس هذي اعراضي
والله يرزق كل من تتمنى الذريه الصالحه
وسؤالي للي عنده فكره عن موضوعي
هو كيف اعرف اذا كنت حامل بتوأم او لا
علما ان لي حامل تقريبا 5 اسابيع
لانه عندنا وراثه بالعائله امي وخالتي جابوا توأم
وسلامتكم
10-18-2012, 06:04 AM
ثبت موضوع حملي والحمدلله
تفاصيل الهوى 
جديد منتدى منتدى أعراض الحمل والوحام
العرض الشجري
