ممكن اتساعدوني من خبراتكم جزاكم الله خير !!

[بسمة طفلة]

السلام عليكم خواتي الحوامل ..


عندي مشكلة صغيرة وياريت اتساعدوني من خبراتكم او من احد المختصين من الي تعرفونهم !!

انا ببداية حملي كانت عندي مشاكل صحية والحمدلله تمت على خير وكمل حمالي عادي وكان زوجي يهتم فيني ويلبي طلباتي وماكان مخلي بخاطري شي كذا حلووين طيب ..!

حبينا نعرف نوع جنس البيبي وفي الشهر الخامس عرفت ان الي ببطني بنوته وفرحت بس زوجي تلقى الخبر كالصاعقة وانصدم وماتكلم معاي لمدة يومين؟؟ وقتله اولا واخيراً خلقة ربي وقسمته وثانيا انا فقط مجرد وعاء حامل وانت الي تتحكم بالجنس سواء بنت ولا ولد ايش ذنبي اذا بناتك عندك حركيات ونشيطات ..!

والله ياخواتي انا دخلت الشهر السادس وانا قاعدة بيت ابوي لأنه على قولته مايبي يشوفني ويشوف بطني ومايبي يسمع طاري هالبنت الي في بطني .. معاملته تغيرت معاي تماماً ولا حتى صار يتصل بس اذا عندي مواعيد اكلمه ونفسه خايسة او ابعث له مسج وانتم ساكتين طول الطريق احنا رايحيين واحنا راجعيين .. بس عنده كلمه وحدة (( هاه خلصتي)) ..!

حالتي النفسية مرة داقة ومش حابة اسوي اي شي شغلي كله اجازات ويومي كله افكار وهواجس اخاف افقد البنت ولا اموت ولا يصير فيها شي من سبته كله بس اصلي وادعي واقعد اصيح بالساعات ولا عارفة ويش اسوي بالضبط ؟؟ احس اني كرهت الدنيا كلها وبس اشووف وحدة من برع ولا من جماعتنا عندها ولدين اتضايق واتذكر زوجي على طوول واقوول الحمدلله انه ماشاف هالمنظر ..!

للعلم فقط انا عندي بنوته من قبل البكر عمرها سنتين وصار لنا متزوجين 4 سنين بس والي يعور القلب انه ابو زوجي يبغى يزوجه قال اني ماجيب الا البنات ..!

دعواتكم وردودكم الطيبة .. ودمتم بود

[Forgotten Rain]

والله يا أختي لا أعرف ماذا سأقول لك !!!!!
أنت ولله الحمد إيمانك بالله قوي وعلى يقين بأن الولد أو البنت من الله عز وجل يهب ما يشاء لمن يشاء
أكثري الدعاء بأن يهدي الله زوجك ويطرد هذه الأفكار من رأسه
وسأدعو لك بظهر الغيب أن يفرج الله كربتك ويذهب همك

[دونات]

نساعدك ؟؟. كيف ...........؟؟

اذا الناس عقليتها لساتها بالجاهلية ...شتبينا نقول ..

ماأقول الا ادعي الله يهديهم وينور بصيرتهم ....

قال ماتجيب الا البنات توك بالثاني حرام عليهم ....لا والمصيبة ان والزوج هو اللي يحدد

بنت ولا ولد .......

اهدي ولاتزعلي وشيلي زوجك من بالك نهائي ..مشان راحة بالك ونفسيتك عشان البيبي

والله ماحد بيوقف جنبه ويسند هالأبو قد بناته ماقول الا الله يخلف على هالعقلية ,,,


ادعي الله هو وكيلك ...وهدي نفسك غصب طيب ...مشان صحة البيبي لاتتأثر ...


تقومين بالسلامة

[عيش الحياة]

الله يكون بعونك يارب والله حرام اللي يسويه ويعترض على حكمت ربنا الواحد مايعرف الزمن ايش مخبي له
انتي ادعي ربك انك تجيبي بنوته زي القمر وتامه الخلق ووبصحة وعافيه وحتشوفي يجي يوم ربنا يبين الصح وريح قلبك

وكثير ناس ما جابو الا بنات ربنا مقسم الارزاق والبنت والولد في هذا الزمن صارو زي بعض لا واحينا البنت اللي تصرف على اهلها

[النوري84]

الله يكون بعونج..حاولي تتجاهلين عشان ﻻتتعب نفسيتج..وادعي ربج الله يحنن قلبه على البنات..

[نعمة ربي]

كل شي من عند رب العالمين حلو
و يارب يتمم لنا على خير و يرزق خواتنا المتأخرات

[طبعي جذي]

معقولههه للحين في ناش تفكر بهالطريقة

[بسمة طفلة]

المشاركة الأصلية كتبت بواسطة forgotten rain

والله يا أختي لا أعرف ماذا سأقول لك !!!!!
أنت ولله الحمد إيمانك بالله قوي وعلى يقين بأن الولد أو البنت من الله عز وجل يهب ما يشاء لمن يشاء
أكثري الدعاء بأن يهدي الله زوجك ويطرد هذه الأفكار من رأسه
وسأدعو لك بظهر الغيب أن يفرج الله كربتك ويذهب همك

يعطيك العافية حبيبتي والله يجزاج كل خير ..

[بسمة طفلة]

المشاركة الأصلية كتبت بواسطة دونات

نساعدك ؟؟. كيف ...........؟؟

اذا الناس عقليتها لساتها بالجاهلية ...شتبينا نقول ..

ماأقول الا ادعي الله يهديهم وينور بصيرتهم ....

قال ماتجيب الا البنات توك بالثاني حرام عليهم ....لا والمصيبة ان والزوج هو اللي يحدد

بنت ولا ولد .......

اهدي ولاتزعلي وشيلي زوجك من بالك نهائي ..مشان راحة بالك ونفسيتك عشان البيبي

والله ماحد بيوقف جنبه ويسند هالأبو قد بناته ماقول الا الله يخلف على هالعقلية ,,,


ادعي الله هو وكيلك ...وهدي نفسك غصب طيب ...مشان صحة البيبي لاتتأثر ...


تقومين بالسلامة

مشكورة اختي على الدعوة الطيبة والله هونتو ضيقتي ..